កីឡា

Watkins ប្រាប់អារម្មណ៍ ក្រោយស៊ុតចូលចុងម៉ោងយកឈ្នះ ហុល្លង់

បានផុស

២ ខែ មុន

នៅ

ថ្ងៃព្រហស្បតិ៍ ១១ កក្កដា ២០២៤

ដោយ

ខ្សែប្រយុទ្ធ Ollie Watkins បានក្លាយជាតួឯកជួយអង់គ្លេសបានឡើងដល់វគ្គផ្ដាច់ព្រ័ត្រពានរង្វាន់ EURO ក្រោយស៊ុតគ្រាប់បាល់ជ័យជម្នះនៅចុងម៉ោងយកឈ្នះ ហុល្លង់ ២-១ ក្រោយដូរលេងបាន១០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការស៊ុតបញ្ចូលទី១គ្រាប់នៅនាទី៩០ បានធ្វើឲ្យកីឡាករ Ollie Watkins ឈ្នះពានរង្វាន់កីឡាករល្អប្រចាំការប្រកួត។ នេះជារឿងមួយនឹកស្មានមិនដល់ ហើយសូម្បីរូបគេផ្ទាល់ស្ទើរមិនជឿលើខ្លួនឯងធ្វើបានល្អដូចនេះ។ ស្ថិតិកីឡាករ Watkins ក្នុងពានរង្វាន់ EURO បង្ហាញខ្លួនបាន២ប្រកួត លេងបាន៣០នាទី ស៊ុតបញ្ចូលទី១គ្រាប់។

កីឡាករ Ollie Watkins បាននិយាយថា ៖«និយាយឲ្យត្រង់ទៅ ខ្ញុំមិននឹកស្រមៃថា ខ្ញុំអាចធ្វើរឿងនេះបាន។ ការស៊ុតបញ្ចូលទីឲ្យក្រុមអង់គ្លេសគឺអស្ចារ្យ ប៉ុន្តែខ្ញុំមិនធ្លាប់គិតថា ខ្ញុំអាចធ្វើបានរឿងនេះទេនៅ EURO»។

មុនពេលផ្លាស់ប្ដូរចូលក្នុងទីលាន Ollie Watkins បានប្រាប់អ្នកចាំទីបម្រុង Dean Henderson ថា រូបគេអាចធ្វើឲ្យមានភាពខុសប្លែក។ ទីបំផុតរូបគេស៊ុតគ្រាប់បាល់ជ័យជម្នះ ជួយឲ្យអង់គេ្លសឡើងដល់វគ្គផ្តាច់ព្រ័ត្រ៕