ព័ត៌មានជាតិ
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
ជុំវិញគម្រោងប្រែក្លាយបឹងតាមោក ឱ្យក្លាយទៅជាឧទ្យានជាតិបៃតងនៅតាមទីសាធារណៈ ដើម្បីជាការរួមចំណែកធ្វើឱ្យទីក្រុងកាន់តែមានសោភពភាពស្រស់ស្អាត ស្របតាមគំនិតផ្ដួចផ្ដើមពីសម្តេចធិបតីនាយករដ្ឋមន្ត្រី ហ៊ុន ម៉ាណែត មន្រ្តីក្រសួងបរិស្ថានបានលើកសំណើពីសាលាក្រុងភ្នំពេញដែលស្នើសុំកូនឈើរាប់ម៉ឺនដើម ដើម្បីយកទៅដាំនៅតំបន់បឹងតាមោកដែលគ្រោងរៀបចំជាឧទ្យានបៃតងនៅពេលខាងមុខ។
ក្នុងសន្និសីទសារព័ត៌មានកាលពីពេលកន្លងទៅថ្មីៗនេះ លោក សាម អ៉ីន រដ្ឋលេខាធិការបានលើកឡើងថា «យើងបានដឹងពីគម្រោងប្រែក្លាយបឹងតាមោក ដោយសាលាក្រុងភ្នំពេញមានផែនការរៀបចំឱ្យក្លាយទៅជាឧទ្យានជាតិសម្រាប់រាជធានីភ្នំពេញលើផ្ទៃដីប្រមាណ ៧៥ ហិតា ស្របតាមចក្ខុវិស័យរបស់រាជរដ្ឋាភិបាលនីតិកាលទី ៧។ សម្រាប់សកម្មភាពនេះដែរ សាលាក្រុងភ្នំពេញក៏បានដាក់សំណើសុំកូនឈើដល់ក្រសួងបរិស្ថានរួចរាល់ហើយដែរ ដើម្បីយកទៅដាំនៅទីនោះ»។
លោក សាម អ៉ីន បានគូសបញ្ជាក់ថា សម្រាប់ផែនការដាំដើមឈើនៅតំបន់បឹងតាមោកនេះ ជំហានទី១ ក្រសួងបរិស្ថាននឹងប្រគល់ជូនកូនឈើប្រមាណជាង ៣ ម៉ឺនដើម ដល់សាលាក្រុងភ្នំពេញ ដើម្បីយកទៅដាំនៅតំបន់បឹងតាមោក នៅលើផ្ទៃដីប្រមាណ ៧៥ ហិតា។
លោកបន្តថា ការដាំដើមឈើនៅទីតាំងសាធារណៈជាគំនិតល្អមួយ ស្របតាមការណែនាំរបស់ប្រមុខរាជរដ្ឋាភិបាលកម្ពុជា ក្នុងការគិតគូរដល់សុខុមាលភាពរបស់ប្រជាពលរដ្ឋ និងបង្កើតឱ្យមានសួនបៃតងសម្រាប់ពលរដ្ឋអាចទៅលម្ហែកម្សាន្ត។
ដោយឡែកឆ្លើយតបសំណួរ «កម្ពុជាថ្មី» ជុំវិញការជំរុញដាំកូនឈើលំអរតាមដងផ្លូវនៅរាជធានីភ្នំពេញ លោក សាម អ៉ីន មានប្រសាសន៍ថា គួរជ្រើសរើសដើមឈើប្រភេទណាដែលដាំទៅហើយមានភាពទាក់ទាញ ស្រស់ស្អាត និងអាចស្រូបទាញកាបូន ជួយកាត់បន្ថយការបំពុលដល់បរិស្ថាបាន។
ជាមន្រ្តីបច្ចេកទេស លោកបានចង្អុលបង្ហាញកូនឈើ ៥ ប្រភេទ ដែលគួរតែបង្កើនសកម្មភាពបណ្តុះ ជាពិសេសដាំលំអរនៅតាមដងផ្លូវដើម្បីឱ្យកាន់តែមានភាពទាក់ទាញបន្ថែមទៀត។
តាមការកត់សម្គាល់លោកមើលឃើញថា នៅក្នុងរាជធានីភ្នំពេញ មានការដាំប្រភេទដើមឈើមួយចំនួនដូចជា ដើមគីនីន ដែលដើមឈើប្រភេទនេះ ក៏មានសម្រស់ស្រស់ស្អាតមួយផ្នែកដែរ។ ដោយឡែក ដើមត្របែកព្រៃ ដើមសាគូរ៉ា ដើមក្ងោក ក៏សុទ្ធតែជាប្រភេទដើមឈើមានភាពស្រស់ស្អាត រួមចំណែកផ្តល់សោភណភាពទីក្រុង ផ្តល់ជាម្លប់ផង និងជួយស្រូបកាបូនពីបរិយាកាសផង។
«ដូច្នេះ ខ្ញុំគិតថា ដើមឈើប៉ុន្មានប្រភេទនេះ យើងគួរតែជំរុញសកម្មភាពនៅក្នុងការបណ្តុះបន្ថែមទៀត ដើម្បីផ្តល់ជូនដល់អាជ្ញាធរដែនដីយកទៅដាំ ដែលផ្តើមចេញពីរាជធានីភ្នំពេញទៅតាមតំបន់ទីប្រជុំជន និងតាមបណ្តារាជធានី-ខេត្ត ផ្សេងៗទៀត»។ លោក សាម អ៉ីន បន្ថែមបែបនេះ។
ជាមួយគ្នានេះ មន្រ្តីក្រសួងបរិស្ថានរូបនេះ ក៏បានលើកពីការដាំដើមត្នោត ក្រោយឃើញមានក្រុមយុវជន ចង់យកទៅដាំតាមតំបន់ព្រំដែនកម្ពុជា-វៀតណាម ដើម្បីបង្ហាញពីអត្តសញ្ញាណជាតិ ដែលដើមត្នោតត្រូវបានចាត់ទុកថាជាអត្តសញ្ញាណខ្មែរមួយ ដូច្នេះលោកគិតថា នេះក៏ជាគំនិតមួយដ៏ល្អក្នុងការបង្ហាញទៅកាន់ប្រទេសជិតខាង៕
-
សេដ្ឋកិច្ច៥ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៦ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ៧ ថ្ងៃ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ
-
ព័ត៌មានជាតិ៣ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន