ក្នុងចំណោមសមាជិកទាំងអស់ Jennie ផ្ទុករឿងអាស្រូវច្រើនជាងគេបង្អស់ក្នុងក្រុម BLACKPINK

Jennie គឺជាតារាស្រីដ៏ពេញនិយមបំផុតនៅក្នុងវិស័យ Kpop ប៉ុន្តែក៏ត្រូវបានជាប់ពាក់ព័ន្ធក្នុងរឿងចម្រូងចម្រាសរាប់មិនអស់។ នាង​បាន​ជម្នះ​រឿងអាស្រូវ​ជា​បន្តបន្ទាប់​​ ដើម្បី​រក្សា​ជំហរ​បច្ចុប្បន្ន​យ៉ាង​រឹងមាំ​ដូចជា ខ្ជិល​រាំ​​ ថត​ឈុត​សិច​ស៊ី​​ ណាត់​គ្នា​ជាមួយមនុស្សប្រុសច្រើន​ពេក​​។ ​ប្រសិនបើ​តារា​ស្រី​ផ្សេង​ទៀត​ជួប​រឿង​អាស្រូវដូច​សមាជិកក្រុម BLACKPINK រូបនេះ នោះ​អាជីព​របស់​ពួក​គេ​ទំនង​ជា​ត្រូវ​ខូច​ខាតយ៉ាងធ្ងន់ធ្ងរជាក់ជាមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែពេលនេះ ប្រព័ន្ធផ្សព្វផ្សាយកូរ៉េនិង​អន្តរជាតិបានបង្ហោះថា Jennie កំពុងប្រឈមមុខនឹងវិបត្តិដ៏ធំបំផុតក្នុងអាជីពទាក់ទិននឹងរឿងអាស្រូវជក់បារីក្នុងបន្ទប់បិតជិត និងផ្លុំផ្សែងចំមុខបុគ្គលិក តារាស្រីរូបនេះត្រូវគេទម្លាយរឿងអាស្រូវរាប់ភ្លេច ធ្វើឲ្យបុគ្គលិកលក្ខណៈរបស់នាងក៏ត្រូវគេចោទសួរ ហើយសារព័ត៌មានកូរ៉េធំៗជាច្រើនបានរិះគន់ចំៗ​ ដោយប្រើពាក្យថា បំពានអំណាច ។

នេះ​ជា​ពាក្យ​ខ្លាំង​មួយ​ដែល​គេ​ប្រើ​ដើម្បី​សំដៅ​ទៅ​លើ​អាកប្បកិរិយា​ក្រអឺតក្រទម និង​ត្រួតត្រា​របស់​មនុស្ស​ដែល​មាន​អំណាច​ខ្ពស់ ​ចំពោះ​មនុស្ស​ដែល​មាន​ឋានៈ​ទាបនៅក្នុងប្រទេសកូរ៉េ។ ដូច្នេះវាគឺជាអ្វីដែលតារាគ្រប់រូបចង់ចៀស​វាងបំផុត ប៉ុន្តែ Jennie កំពុងតែរង​ការ​រិះគន់​ដោយប្រយោគនេះ ហើយបង្ហាញ​ថា​ នាង​បាន​បាត់បង់​ពិន្ទុ​ជា​ច្រើន​ក្នុង​ក្រសែភ្នែក​សារព័ត៌មាន​កូរ៉េ។

ទន្ទឹមនោះដែរ ចាប់តាំងពីឆ្នាំ ២០២២ ការសង្ស័យពីការជក់បារីរបានលេចឡើងនៅលើបណ្តាញសង្គម។ នៅពេលនោះ ការបង្ហោះនៅលើវេទិកា X បានបង្ហោះអត្ថបទអំពី Jennie ជប់លៀងនៅឯពិធីបុណ្យ Coachella ហើយត្រូវបានចោទប្រកាន់ពីបទជក់បារី​កំពុង​រាំ ដោយសារ​មាន​ផ្សែង​ចេញ​មក។ ប៉ុន្តែនាងបែរជាត្រូវអ្នកគាំទ្រកាន់ជើងថា ពេលវេលាខាងលើគឺមិនច្បាស់លាស់ ក៏មិនមានភស្តុតាងណាមួយដើម្បីបញ្ជាក់ពីសំណួរដ៏រសើបនេះទេ។

ទន្ទឹមនោះដែរ រឿងអាស្រូវផ្សេងទៀតនៃការរំលោភបំពានអំណាចក៏ត្រូវបានបំភ្លឺផងដែរ ដែលធ្វើឲ្យអ្នកលេងអ៊ីនធឺណិតសង្ស័យពីចរិតពិតរបស់នាង។ ក្នុងឆ្នាំ ២០១៩ តារាកំប្លែង Jung Yong Guk និងម្ចាស់ភោជនីយដ្ឋានបានបង្ហាញខ្លួនក្នុងកម្មវិធីវិទ្យុ Bae Sung Jae’s Ten ហើយលាតត្រដាងថា មានតារាស្រីនិងក្រុមការងារ បានបំពានអំណាចដោយបញ្ចាបុគ្គលិកធ្វើអាហារឲ្យពួកគេនៅម៉ោង១១យប់លឿនបំផុតតាមដែលអាចធ្វើទៅបាន។ នាងមិនខ្វល់ហើយអះអាងថា ជាតារាចម្រៀងល្បីប្រចាំប្រទេសថែមទៀត។

ពាក់ព័ន្ធនឹងរឿងអាស្រូវជក់បារីក្នុងបន្ទប់បិទជិតនាបច្ចប្បន្ននេះ កំពុងតែក្លាយជាបញ្ហាធំមួយដែលមហាជនទទួលយកមិនបានឡើយ។ ស្របពេលដែលការ​សុំទោស​របស់នាង បាន​បង្ក​ឲ្យមាន​ភាព​ចម្រូងចម្រាស​ជាមួយ​នឹង​ការ​ការពារ​របស់​អ្នក​គាំទ្រជាច្រើន។ ការសុំទោសនេះ ហាក់បីដូចជាបន្ថែមសាំងឲ្យភ្លើងកាន់តែឆេះ ធ្វើឲ្យអ្នកលេងអ៊ីនធឺណិត កាន់តែខឹងសម្បារ។ មហាជនជាច្រើនគិតថា ការសុំទោសរបស់ Jennie មិនស្មោះត្រង់ នាងមិនបាននិយាយចំៗ គឺគ្រាន់តែលាក់ពីក្រោយក្រុមហ៊ុនគ្រប់គ្រងប៉ុណ្ណោះ។

ទោះបីជាយ៉ាងណាក៏ដោយ ក្នុង​ករណី​របស់ Jennie នាង​នឹង​មិន​ទទួល​ទោស​នៅ​កូរ៉េ​ទេ ប៉ុន្តែ​អាច​នឹង​នៅ​អ៊ីតាលី។ នេះក៏ដោយសារតែនៅលើកោះ Capri ជាកន្លែងដែលនាងជក់បារី​ ក៏ត្រូវបានហាមឃាត់យ៉ាងតឹងរ៉ឹងនៅក្នុងកន្លែងបិទជិតផងដែរ។ ប្រសិន​បើ​ស៊ើប​អង្កេត​ហើយ​រក​ឃើញ​ថា​បាន​បំពាន​បទ​ប្បញ្ញត្តិ​នោះ តារា​ស្រី​រូប​នេះ​ប្រឈម​នឹង​ការ​ពិន័យ​ពី​មន្ត្រី​មូលដ្ឋាន៕

អត្ថបទ៖ សាង ស្រីល័ក្ខ

ចុចអាន៖Jennie ចេញលិខិតសុំទោស ​ក្រោយជក់បារីអេឡិចត្រូនិចផ្លុំផ្សែងលើបុគ្គលិក