ព័ត៌មានអន្ដរជាតិ
ក្រុមហ៊ុនចិន BYD ទិញភាគហ៊ុន ២០ ភាគរយ ពីតំណាងចែកចាយថៃ Rever Automotive
ក្រុមហ៊ុនផលិតរថយន្តអគ្កិសនីយក្សចិន BYD បានប្រកាសកាលពីចុងសប្ដាហ៍ថា ក្រុមហ៊ុនបានចុះហត្ថលេខាទិញភាគហ៊ុន ២០ ភាគរយ ពីក្រុមហ៊ុនចែកចាយរថយន្តក្នុងស្រុក Rever Automotive របស់ថៃ ដែលជាប្រទេសទីផ្សារលក់រថយន្តនៅបរទេសសម្រាប់ BYD ដ៏ធំបំផុត។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
យោងតាមសេចក្តីថ្លែងការណ៍ ក្រុមហ៊ុនទាំង២បានចុះហត្ថលេខាលើកិច្ចព្រមព្រៀងទិញភាគហ៊ុនកាលពីថ្ងៃទី ៦ ខែកក្កដា ដើម្បីរួមគ្នាជំរុញការប្រកួតប្រជែងនៅក្នុងឧស្សាហកម្មរថយន្តថៃ។ ការទិញភាគហ៊ុននេះ ធ្វើឡើងក្រោយ BYD បានបើករោងចក្រផលិតរថយន្តអគ្កិសនីរបស់ខ្លួនតម្លៃជិត ៥០០ លានដុល្លារ នៅខេត្តរ៉ាយ៉ង ប្រទេសថៃ កាលពីថ្ងៃព្រហស្បតិ៍សប្ដាហ៍មុន ដោយមានសមត្ថភាពផលិតរថយន្តប្រមាណ ១៥០ ០០០ គ្រឿងក្នុង១ឆ្នាំ។
អ្នកគ្រប់គ្រងទូទៅផ្នែកលក់រថយន្តប្រចាំតំបន់អាស៊ីប៉ាស៊ីហ្វិករបស់ BYD លោក Liu Xueliang បាននិយាយថា៖ «យើងមានសេចក្តីរំភើបរីករាយ ក្នុងការធ្វើឱ្យភាពជាដៃគូរបស់យើងកាន់តែស៊ីជម្រៅ ដើម្បីបង្កើនល្បឿននៃការប្រើប្រាស់យន្តអគ្គិសនី និងរួមចំណែកដល់ការផ្លាស់ប្តូររបស់ថៃ ឆ្ពោះទៅរកអនាគតប្រកបដោយនិរន្តរភាពបន្ថែមទៀត»។
គួរគូសបញ្ជាក់ថា ក្រុមហ៊ុន Rever Automotive ដែលជាក្រុមហ៊ុនចែកចាយលក់រថយន្ត និងមានបន្ទប់តាំងបង្ហាញរថយន្តចំនួន ១០០ កន្លែងនៅទូទាំងប្រទេសថៃ បានចាប់ផ្តើមការលក់រថយន្តរបស់ BYD ក្នុងឆ្នាំ ២០២២ ហើយក្រោយមក រថយន្ត BYD ក៏បានក្លាយជាម៉ាករថយន្តអគ្គិសនីលក់ដាច់បំផុតប្រចាំប្រទេសនេះ។
បច្ចុប្បន្ន ថៃគឺជាមជ្ឈមណ្ឌលដំឡើង និងនាំចេញរថយន្តក្នុងតំបន់ ដោយមានក្រុមហ៊ុនផលិតរថយន្តជប៉ុនដូចជា Toyota Motor និង Honda Motor Co ក៏ដូចជា Isuzu Motors រួមចំណែកទីផ្សារមួយភាគធំជាយូរមកហើយ។ យ៉ាងណាមិញ ក្រុមហ៊ុនបរទេសទាំងនេះ កំពុងរងនៅការប្រកួតប្រជែងយ៉ាងខ្លាំងពីក្រុមហ៊ុនចិន ជាពិសេស BYD។ ក្នុងត្រីមាសទី១នៃឆ្នាំ ២០២៤ ក្រុមហ៊ុន BYD បានគ្រប់គ្រងចំណែកទីផ្សាររថយន្តអគ្គិសនីរបស់ថៃប្រមាណ ៤៦ ភាគរយ។ នេះបើយោងតាមក្រុមហ៊ុនស្រាវជ្រាវ Counterpoint ។
គួរកត់សម្គាល់ផងដែរថា ការទិញភាគហ៊ុន កើតឡើងនៅពេលដែល Rever ប្រឈមមុខនឹងការស៊ើបអង្កេតរបស់រដ្ឋាភិបាលជុំវិញការបញ្ចុះតម្លៃយ៉ាងសន្ធឹកសន្ធាប់ ដែលធ្វើឱ្យអតិថិជនចាស់ៗមួយចំនួនមានអារម្មណ៍ថា ពួកគេបានចំណាយប្រាក់ទិញរថយន្តលើសលុប ធៀបនឹងតម្លៃបច្ចុះថ្មីៗ៕
-
ព័ត៌មានជាតិ៣ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៥ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ២២ ម៉ោង ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស