ជីវិតកម្សាន្ដ
Jennie ចេញលិខិតសុំទោស ក្រោយជក់បារីអេឡិចត្រូនិចផ្លុំផ្សែងលើបុគ្គលិក
Jennie សមាជិកក្រុម BLACKPINK បានចេញលិខិតសុំទោសជាសាធារណៈមួយ បន្ទាប់ពីត្រូវបានទទួលគេប្រទះឃើញនាងជក់បារីក្នុងផ្ទះហើយបង្ហុយផ្សែងដាក់បុគ្គលិក នៅពេលកំពុងតុបតែងខ្លួន។ នេះបើយោងតាមការចុះផ្សាយពីសារព័ត៌មាន Allkpop នៅថ្ងៃទី ០៩ ខែកក្កដា ឆ្នាំ២០២៤។
ភ្នាក់ងារផ្ទាល់ខ្លួនរបស់ Jennie គឺ OA Entertainment បានចេញសេចក្តីថ្លែងការណ៍ផ្លូវការមួយនៅលើប៉ុស្តិ៍ផ្លូវការរបស់ពួកគេភ្លាមៗ បន្ទាប់ពីឧប្បត្តិហេតុបានកើតឡើង។
នៅក្នុងសេចក្តីថ្លែងការណ៍បានសរសេរថា “យើងសូមអភ័យទោសដោយស្មោះចំពោះអ្នកគ្រប់គ្នាដែលមានអារម្មណ៍មិនស្រួលចំពោះអាកប្បកិរិយារបស់ Jennie នៅក្នុងខ្លឹមសារដែលបានចេញផ្សាយនៅថ្ងៃទី0២ កន្លងទៅនេះ ។ Jennie បានជក់បារីនៅក្នុងផ្ទះ និងបង្កភាពរអាក់រអួលដល់បុគ្គលិក។ នាងបានទាក់ទងផ្ទាល់ទៅកាន់បុគ្គលិកដែលមានវត្តមាននៅពេលនោះ ដើម្បីសុំទោសផងដែរ។ “
ភ្នាក់ងារដដែលបានបន្ថែមថា “យើងក៏សូមអភ័យទោសចំពោះអ្នកគាំទ្រដែលមានអារម្មណ៍ខកចិត្ត និងសន្យាថា ថ្ងៃក្រោយ Jennie នឹងឆ្លើយតបជាមួយនឹងរូបភាពចាស់ទុំឲ្យកាន់តែប្រសើរឡើងនាពេលអនាគត” ។
សូមជម្រាបជូនដែរថា ឧបទ្ទវហេតុនេះបានកើតឡើងនៅថ្ងៃទី ០២ ខែកក្កដា នៅពេលដែល Jennie ត្រូវបានគេឃើញជក់បារី e-cigarette នៅក្នុងបន្ទប់រង់ចាំ មុនពេលការហាត់សមកម្មវិធីបង្ហាញម៉ូដអ៊ីតាលី ពេលនោះនាងស្រាប់តែផ្លុំផ្សែងមកលើបុគ្គលិក។ នេះបានជំរុញឲ្យមានប្រតិកម្មមិនស្រួល ហើយថែមទាំងឈានដល់ការដាក់ពាក្យបណ្តឹងតាមរយៈ National Sinmungo ថែមទៀតផង៕
អត្ថបទ៖ សាង ស្រីល័ក្ខ
ចុចអាន៖ច្បាស់ការហើយថា HyunA និង Yong Jun-hyung ពិតជារៀបការនៅខែតុលាឆ្នាំនេះ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា