ព័ត៌មានអន្ដរជាតិ
សិង្ហបុរី រឹបអូសថ្នាំជក់គ្មានផ្សែងជាង ៦០០ គីឡូក្រាម
យោងតាមការចេញផ្សាយរបស់សារពត៌មាន CNA នៅថ្ងៃទី ១១ ខែ កក្កដាបានឲ្យដឹងថា, ផលិតផលថ្នាំជក់គ្មានផ្សែងជាង ៦០០ គីឡូក្រាមតម្លៃប្រមាណជាង ១០០,០០០ដុល្លារសិង្ហបុរី ស្មើនឹង៧៤,២០០ដុល្លារអាមេរិក ត្រូវបានអាជ្ញាធររឹបអូសក្នុងអំឡុងប្រតិបត្តិការយៈពេលប្រាំមួយសប្តាហ៍នៅ សង្កាត់Little India នៃប្រទេសសិង្ហបុរី។
ប្រតិបត្តិការរួមគ្នារវាងអាជ្ញាធរវិទ្យាសាស្ត្រសុខាភិបាល (HSA) និងកងកម្លាំងប៉ូលិសសិង្ហបុរី (SPF) ដែលធ្វើឡើងចាប់ពីថ្ងៃទី១៥ខែឧសភាដល់ថ្ងៃទី ៣០ ខែមិថុនា បានរកឃើញថ្នាំជក់គ្មានផ្សែង លាក់នៅកន្លែងផ្សេងៗក្នុងសង្កាត់ Little India និងតំបន់ជុំវិញនោះ។
ក្នុងប្រតិបត្តិការណ៍នេះដែរ មានមនុស្ស ២៧ នាក់អាយុចន្លោះពី ២៤ ដល់ ៧៧ ឆ្នាំ កំពុងជាប់ក្នុងការស៊ើបអង្កេតលើបទចោទប្រកាន់ជួញដូរ និងកាន់កាប់ផលិតផល ក៏ដូចជាបទល្មើសអចលនទ្រព្យផ្សេងទៀត។
គួរបញ្ជាក់ថា ថ្នាំជក់គ្មានផ្សែង ត្រូវបានហាមឃាត់ក្នុងប្រទេសសិង្ហបុរី គឺជាថ្នាំជក់ដែលអាចប្រើប្រាស់បានដោយមិនចាំបាច់ដុត រួមបញ្ចូលទាំងថ្នាំជក់ snuff និង snus ដោយសារផលិតផលថ្នាំជក់គ្មានផ្សែងមានជាតិនីកូទីន និងសារធាតុគីមីដែលបង្កគ្រោះថ្នាក់ផ្សេងទៀតបណ្តាលឲ្យកើតជំងឺមហារីក និងបញ្ហាសុខភាពមាត់ធ្មេញ។
HSA និង SPF ក៏បានព្រមានសាធារណជនកុំឲ្យទិញ ឬនាំយកផលិតផលថ្នាំជក់គ្មានផ្សែងចូលទៅក្នុងប្រទេសសិង្ហបុរីផងដែរ ហើយបើជនណាត្រូវបានរកឃើញថាមានពិរុទ្ធពីបទនាំចូល ចែកចាយ ឬលក់ថ្នាំជក់គ្មានផ្សែង គឺនឹងត្រូវប្រឈមការផាកពិន័យរហូតដល់ ១០ ០០០ដុល្លារសិង្ហបុរី និងជាប់ពន្ធនាគាររហូតដល់ប្រាំមួយខែ។ ចំណែកជនណាដែលត្រូវបានផ្តន្ទាទោសពីបទកាន់កាប់ ទិញ និងប្រើប្រាស់ថ្នាំជក់គ្មានផ្សែងនេះ នឹងត្រូវផ្តន្ទាទោសពិន័យជាប្រាក់យ៉ាងតិច ២ ០០០ ដុល្លារសិង្ហបុរី៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា