ព័ត៌មានអន្ដរជាតិ
ថៃ ត្រៀមបិទហាងទំនិញរួចពន្ធទាំងអស់នៅតាមព្រលានយន្តហោះ
រដ្ឋាភិបាលថៃ នឹងបិទហាងទំនិញរួចពន្ធ ដែលកំពុងដំណើរការនៅក្នុងព្រលានយន្តហោះអន្តរជាតិរបស់ខ្លួន ដើម្បីលើកទឹកចិត្តអ្នកធ្វើដំណើរឲ្យចំណាយកាន់តែច្រើននៅកន្លែងផ្សេងទៀតក្នុងប្រទេស។
ប្រតិបត្តិករចំនួន៣ នៃអាជីវកម្មហាងទំនិញរួចពន្ធនៅតាមព្រលានយន្តហោះអន្តរជាតិចំនួន៨ បានយល់ព្រមផ្អាកប្រតិបត្តិការរបស់ពួកគេតាមគម្រោងរបស់រដ្ឋាភិបាល។ នេះបើយោងតាមការចុះផ្សាយរបស់សារព័ត៌មាន Bangkok Post ដែលដកស្រង់សម្តីអ្នកនាំពាក្យរងរដ្ឋាភិបាល។ ព្រលានយន្តហោះដែលត្រូវបិទហាងទំនិញរួចពន្ធ មានដូចជា ព្រលានសុវណ្ណភូមិ, ព្រលាន Don Meaung, ព្រលាន Chiang Mai, ព្រលាន Phuket, ព្រលាន Hat Yai, ព្រលាន Rayong, ព្រលាន Samui និងព្រលាន Krabi។
យ៉ាងណាមិញ មិនទាន់មានកាលបរិច្ឆេទជាក់លាក់ឡើយ ចំពោះការបញ្ឈប់ប្រតិបត្តិការនៃហាងទំនិញរួចពន្ធទាំងនោះ។
បើយោងតាមនាយកដ្ឋានគយថៃ បានឲ្យដឹងថា កាលពីឆ្នាំ២០២៣ ការលក់របស់ហាងទំនិញរួចពន្ធ មានចំនួន ៣,០២ពាន់លានបាត ឬស្មើនឹង ៨២,៩លានដុល្លារ។ រដ្ឋាភិបាលថៃ បានប៉ាន់ប្រមាណថា ការបិទនេះ នឹងបង្កើនការចំណាយរបស់ភ្ញៀវបរទេសបានចំនួន ៥៧០បាតក្នុងមនុស្សម្នាក់ រាល់ការធ្វើដំណើរម្ដង។
យោងតាមធនាគារពិភពលោក ប្រទេសថៃ ត្រូវបានគេរំពឹងថា នឹងទាក់ទាញភ្ញៀវទេសចរបានជាង ៣៦លាននាក់នៅក្នុងឆ្នាំ២០២៤នេះ។
ស្ថិតិពីក្រសួងទេសចរណ៍ និងកីឡា បានបង្ហាញថា ចាប់ពីថ្ងៃទី១ ខែមករា ដល់ថ្ងៃទី១៤ ខែមេសា ថៃបានស្វាគមន៍ភ្ញៀវទេសចរបរទេសបានចំនួន ១០,៧២លាននាក់។ ភ្ញៀវទេសចរជាង២លាននាក់ មានប្រភពមកពីប្រទេសចិន តាមពីក្រោយដោយម៉ាឡេស៊ី រុស្ស៊ី កូរ៉េខាងត្បូង និងឥណ្ឌា។
សូមបញ្ជាក់ថា មុនពេលការរាតត្បាតនៃជំងឺកូវីដ-១៩ វិស័យទេសចរណ៍ បានចូលរួមចំណែកចំនួន ២០% នៅក្នុងកំណើនសេដ្ឋកិច្ចប្រទេសថៃ៕
ដោយ៖ ឈាង
-
ព័ត៌មានជាតិ៣ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ១ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
ព័ត៌មានជាតិ៥ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤