សេដ្ឋកិច្ច
ពាណិជ្ជកម្មទ្វេភាគីកម្ពុជា-បារាំងសម្រេចបានទឹកប្រាក់ជាង ២០០ លានដុល្លារ
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍នៅវេទិកាធុរកិច្ចកម្ពុជា-បារាំងលើកទី២ នៅថ្ងៃទី ០៨ ខែកក្កដា ឆ្នាំ ២០២៤ នេះថា នៅក្នុងរយៈពេល ៥ ខែ ឆ្នាំ ២០២៤ ទំហំពាណិជ្ជកម្មទ្វេភាគីកម្ពុជា-បារាំងបានកើនឡើងជាលំដាប់ និងសម្រេចបានទឹកប្រាក់ ២០៦,៤១ លានដុល្លារអាមេរិក។
សម្ដេចធិបតី ហ៊ុន ម៉ាណែត មានប្រសាសន៍ថា ក្រុមហ៊ុនបារាំងជាច្រើន រាប់ចាប់ពីសហគ្រាសពហុជាតិ (MNE) រហូតដល់សហគ្រាសធុនតូច និងមធ្យម (SME) បានបង្កើតមូលដ្ឋាននៅកម្ពុជា ដែលរួមចំណែកដល់ការបង្កើតការងារ ការផ្ទេរជំនាញ និងការអភិវឌ្ឍហេដ្ឋារចនាសម្ព័ន្ធ ដែលជាមូលដ្ឋានគ្រឹះកំណើនសេដ្ឋកិច្ចនៅកម្ពុជា។
សម្ដេចនាយករដ្ឋមន្ត្រីមានប្រសាសន៍ថា នៅក្នុងបរិបទនៃភាពមិនប្រាកដប្រជាខ្ពស់ជាសកល ដែលកើតចេញពីការធ្លាក់ចុះនៃសេដ្ឋកិច្ចសាកល ការកើនឡើងនៃភាពតានតឹងផ្នែកភូមិសាស្ត្រនយោបាយ និងពាណិជ្ជកម្ម ការប្រែប្រួលអាកាសធាតុ សង្គ្រាមនៅអ៊ុយក្រែន និងជម្លោះប្រដាប់អាវុធនៅមជ្ឍិមបូព៌ា សេដ្ឋកិច្ចកម្ពុជានៅតែមានភាពធន់ ដោយសម្រេចបានអត្រាកំណើនប្រមាណ ៥% នៅឆ្នាំ ២០២៣ ជាមួយនឹងការព្យាករណ៍កំណើនសេដ្ឋកិច្ច ៦% នៅឆ្នាំ ២០២៤ ដែលគន្លងសេដ្ឋកិច្ចដ៍រឹងមាំនេះ បានជំរុញឱ្យកម្ពុជាក្លាយជាគោលដៅវិនិយោគដ៍លេចធ្លោមួយក្នុងចំណោមទីផ្សារដែលកំពុងរីកលូតលាស់នៅតំបន់អាស៊ីអាគ្នេយ៍។
អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ ធុរកិច្ចអាស៊ានសម្រាប់កម្ពុជា បានថ្លែងលើកទឹកចិត្តឲ្យបណ្តាវិនិយោគិនបារាំងចាប់យកឱកាសវិនិយោគ នៅកម្ពុជា ខណៈទំនាក់ទំនងរវាងភាគីទាំងពីរបានកើនឡើងដល់ភាពជាដៃគូយុទ្ធសាស្ត្រនៅឆ្នាំ២០២៤ ក្នុងអំឡុងពេលទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅប្រទេសបារាំង។
អ្នកឧកញ៉ា គិត ម៉េង បានថ្លែងជំរុញឱ្យបណ្តាវិនិយោគិនបារាំង ក្រុមហ៊ុននានា អ្នកចាប់យកឱកាសនេះ ដើម្បីចាប់ដៃគ្នាភ្ជាប់ទំនាក់ទំនង និងចូលរួមជាមួយដៃគូអាជីវកម្មដ៏ល្អក្នុងប្រទេស កម្ពុជានៅក្នុងវេទិកាថ្ងៃនេះ ខណៈដែលទំហំពាណិជ្ជកម្មទ្វេភាគីកម្ពុជា បានកើនឡើងជាលំដាប់។
យោងតាមក្រុមប្រឹក្សាអភិវឌ្ឍកម្ពុជា (CDC) នៅក្នុងឆមាសទី១ ឆ្នាំ ២០២៤ រាជរដ្ឋាភិបាលបានអនុម័តនូវគម្រោងវិនិយោគចំនួន ១៩០ គម្រោង ជាមួយទុនសរុបប្រមាណ ៣,២ពាន់លានដុល្លារ កើនឡើងជាង ២ ពាន់លានដុល្លារ និងអាចបង្កើតការងារបានចំនួន ១៦៨ ៥៧២កន្លែង៕
អត្ថបទ៖ ឡេង ដេត
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ជីវិតកម្សាន្ដ៣ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
សេចក្ដីជូនដំណឹង៣ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ៦ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម៦ ថ្ងៃ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ២ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៤ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន