អភិបាលខេត្តឧត្តរមានជ័យ ប្រកាសដោះស្រាយរាល់សំណើរសំណូមពររបស់ពលរដ្ឋ

ក្នុងវេទិកាសាធារណៈរបស់ក្រុមការងាររាជរដ្ឋាភិបាលចុះមូលដ្ឋាន នៅស្រុកត្រពាំងប្រាសាទ ខេត្តឧត្តរមានជ័យ នាព្រឹកថ្ងៃទី០៩ ខែកក្កដា ឆ្នាំ២០២៤ លោក មាន ចាន់យ៉ាដា អភិបាលខេត្តឧត្តរមានជ័យ បានប្រកាសដោះស្រាយរាល់សំណើរសំណូមពររបស់ពលរដ្ឋ។

វេទិកានេះ ប្រព្រឹត្តិទៅក្រោមអធិបតីភាព លោក គន់ គីម ប្រធានក្រុមការងាររាជរដ្ឋាភិបាល ចុះជួយខេត្តឧត្តរមានជ័យ និងមានការចូលរួមពីប្រជាពលរដ្ឋប្រមាណ ៥០០នាក់។

ថ្លែងក្នុងពិធី លោកអភិបាលខេត្ត បានបញ្ជាក់ថា «យើងខ្ញុំទាំងអស់គ្នានឹងព្យាយាមឱ្យអស់ពីលទ្ធភាព ក្នុងការដោះស្រាយរាល់សំណើសំណូមពររបស់បងប្អូនប្រជាពលរដ្ឋរបស់យើង»។ ជាមួយគ្នានោះ លោកក៏បានអរគុណ ចំពោះវត្តមានរបស់ប្រជាពលរដ្ឋដែលបានឆ្លៀតពេលវេលាដ៏មានតម្លៃ ចូលរួមក្នុងវេទិកាសាធារណៈនេះ៕