សេដ្ឋកិច្ច
ក្រុមហ៊ុនកូនខ្មែរមួយ ទិញស្ពៃពីកសិករ ផលិតចេញជាសាប៊ូ
សហគ្រិនឆ្នើម ដែលជាម្ចាស់ក្រុមហ៊ុនផលិតសាប៊ូល្បីឈ្មោះមួយ បានជួយទិញស្ពៃក្រញាញ់របស់កសិករដែលកំពុងប្រឈមនឹងការធ្លាក់ថ្លៃនៅលើទីផ្សារចូលរោងចក្រផលិតចេញជាសាប៊ូដុសខ្លួន សម្រាប់ប្រជាជនខ្មែរ។
អ្នកស្រី នុត សម្ផស្ស អាយុ ៤៤ឆ្នាំ ជាស្ថាបនិកក្រុមហ៊ុន អិលអេសវី (រោងចក្រសាប៊ូ អូកា) បានមានប្រសាសន៍ប្រាប់ កម្ពុជាថ្មី ថា មូលហេតុដែលអ្នកស្រី ប្រមូលទិញស្ពៃពីកសិករ ដោយសារតែ អ្នកស្រី មើលឃើញពីការដាំស្ពៃរបស់កសិករគ្មានជាតិគីមី និងកំពុងទទួលបានផលល្អ តែតម្លៃវិញមានការធ្លាក់ថ្លៃយ៉ាងខ្លាំង ទើបអ្នកស្រី សម្រេចចិត្តទិញស្ពៃទាំងនេះ ដើម្បីយកមកកែច្នៃចេញជាសាប៊ូដុសខ្លួន និងសាប៊ូកក់សក់ សម្រាប់ប្រជាជនខ្មែរ។
អ្នកស្រី បន្ថែមថា កន្លងមកក្រុមហ៊ុនរបស់ អ្នកស្រី តែងតែបានជ្រើសរើសប្រភេទបន្លែ ផ្លែឈើ និងរុក្ខជាតិ មួយចំនួនទៀត សម្រាប់យកមកច្នៃធ្វើជាសាប៊ូផ្សេងៗ ពីព្រោះតែ ប្រភេទបន្លែ ផ្លែឈើទាំងនេះ មានសារធាតុល្អខ្លាំង សម្រាប់សុខភាពស្បែករបស់មនុស្សយើង។
អ្នកស្រី នុត សម្ផស្ស បានបញ្ជាក់ទៀតថា សម្រាប់ស្ពៃក្រញាញ់ដែលបានទិញពីកសិករ នៅខេត្តតាកែវ និងកំពត ដែលសរុបប្រមាណជាង៣តោន នេះ អ្នកស្រី និងក្រុមការងារ បានកែច្នៃចេញជាសាប៊ូជាច្រើនមុខ មានដូចជា៖ សាប៊ូដុសមុខ សាប៊ូដុំដុសខ្លួន និងសាប៊ូកក់សក់ ប្រកបដោយស្ដង់ដាអនាម័យ និងមានការទទួលស្គាល់ត្រឹមត្រូវ ទាក់ទងនឹងគុណភាព សម្រាប់ចែកចាយបន្តទៅកាន់ប្រជាជនខ្មែរទូទាំងប្រទេសនាពេលខាងមុខនេះ។
អ្នកស្រី នុត សម្ផស្ស បានបន្តថា សាប៊ូស្ពៃក្រញាញ់ជាបន្លែម្យ៉ាង ដែលបានផ្តល់នូវអត្ថប្រយោជន៍ជាច្រើន ក្នុងការថែរក្សាស្បែក រួមទាំងការផ្តល់ផ្តល់សំណើម ការពារប្រឆាំងអុកស៊ីតកម្ម ប្រឆាំងនឹងការរលាក និងជំរុញដល់ការផលិតកូឡាជែន ចំណែកសារធាតុចិញ្ចឹមរបស់ស្ពៃក្រញាញ់ធ្វើអោយស្បែកភ្លឺថ្លា តឹងណែន ពន្យារភាពចាស់របស់ស្បែក។
សហគ្រិនឆ្នើមរូបនេះ ក៏បានលើកឡើងទៀតថា នៅពេលដែលចាប់ផ្ដើមផលិតសាប៊ូចេញពីស្ពៃនេះ ដំបូងក៏មានប្រជាជនខ្មែរមួយចំនួនបានគាំទ្រ និងមិនគាំទ្រ ចំពោះការយកស្ពៃក្រញាញ់ មកធ្វើជាសាប៊ូបែបនេះ តែដោយសារ អ្នកស្រី ជាអ្នកជំនាញខាងស្រាវជ្រាវផលិតផលខាងសុខភាពស្បែកជាច្រើនរួចមកហើយ ទើបអ្នកស្រី បានសម្រេចចិត្តបង្កើតផលិតផលថ្មីនេះ ដើម្បីប្រជាជនខ្មែរ និងចូលរួមជួយសម្រាលបន្ទុករបស់់កសិករដែលកំពុងតែប្រឈមនឹងការខាតបង់ទាក់ទងនឹងការធ្វើកសិកម្ម ផងដែរ៕
អត្ថបទ ៖ សួស សិត
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៥ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន