ព័ត៌មានអន្ដរជាតិ
លោក Blinken៖ F-16 នឹងហោះលើមេឃអ៊ុយក្រែន នៅរដូវក្តៅនេះ
ថ្លែងក្នុងវេទិកាសាធារណៈរបស់អង្គការណាតូ កាលពីថ្ងៃពុធទី១០ខែកក្កដាឆ្នាំ២០២៤, រដ្ឋមន្ត្រីការបរទេសអាមេរិកលោក Antony Blinken បញ្ជាក់ថា យន្តហោះចម្បាំង F-16 ផលិតដោយអាមេរិក កំពុងស្ថិតនៅលើផ្លូវឆ្ពោះទៅកាន់ប្រទេសអ៊ុយក្រែនហើយ ហើយយន្តហោះចម្បាំងទំនើបៗទាំងនោះ នឹងហោះការពារមេឃអ៊ុយក្រែន ក្នុងរដូវក្តៅនេះតែម្តង។
![](https://www.kampucheathmey.com/wp-content/uploads/2024/07/image-659-1024x683.png)
ទោះបីជាយ៉ាងណាក៏ដោយ លោក Blinken មិនបានបញ្ជាក់ច្បាស់ថាតើនឹងមានយន្តហោះ F-16 ប៉ុន្មានគ្រឿងដែលនឹងត្រូវបញ្ជូនចេញពីប្រទេសហូឡង់និងដាណឺម៉ាក ទៅឲ្យអ៊ុយក្រែននោះទេ ខណៈសេចក្តីថ្លែងការណ៍រួមរវាងទីក្រុងវ៉ាស៊ីនតោន ឡាអេ និងកូប៉ិនហាក បានឲ្យដឹងថា ព័ត៌មានលម្អិតផ្សេងៗ គឺត្រូវបានរក្សាទុកព្រោះតែបញ្ហាសន្តិសុខ។
ការអះអាងប្រគល់យន្តហោះចម្បាំង F-16 នេះ ធ្វើឡើងក្រោយសេចក្តីប្រកាសរបស់លោកប្រធានាធិបតី ចូ បៃដិន ដែលថា សម្ព័ន្ធមិត្តអង្គការណាតូ នឹងផ្តល់ប្រព័ន្ធការពារដែនអាកាសចំនួនប្រាំប្រភេទបន្ថែមទៀតឲ្យអ៊ុយក្រែន ខណៈប្រទេសនេះនៅតែបន្តប្រឈមមុខនឹងការវាយប្រហារដោយមីស៊ីលរុស្ស៊ី។
![](https://www.kampucheathmey.com/wp-content/uploads/2024/07/image-658-1024x600.png)
រម្លឹកទៅខែមិថុនាឆ្នាំ២០២៣ ពេលនោះ លោក បៃដិន បានប្រកាសជាលើកដំបូងថា ដៃគូរបស់ណាតូ នឹងសន្យាផ្តល់យន្តហោះ F-16 ទៅឲ្យអ៊ុយក្រែន ហើយមកដល់ខែឧសភាឆ្នាំនេះ ពីឡុតអ៊ុយក្រែនក្រុមដំបូង ក៏បានបញ្ចប់ការសិក្សាពីកម្មវិធីបណ្តុះបណ្តាលនៅសហរដ្ឋអាមេរិក។
ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី ក៏បានស្វាគមន៍សេចក្តីប្រកាសនោះថាជា ការពង្រឹងខែលការពារដែនអាកាសរបស់អ៊ុយក្រែនដែរ។
សូមបញ្ជាក់ថា កងកម្លាំងលោក ហ្សេលេនស្គី ត្រូវការជំនួយបែបនេះជាបន្ទាន់ ជាពិសេសក្រោយការបាញ់មីស៊ីលរុស្ស៊ីកាលពីថ្ងៃអាទិត្យ ដែលវាយប្រហារមន្ទីរពេទ្យកុមារក្នុងទីក្រុងកៀវ ដោយគេប៉ាន់ស្មានថាមានអ្នករងរបួសប្រមាណ៣០០នាក់ ហើយមានកុមារ៤នាក់ត្រូវបាត់បង់ជីវិត៕
អត្ថបទ៖ សុខ សុវណ្ណ
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ម៉ោង ago
វៀតណាម ជួបគ្រោះផ្ទួនៗ ព្យុះទីហ្វុងផង រញ្ជួយដីផង
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍៥ ម៉ោង ago
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់