សេដ្ឋកិច្ច
កម្ពុជានាំចេញម្រេចកើនឡើងទ្វេដង នៅឆមាសទី១ ឆ្នាំនេះ
នៅក្នុងឆមាសទី០១ ឆ្នាំ ២០២៤ ការនាំចេញកសិផលម្រេចកម្ពុជាសម្រេចបានជាង ៩ ពាន់តោន (៩ ៣៨៤) មានការកើនឡើង ១១៧,៨៦ ភាគរយ បើធៀបនឹងរយៈពេលដូចគ្នាកាលពីឆ្នាំមុន ដែលមានចំនួន ៤ ៣០៤ តោន។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។
លោក ម៉ាក់ នី ប្រធានសហព័ន្ធម្រេច និងគ្រឿងទេសកម្ពុជា ប្រាប់កម្ពុជាថ្មីនៅថ្ងៃទី ១២ ខែកក្កដា នេះថា តម្លៃម្រេចបច្ចុប្បន្នធ្លាក់ចុះបន្តិចចន្លោះពី ២ ម៉ឺន ៥ ពាន់រៀល ទៅ ២ ម៉ឺន ៧ ពាន់រៀល ក្នុងមួយគីឡូក្រាម ដែលធ្លាក់ពី ៣ ម៉ឺនរៀលកាលពីខែមុន ដោយសារមិនសូវមានឈ្មួញចុះទិញ។
ទោះជាយ៉ាងណា លោកបញ្ជាក់ថា តម្លៃខាងលើនេះ នៅតែមានភាពល្អប្រសើរ ដែលមានការកើនឡើងទ្វេដង បើធៀបនឹងឆ្នាំមុន លក់បានតែ ១ ម៉ឺន ៣ ពាន់រៀលក្នុងមួយគីឡូក្រាម។
បើតាមលោក ម៉ាក់ នី តម្លៃម្រេចកើន និងការស្តុកទុករបស់កសិករកាលពីឆ្នាំមុន ធ្វើឱ្យការនាំចេញនៅឆ្នាំ២០២៤នេះ មានកំណើន ខណៈទីផ្សារធំរបស់កម្ពុជានៅតែជាប្រទេសវៀតណាម និងចិន។
លោក ម៉ាក់ នី បានឱ្យដឹងថា ក្នុងមួយឆ្នាំកម្ពុជាប្រមូលផលម្រេចបានក្នុងរង្វង់ចន្លោះពី ១ ម៉ឺន ៧ ពាន់តោន ទៅ ២ ម៉ឺនតោន លើផ្ទៃដីជាង ៦ ពាន់ហិកតា ប៉ុន្តែនៅឆ្នាំនេះ ទិន្នផលម្រេចបានធ្លាក់ចុះប្រមាណ ៥០ ភាគរយ ដោយសារបាតុភូតអែលនីណូ។
យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា នៅក្នុងរយៈពេល ៥ ខែ គិតចាប់ពីខែមករា រហូតដល់ ខែឧសភា ឆ្នាំ ២០២៤ ការនាំចេញម្រេចកម្ពុជាទៅកាន់ទីផ្សារអន្តរជាតិ សម្រេចបានទឹកប្រាក់ជិត ២៣ លានដុល្លារ។
ទីផ្សារម្រេចកម្ពុជា ត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុបជាដើម៕
អត្ថបទ៖ ឡេង ដេត
-
ព័ត៌មានជាតិ២ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ១ សប្តាហ៍ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ១ សប្តាហ៍ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៤ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សុខភាព៣ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ១៥ ម៉ោង ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
ព័ត៌មានជាតិ២ ថ្ងៃ ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា