ព័ត៌មានអន្ដរជាតិ
ប្រធានាធិបតីរដ្ឋជាសមាជិកណាតូ បង្ហាញវត្តមានយ៉ាងភ្ញាក់ផ្អើលបំផុត នៅ ចិន
តាមការចុះផ្សាយរបស់ RT នៅថ្ងៃចន្ទទី៨ខែកក្កដាឆ្នាំ២០២៤, លោក Viktor Orban ប្រធានាធិបតីហុងគ្រី ដែលជាសមាជិកអង្គការណាតូ បានធ្វើទស្សនកិច្ចយ៉ាងភ្ញាក់ផ្អើលជាទីបំផុតទៅកាន់ប្រទេសចិន។
![](https://www.kampucheathmey.com/wp-content/uploads/2024/07/image-431.png)
ភាពភ្ញាក់ផ្អើលបានកើតឡើង ខណៈពេលមេដឹកនាំហុងគ្រីរូបនេះ បានត្រូវបានគេឃើញក្នុងរូបថតមួយសន្លឹក ដែលគាត់ឈរជាមួយអនុរដ្ឋមន្ត្រីក្រសួងការបរទេសចិនលោកស្រី Hua Chunying នៅអាកាសយានដ្ឋានមួយកន្លែង រួមជាមួយនឹងការបង្ហោះសារលើបណ្តាញសង្គម X ដែលនិយាយថា “បេសកកម្មសន្តិភាព ៣.០ ទីក្រុងប៉េកាំង”។
តាមពិតទៅ ព័ត៌មាននៃដំណើរទស្សនកិច្ចនេះ ត្រូវបង្ហើបឲ្យដឹងមុនគេពីបណ្តាញសារព័ត៌មាន 444 របស់ហុងគ្រី ដែលសរសេរថា លោក Orban គ្រោងទៅដល់ប្រទេសអាស៊ី នៅពេលព្រឹកព្រលឹមថ្ងៃចន្ទ។
![](https://www.kampucheathmey.com/wp-content/uploads/2024/07/image-430.png)
សូមបញ្ជាក់ថា ដំណើរទស្សនកិច្ចនេះ គឺជាផ្នែកមួយនៃ “បេសកកម្មសន្តិភាព” របស់គាត់ ដែលក្នុងនោះក៏រួមមានទាំងការជួបពិភាក្សាជាមួយប្រធានាធីបតីរុស្ស៊ី លោកវ្ល៉ាឌីមៀរ ពូទីន នៅទីក្រុងមូស្គូ និងប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី នៅទីក្រុងកៀវ ផងដែរ។
កាលពីសប្តាហ៍មុន លោក Orban បានធ្វើដំណើរទៅកាន់ទីក្រុង កៀវ ជួបជាមួយលោក ហ្សេលេនស្គី ដើម្បីបញ្ចុះបញ្ចូលឲ្យទទួលយកបទឈប់បាញ់ជាមួយទីក្រុងមូស្គូ ហើយបន្ទាប់មក នាយករដ្ឋមន្ត្រីហុងគ្រី ក៏ចាប់ផ្តើមដំណើរទស្សនកិច្ចដ៏គួរឲ្យភ្ញាក់ផ្អើលមួយទៀត ទៅកាន់ទីក្រុងមូស្គូ ដើម្បីស្វែងរកសន្តិភាព បញ្ចប់ភ្លើងសង្គ្រាម រុស្ស៊ី-អ៊ុយក្រែន។
ទោះបីជាយ៉ាងណាក៏ដោយ ដំណើរដ៏គួរឲ្យភ្ញាក់ផ្អើលរបស់លោក Orban ទៅកាន់ប្រទេសរុស្ស៊ីបានបង្កឲ្យមានការខឹងសម្បាយ៉ាងខ្លាំង នៅទីក្រុងកៀវ និងក្នុងចំណោមមេដឹកនាំសហភាពអឺរ៉ុបដទៃទៀត ប៉ុន្តែនាយករដ្ឋមន្ត្រីហុងគ្រី បញ្ជាក់ហើយបញ្ជាក់ទៀតថា រឿងសំខាន់បំផុតក្នុងការបញ្ចប់សង្គ្រាមនេះគឺ “ការបង្កើតទំនាក់ទំនង”៕
អត្ថបទ៖ សុខ សុវណ្ណ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៧ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៥ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៣ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»