ព័ត៌មានជាតិ
រដ្ឋមន្ត្រីអប់រំ៖ ការបង្កើតសាលារៀនបែបស្តង់ដារជប៉ុននៅកម្ពុជានឹងជួយលើកកម្ពស់គុណភាពអប់រំកាន់តែប្រសើរ
លោកបណ្ឌិត សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជននិងកីឡា បានអះអាងថា ការបង្កើតសាលារៀនតាមបែបស្តង់ដារជប៉ុននៅកម្ពុជា នឹងចូលរួមចំណែកយ៉ាងសំខាន់ក្នុងការលើកកម្ពស់គុណភាពអប់រំឱ្យកាន់តែប្រសើរឡើង។
![](https://www.kampucheathmey.com/wp-content/uploads/2024/07/8-1-1.jpg)
ថ្លែងក្នុងកម្មវិធី “សម្ពោធសាលាអន្តរជាតិជប៉ុនភ្នំពេញ”កាលពីថ្ងៃទី១១កក្កដា លោកបណ្ឌិតសភាចារ្យ ហង់ ជួន ណារ៉ុន ជឿជាក់ថា សាលាអន្តរជាតិជប៉ុនភ្នំពេញនឹងក្លាយជាមជ្ឈមណ្ឌលមួយនៃឧត្តមភាព និងការប្រកួតប្រជែងក្នុងការអប់រំកុមារតូចនៅភ្នំពេញដោយសារសាលាប្រើប្រាស់វិធីសាស្រ្ត “ការរៀនតាមរយៈការលេង” និង “គោលវិធីសិស្សមជ្ឈមណ្ឌល” ខណៈដែលសាលាបានសហការជាមួយ Wonderlabsសាលា Mammy’s Family ក្រុមហ៊ុន Daiichi-Life និង Panasonic Cambodia ជាការរួមគ្នាដ៏អស្ចារ្យ។
លោក ឧបនាយករដ្ឋមន្ត្រីបានបន្តថា ជប៉ុនបាននិងកំពុងជួយគាំទ្រដល់វិស័យអប់រំនៅកម្ពុជា។ កម្មវិធីសិក្សាថ្នាក់ជាតិ
កម្ពុជាគឺបានផ្អែកលើកម្មវិធីសិក្សាជាតិរបស់ប្រទេសជប៉ុន។ ក្រសួងអប់រំនឹងធ្វើការបន្ថែមទៀតជាមួយសាលាអន្ដជាតិជប៉ុនភ្នំពេញក្នុងរូបភាពជាសាលាគំរូអនុវត្តកម្មវិធីសិក្សារបស់ប្រទេសជប៉ុន និងផ្សព្វផ្សាយកម្មវិធីសិក្សាថ្នាក់ជាតិរបស់ជប៉ុននៅទូទាំងប្រទេសកម្ពុជា។ ក្រសួងអប់រំមានផែនការបើកគ្រឹះស្ថានបណ្តុះបណ្តាលគ្រូមតេយ្យសិក្សាថ្មីមួយនៅក្នុងឆ្នាំនេះដើម្បីបណ្ដុះបណ្តាលគ្រូមត្តេយ្យប្រកបដោយជំនាញវិជ្ជាជីវៈហើយសាលាអន្ដជាតិជប៉ុនភ្នំពេញនឹងក្លាយជាទីតាំងមជ្ឈមណ្ឌលបណ្តុះបណ្តាលដល់គរុសិស្សផងដែរ។
![](https://www.kampucheathmey.com/wp-content/uploads/2024/07/10-1.jpg)
លោក Kazumasa Sanui ប្រធានទីភ្នាក់ងារសហប្រតិបត្តិការអន្តរជាតិជប៉ុន(JICA)ប្រចាំនៅកម្ពុជាសង្ឃឹមថា
សកម្មភាពរបស់សាលាអន្ដជាតិជប៉ុនភ្នំពេញក៏នឹងចូលរួមចំណែកក្នុងការលើកកម្ពស់គុណភាពអប់រំនៅកម្ពុជា ហើយយើងចង់ខិតខំប្រឹងប្រែងឱ្យអស់ពីសមត្ថភាពដើម្បីជួយអភិវឌ្ឍន៍ធនធានមនុស្សដើម្បីភាពរីកចម្រើនរបស់ប្រទេសកម្ពុជា។
![](https://www.kampucheathmey.com/wp-content/uploads/2024/07/9-3.jpg)
លោក Atushi Ueno ឯកអគ្គរាជទូតជប៉ុនប្រចាំនៅកម្ពុជាសង្ឃឹមថា សាលាអន្តរជាតិជប៉ុនភ្នំពេញ នឹងក្លាយជាស្ពានតភ្ជាប់រវាងកម្ពុជា និងជប៉ុនដើម្បីរួមចំណែកក្នុងការលើកកម្ពស់វិស័យអប់រំនៅកម្ពុជាតាមរយៈការអនុវត្តវិធីអប់រំរបស់ជប៉ុន»។
គួរបញ្ជាក់ថា សាលាមត្ដេយ្យអន្ដរជាតិ (JISPP)ជាសាលាអន្តរជាតិដំបូងគេដែលអនុវត្តស្តង់ដារកម្មវិធីសិក្សាថ្នាក់ជាតិរបស់ប្រទេសជប៉ុនជាភាសាអង់គ្លេសនៅកម្ពុជា។សាលាក៏អនុវត្តតាមគោលការណ៍ណែនាំសុវត្ថិភាពក្នុងប្រទេសជប៉ុនផងដែរ។JISPPបានបើកសាលាមត្តេយ្យដំបូងសម្រាប់កុមារអាយុ២-៦ ឆ្នាំ៕
អត្ថបទ៖ សំអឿន
![](https://www.kampucheathmey.com/wp-content/uploads/2024/07/3-14.jpg)
![](https://www.kampucheathmey.com/wp-content/uploads/2024/07/2-1-1.jpg)
![](https://www.kampucheathmey.com/wp-content/uploads/2024/07/12-4.jpg)
![](https://www.kampucheathmey.com/wp-content/uploads/2024/07/IMG_7885-1024x768.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៥ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម១៧ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៥ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
ព័ត៌មានអន្ដរជាតិ២ ម៉ោង ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ