ព័ត៌មានអន្ដរជាតិ
បាក់ទំនប់ទឹកនៅ ចិន ជម្លៀសមនុស្សជាង ៧ ០០០នាក់ជាបន្ទាន់
តាមសេចក្តីរាយការណ៍របស់ ស៊ីនហួ កាលពីថ្ងៃពុធទី១០ខែកក្កដាឆ្នាំ២០២៤, ខេត្តហូណាននៃប្រទេសចិន បានជម្លៀសមនុស្ស៧ ០០០នាក់ជាបន្ទាន់ ដោយសារតែការបាក់ទំនប់ទឹកនៅស្ទឹង តុងធីង។
ដំបូងឡើយពោលគឺនៅថ្ងៃទី៥ខែកក្កដា អ្នកភូមិ ធ័នចូវយ័ន បានរាយការណ៍ប្រាប់អាជ្ញាធរអំពីករណីទឹកជន់លិចផ្ទះរបស់ពួកគេ ដែលជាសញ្ញាគួរឲ្យសង្ស័យពាក់ព័ន្ធនឹងទំនប់ទឹក។ ក្រោយមកក្រុមអ្នកជំនាញក៏បានឃើញស្នាមប្រេះប្រវែង ២២៦ម៉ែត្រនៅលើទំនប់នោះមែន ប៉ុន្តែទោះបីជាមានកិច្ចខិតខំប្រឹងប្រែងជួសជុលយ៉ាងណាក៏ដោយ ក៏មិនអាចទប់ស្កាត់ការធ្លាយបានដែរ។
ទីបំផុត ត្រឹម២ម៉ោងក្រោយការជួសជុល ទំនប់នោះក៏ធ្លាយ បង្កការជន់លិចលើផ្ទៃដី ៤៨គីឡូម៉ែត្រការ៉េ ហើយជំរុញឲ្យមានការជម្លៀសមនុស្ស ៧ ៦៨០នាក់ជាបន្ទាន់។ ទោះបីជាយ៉ាងណាក៏ដោយ ភ្លាមៗមិនទាន់មានរបាយការណ៍អំពីមនុស្សស្លាប់ឬរបួសទេ។
ជុំវិញមូលហេតុនៃការបាក់ទំនប់នេះ ត្រូវបានអាជ្ញាធរមូលដ្ឋានអះអាងថា បណ្តាលមកពីភ្លៀងធ្លាក់ក្នុងកម្រិតខ្ពស់មិនធ្លាប់មានជាប្រវត្តិសាស្រ្ត។ ភ្លៀងធ្លាក់ដូចហែកមេឃចន្លោះថ្ងៃ១៦ខែមិថុនា ដល់ថ្ងៃទី៣ខែកក្កដា គឺជាកម្រិតធ្ងន់ធ្ងរបំផុតក្នុងតំបន់ ឆាងសា ឆាងទ័រ យៀកយ៉ាង ស៊ាំងថាន គិតចាប់តាំងពីកំណត់ត្រា ចាប់ផ្តើមសរសេរក្នុងឆ្នាំ១៩៦១។
ដោយសារតែភ្លៀងធ្លាក់ខ្លាំងបែបនេះហើយ ទើបបណ្តាលឲ្យទឹកទន្លេជាច្រើនក្នុងខេត្ត ហូណាន ឡើងដល់កម្រិតប្រកាសអាសន្ន។ មិនត្រឹមប៉ុណ្ណឹង បើគិតចាប់តាំងរដូវទឹកជំនន់ចាប់ផ្តើមក្នុងខែមេសាឆ្នាំនេះមក ស្ទឹងធំបំផុតក្នុងខេត្ត ហូណាន បានទទួលទឹក១២២ពាន់លានម៉ែត្រគូប ពោលគឺលើសពីកម្រិតមធ្យម ៣៩.៩%។
សូមបញ្ជាក់ថា ប្រទេសចិនភាគខាងត្បូង ក៏បានជួបប្រទះនឹងទឹកជំនន់ដែរនៅឆ្នាំនេះ។ ជាក់ស្តែងកាលពីខែមិថុនា តំបន់ជាច្រើននៅក្នុងខេត្ត ក្វាងទុង, ក្វាងស៊ី និង អានហួយ បានប្រឈមមុខនឹងទឹកជំនន់យ៉ាងធ្ងន់ធ្ងរ៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា