ព័ត៌មានអន្ដរជាតិ
លោក បៃដិន ប្រកាសផ្ដល់កញ្ចប់ជំនួយសព្វាវុធតម្លៃ ២២៥ លានដុល្លារទៀត ឲ្យអ៊ុយក្រែន
យោងតាមការចេញផ្សាយរបស់ទីភ្នាក់ងារពត៌មាន AP នៅថ្ងៃទី ១២ ខែ កក្កដា, ក្នុងអំឡុងកិច្ចប្រជុំជាមួយប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី កាលពីថ្ងៃព្រហស្បតិ៍, ប្រធានាធិបតីអាមេរិកលោក ចូ បៃដិន បានប្រកាសកញ្ចប់ជំនួយថ្មីមានតម្លៃ ២២៥លានដុល្លារដល់ទីក្រុងកៀវ ដែលក្នុងនោះរួមមានទាំងប្រព័ន្ធមីស៊ីល Patriot ផងដែរ ដើម្បីពង្រឹងខែលការពារដែនអាកាសរបស់អ៊ុយក្រែន ទប់ទល់នឹងការវាយប្រហាររបស់រុស្ស៊ី។
មិនត្រឹមប៉ុណ្ណឹង កញ្ចប់ថវិកាទំហំទឹកប្រាក់២២៥លានដុល្លារនេះ ក៏រួមបញ្ចូលផងដែរនូវមីស៊ីលប្រឆាំងយន្តហោះ Stinger, ប្រព័ន្ធរ៉ុកកែត HIMARS ក៏ដូចជាគ្រាប់កាំភ្លើងធំ១៥៥ មិល្លីម៉ែត្រ និង ១០៥ មិល្លីម៉ែត្រ រួមទាំងអាវុធផ្សេងៗទៀត។
គួរបញ្ជាក់ថាលោក ហ្សេលេនស្គី កាលពីចុងខែមុន បានប្រកូកប្រកាសសុំប្រព័ន្ធ Patriot ដែលផលិតដោយសហរដ្ឋអាមេរិកបន្ថែម ដោយលើកហេតុផលថា ដើម្បីប្រយុទ្ធប្រឆាំងនឹងគ្រាប់បែកជិត ៣ ០០០ គ្រាប់ដែលរុស្ស៊ីបាញ់ចូលទៅក្នុងប្រទេសអ៊ុយក្រែនរាល់ខែ។
យ៉ាងណាមិញកាលពីថ្ងៃអង្គារ តាមរយៈសេចក្តីថ្លែងការណ៍រួមមួយ, សហរដ្ឋអាមេរិក អាល្លឺម៉ង់ និងរ៉ូម៉ានី នឹងប្រគល់ Patriot ឲ្យអ៊ុយក្រែន ខណៈហូឡង់ និងប្រទេសផ្សេងទៀត នឹងផ្តល់គ្រឿងបន្លាស់ Patriot ហើយអ៊ីតាលី នឹងផ្តល់ប្រព័ន្ធការពារដែនអាកាស SAMP-T។
ទន្ទឹមនោះ សម្ព័ន្ធមិត្តផ្សេងទៀត រួមទាំងកាណាដា ន័រវែស អេស្ប៉ាញ និងចក្រភពអង់គ្លេស ក៏នឹងផ្តល់ប្រព័ន្ធមួយចំនួនទៀត ដែលនឹងជួយអ៊ុយក្រែនពង្រីកការការពាររបស់ខ្លួនផងដែរដូចជា NASAMS, HAWKs, IRIS T-SLM, IRIS T-SLS និង Gepards។
លើសពីនេះ កាលពីសប្តាហ៍មុន សហរដ្ឋអាមេរិកបានសន្យាថា នឹងយកអាវុធតម្លៃ ១៥០លានដុល្លារដោយផ្ទាល់ចេញពីស្តុករបស់ខ្លួន រួមមានឧបករណ៍ស្ទាក់ចាប់ការវាយប្រហារតាមអាកាស កាំភ្លើងធំ និងអាវុធប្រឆាំងរថក្រោះ៕
អត្ថបទ៖ ប៊ុន សុភាព
-
ព័ត៌មានជាតិ១ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ១ សប្តាហ៍ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៧ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច១ សប្តាហ៍ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព២ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ២ ថ្ងៃ ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា