ព័ត៌មានអន្ដរជាតិ
នៅកាណាដា ៥នាទី ចោរលួចរថយន្តបាន ១គ្រឿង
តាមការចុះផ្សាយរបស់សារព័ត៌មាន Firstpost កាលពីថ្ងៃអង្គារទី៩ខែកក្កដាឆ្នាំ២០២៤, កាណាដា ត្រូវបានគេឲ្យឈ្មោះថា “រាជធានីចោរលួចឡានលើពិភពលោក” ព្រោះថា រាល់៥នាទីម្តង រថយន្តក្នុងប្រទេសនេះត្រូវបានចោរលួច ដល់ថ្នាក់ការិយាល័យធានារ៉ាប់រងកាណាដា ប្រកាសអាសន្ន ហើយថែមទាំងប៉ូលិសអន្តរជាតិ ចូលរួមដោះស្រាយបញ្ហានេះទៀតផង។
ត្រឹមតែមួយឆ្នាំ២០២២ គេជឿថា រថយន្តជាង ១០៥ ០០០គ្រឿង ត្រូវបានចោរលួចទូទាំងប្រទេសកាណាដា ហើយជារឿយៗ រថយន្តដែលលួចបាន ត្រូវចោរយកទៅលក់នៅប្រទេសផ្សេងដើម្បីកុំឲ្យប៉ូលិសចាប់បាន។
ទោះបីជាយ៉ាងណាក៏ដោយ ពីមួយឆ្នាំទៅមួយឆ្នាំ បញ្ហានេះមិនបង្ហាញសញ្ញាធូរស្រាលឡើយ ជាក់ស្តែងប៉ូលិស INTERPOL អះអាងថា រថយន្តដែលចោរលួចបានពីប្រជាជនកាណាដា ជាង ១ ៥០០គ្រឿង ត្រូវយកទៅលក់ពាសពេញពិភពលោកត្រឹមចន្លោះខែកុម្ភៈដល់ខែឧសភាឆ្នាំ២០២៤នេះ។
INTERPOL និយាយថា “ក្នុងរយៈពេលប៉ុន្មានឆ្នាំចុងក្រោយ កាណាដា បានក្លាយជាប្រទេសមានចោរលួចយានយន្តច្រើនបំផុតគួរឲ្យកត់សម្គាល់ ដោយសារប្រទេសនេះ សម្បូររថយន្តម៉ាកថ្លៃៗនិងជាម៉ាកដែលត្រូវប៉ាន់លើទីផ្សារ។ រថយន្តជាច្រើន ត្រូវបានដឹកជញ្ជូនទៅកាន់តំបន់មជ្ឈិមបូព៌ានិងអាហ្វ្រិកខាងលិច ដើម្បីជួញដូរ ឬលក់បន្ត”។
បញ្ហានេះកំពុងបំផ្លាញកេរ្តិ៍ឈ្មោះរបស់ប្រទេសកាណាដាឲ្យអាប់ឱន និងធ្វើឲ្យក្រុមហ៊ុនធានារ៉ាប់រងឈឺក្បាលយ៉ាងខ្លាំង ជាក់ស្តែងគ្រាន់តែឆ្នាំមុន ក្រុមហ៊ុនធានារ៉ាប់រងត្រូវសងប្រាក់អស់ជាង ១ពាន់លានដុល្លារអាមេរិកឯណោះ ហើយតួលេខនេះគឺលើសពីឆ្នាំ២០១៨ ដល់ទៅបីដង។
ងាកទៅមើលសេចក្តីរាយការណ៍កាលពីខែមេសាវិញ ការស៊ើបអង្កេតរបស់ប៉ូលិសខេត្ត Ontario និងទីភ្នាក់ងារព្រំដែនកាណាដា បានរកឃើញរថយន្តចំនួន៥៩៨គ្រឿង មុនពេលនាំចេញទៅក្រៅប្រទេស ខណៈរថយន្តទាំងនោះ ភាគច្រើនលួចពីខេត្ត Ontario ហើយមានតម្លៃលក់បន្តប្រមាណ ២៥លានដុល្លារអាមេរិក៕
អត្ថបទ៖ សុខ សុវណ្ណ
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៦ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
សន្តិសុខសង្គម៦ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ