ព័ត៌មានជាតិ
ក្រសួងបរិស្ថាន ជំរុញឱ្យយកចិត្តទុកដាក់លើការគ្រប់គ្រងសំរាមនៅទីប្រជុំជន ក្នុងខេត្តកោះកុង
មន្ត្រីជាន់ខ្ពស់ នៃគណៈកម្មាធិការរៀបចំ និងគ្រប់គ្រងទីលានដាក់សំរាមសំណល់រឹងទីប្រជុំជន នៃក្រសួងបរិស្ថាន បានទាមទារ និងជំរុញឱ្យអាជ្ញាធរក្រុង/ស្រុក បង្កើនការយកចិត្តទុកដាក់ខ្ពស់លើការគ្រប់គ្រងកាកសំណល់សំរាមរឹងរាវនៅតាមទីប្រជុំជនក្នុងខេត្តកោះកុងឱ្យបានល្អប្រសើរ។
ការទាមទារឱ្យពង្រឹងយន្តការបែបនេះរបស់ លោក ឡេង គឹមស្រុង អគ្គលេខាធិការរង នៃគណៈកម្មាធិការរៀបចំ និងគ្រប់គ្រងទីលានដាក់សំរាមសំណល់រឹងទីប្រជុំជនរបស់ក្រសួងបរិស្ថាន ធ្វើឡើងក្នុងកិច្ចប្រជុំប្រជុំពិនិត្យវឌ្ឍនភាព នៃសេវាគ្រប់គ្រងសំរាមទីប្រជុំជន និងប្រសិទ្ធភាព នៃការអនុវត្តកញ្ចក់សេវាអនាម័យបរិស្ថានក្នុងខេត្តកោះកុង។
លោក ឡេង គឹមស្រុង បង្ហាញឱ្យដឹងនៅថ្ងៃទី ៩ ខែកក្កដា ឆ្នាំ ២០២៤ នេះទៀតថា បញ្ហាវិបត្តិសំរាមរឹងរាវ ត្រូវបានគិតគូរខ្ពស់ពីក្រសួងបរិស្ថាន តាមរយៈដាក់ចេញលិខិតបទដ្ឋានគតិយុត្តិនានា ទម្លាក់កញ្ចក់ថវិកាអភិវឌ្ឍន៍លើសកម្មភាពគ្រប់គ្រងដោះស្រាយ កំណត់តម្លៃសេវាប្រមូលដឹកជញ្ជូន និងកៀរគរអ្នកវិនិយោគជាដើម។
លោក ឡេង គឹមស្រុង លើកឡើងដែររថា ដើម្បីការងារនេះសម្រេចបាន លុះត្រារដ្ឋបាលក្រុង/ស្រុកដាក់ចិត្តដាក់កាយសហការអនុវត្តរួមគ្នា ទើបអាចលើកកម្ពស់អនាម័យបរិស្ថានសោភ័ណភាពស្អាតល្អប្រសើរ និងបង្កើនការទាក់ទាញកំណើនអ្នកទេសចរមកលេងកម្សាន្តកាន់តែច្រើន។ ករណីមានភាពខ្វះខាតណាមួយ ក្រសួង នឹងបំពេញបន្ថែមទៀតដល់រដ្ឋបាលខេត្តក្រុងស្រុកថែមទៀត។
បច្ចុប្បន្ន ក្រុងខេមរភូមិន្ទ មានចំនួនប្រជាជនកាន់តែកើនឡើងពី ១ ឆ្នាំ ទៅ ១ ឆ្នាំ រីឯការគ្រប់គ្រងសំរាមរឹងរាវនៅមានកម្រិត ដែលជាសញ្ញាហានិភ័យផ្នែកទុកដាក់សំរាម ប្រសិនបើគ្មានយន្តការ ឬវិធីសាស្ត្រពិតប្រាកដនោះទេ ច្បាស់ណាស់ថា ការរស់នៅ និងសោភ័ណភាពទីសាធារណៈ កាន់តែហ៊ុមព័ទ្ធទៅដោយគំនរសំរាម។
ដោយឡែក លោក អន សុធារិទ្ឋ អភិបាលរងខេត្តកោះកុង ថ្លែងថា រដ្ឋបាលខេត្តក្រុង/ស្រុក សហការជាមួយក្រសួងបរិស្ថាន បានផ្តោតការយកចិត្តទុកដាក់ខ្ពស់លើការគ្រប់គ្រងកាកសំណល់សំរាមរឹងរាវគ្រប់ប្រភេទនៅទីប្រជុំជនរហូតដល់ស្រុក/ឃុំមួយចំនួនទៀតផងដែរ ចៀសវាងបង្កផលប៉ះពាល់មិនល្អដល់សុខភាពរស់នៅ ក៏ដូចជាលើកកម្ពស់សោភ័ណភាពទីក្រុងមានលក្ខណៈទាក់ទាញ។
លោកអភិបាលរងខេត្តកោះកុង រំលេចទៀតថា បច្ចុប្បន្នរដ្ឋបាលខេត្ត និងស្រុក មានដីបម្រុងទុកសម្រាប់ធ្វើទីលានចាក់សំរាមរួចរាល់ហើយ តាមការស្នើសុំកាត់ឆ្វៀលពីរដ្ឋាភិបាលកម្ពុជា ដោយបានចុះបញ្ជីដីទាំងនោះបានត្រឹមត្រូវ ដើម្បីបង្ការសកម្មភាពរំលោភបំពានពីនរណាម្នាក់។
លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុង អះអាងថា មន្ទីរជំនាញ រដ្ឋបាលខេត្តកោះកុង និងរដ្ឋបាលក្រុង/ស្រុក មិនចង់សោះឡើយការផាកពិន័យដល់ម្ចាស់ផ្ទះ សណ្ឋាគារ ផ្ទះសំណាក់ ក្រុមហ៊ុនសហគ្រាសនានាដែលចោលសំរាមនៅទីសាធារណៈ គ្មានរបៀបរៀបរយ បង្កឱ្យប៉ះពាល់ដល់សុខភាពរស់នៅ និងបរិស្ថានអនាម័យទីសាធារណៈ ដោយបន្តផ្សព្វផ្សាយអប់រំជាប្រចាំពីវិធីទុកដាក់សំរាមបានត្រឹមត្រូវ។
លោកប្រធានមន្ទីរបរិស្ថាន ក៏លើកទឹកចិត្តដល់អាជ្ញាធរស្រុកឃុំសង្កាត់ក្នុងខេត្តកោះកុង លើកជាគម្រោងស្នើសុំកញ្ចប់ថវិកាពីរដ្ឋាភិបាល ដើម្បីពង្រឹងសមត្ថភាពគ្រប់គ្រងសំណល់សំរាមនៅក្នុងមូលដ្ឋានរបស់ខ្លួន ករណីមានតម្រូវការជាក់ស្ដែងថាពិតជាចង់បានទីលានចាក់សំរាម ក្រុមហ៊ុនដឹកជញ្ជូនប្រមូលសំរាម និងការចូលរួមបង់វិភាគទានថ្លៃសេវាជាដើម៕
អត្ថបទ ៖ សិរីវឌ្ឍនៈ
ព្រះខ័នរាជស្វាយរៀង បន្តធ្វើការធ្ងន់ក្នុងពានរង្វាន់៤ផ្សេងគ្នាដ៏មមាញឹក
ខួប៤០ឆ្នាំឡើងជានាយករដ្ឋមន្ត្រី សម្ដេចតេជោរំលឹកពីអាទិភាពដំបូងដែលបានសន្យាចំពោះប្រជាជន
Song Hye Kyo និង Gong Yoo ប៉ះគ្នាក្នុងរឿងភាគថ្មី ចាយទុនផលិត ៤៧.៧លានដុល្លារ
រដ្ឋបាលសង្កាត់ស្ទឹងមានជ័យទី ១ បើកយុទ្ធនាការបាញ់ថ្នាំសម្លាប់សត្វមូស ក្នុងភូមិទាំង ៨
ពលរដ្ឋតាមផ្លូវទៅភ្នំសំពៅ ស្នើមគ្គុទេសជួយនាំទេសចរបរទេស បានស្គាល់អំពីតម្លៃផ្លែត្នោតនិងគ្រាប់ត្នោតរបស់ខ្មែរ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ