Alvarez ជាកីឡាករទី៥ មានតម្លៃផ្ទេរចេញខ្ពស់បំផុតនៅ Premier League

ក្លិបអង់គ្លេស Manchester City បានយល់ព្រមលក់កីឡាករ Julian Alvarez ទៅឲ្យក្លិប អេស្ប៉ាញ Atletico Madrid ក្នុងតម្លៃ៨២លានផោន។

ក្រោយការសម្រេចផ្លាស់ទៅកាន់ទឹកដីអេស្ប៉ាញ ខ្សែប្រយុទ្ធ Julian Alvarez ក្លាយជាកីឡាករទី៥ ក្នុងប្រវត្តិសាស្រ្ដ​របស់​លីគ​កំពូល​អង់គ្លេស​ Premier League ដែលមានតម្លៃផ្ទេរចេញខ្ពស់បំផុត ជាមួយទឹកប្រាក់ចំនួន៨២លានផោន។ រូបគេក៏ជាកីឡាករទី១ ក្នុងប្រវត្តិសាស្រ្ដក្លិបមេឃខៀវ Manchester City ដែលមានតម្លៃផ្ទេរចេញខ្ពស់គេជាងគិតត្រឹមឆ្នាំ២០២៤។

កំណត់ត្រាផ្ទេរកីឡាករចេញថ្លៃបំផុតរបស់​ Premier League ទី១បានទៅលើកីឡាករ Philippe Coutinho នៅរូបគេផ្លាស់ទៅកាន់ក្រុម FC Barcelona ក្នុងតម្លៃ១៤៦លានផោន។ ទី២ កីឡាករ​ Eden Hazard ផ្លាស់ទៅក្លិប Real Madrid ក្នុងតម្លៃ១៣០លានផោន។ ទី៣ កីឡាករ​ Harry Kane ផ្លាស់ទៅក្លិប Bayern Munich ​ក្នុង​តម្លៃ១០០លានផោន និង​កីឡាករទី៤ Gareth Bale ផ្លាស់ទៅ​ Real Madrid ក្នុងតម្លៃ៨៥.៣លានផោន។ កីឡាករទី៥បានទៅលើខ្សែប្រយុទ្ធ Julian Alvarez ដែលបានទម្លាក់កីឡាករ Cristiano Ronaldo ទៅលេខរៀងទី៦វិញ។

Alvarez បានបង្ហាញខ្លួន១០៣ប្រកួត​ឲ្យ​​ Man City ចាប់តាំងពីបានមកដល់កីឡដ្ឋាន Etihad កាលពី២ឆ្នាំមុនដោយស៊ុតបញ្ចូលទីបាន៣៦គ្រាប់។ កីឡាករជម្រើសជាតិអាហ្សង់ទីនរូប​នេះ​បានឈ្នះពានរង្វាន់ Premier League​ ២​លើក, FA Cup ១លើក, Champions League ១លើក, Super Cup ១លើក និង Club World Cup ១លើក ជា​មួយ Man City៕

ប្រែសម្រួល៖ ផា រតនា