សន្តិសុខសង្គម
ផ្លូវជាច្រើនខ្សែដែលតភ្ជាប់ពីស្ពានព្រែកប្រាត្រូវបានស្ថាបនាឲ្យរួចរាល់មុនពេលស្ពានសាងសង់រួច
ផ្លូវជាច្រើនខ្សែដែលតភ្ជាប់ពីស្ពានព្រែកប្រាឆ្ពោះទៅចាក់អង្រែក្រោមឆ្លងកាត់ទន្លេបាសាក់ បាននិងកំពុងស្ថាបនាចាក់ក្រាលបេតុងឆ្អឹងដែកយ៉ាងរឹងមុាំដើម្បីងាយស្រួលធ្វើដំណើរពេលស្ពានសាងសង់រួចរាល់។
លោកស្រី យន់ សុផល ចៅសង្កាត់វាលស្បូវបានឲ្យដឹងនៅថ្ងៃទី១២ ខែកក្កដានេះថា ផ្លូវជាច្រើនខ្សែរក្នុងមូលដ្ឋានសង្កាត់វាលស្បូវបាននិងកំពុងសម្រុកស្ថាបនា ពិសេសផ្លូវភ្ជាប់ពីសង្កាត់ព្រែកប្រាតភ្ជាប់ពីស្ពាន ព្រែកប្រា និងចាក់អង្រែក្រោម។
លោកស្រី ចៅសង្កាត់បានបន្តថា ផ្លូវដែលកំពុងស្ថាបនានេះ គឺជាផ្លូវចាស់ទទឹង១៦ម៉ែត្រដោយចាក់ក្រាលបេតុងឆ្អឹងដែកតភ្ជាប់ពីផ្លូវជាតិលេខ១។ ក្នុងនោះក៏មានផ្លូវថ្មីទទឹង៣០ម៉ែត្របាន និងកំពុងសិក្សាគម្រោងដែលផ្លូវ១ខ្សែរនេះចេញពីស្ពានព្រែកប្រាឆ្លងកាត់សង្កាត់ព្រែកប្រា សង្កាត់ព្រែកឯង សង្កាត់វាលស្បូវឆ្ពោះទៅកោះនរាថ្មី កាត់តាមផ្លូវជាតិលេខ១។
លោកស្រី យន់ សុផល បានសំដែងនូវក្តីរំភើបរីករាយពេលបានទទួលផ្លូវថ្មីចាក់ក្រាលបេតុងឆ្អឹងសឹងគ្រប់ភូមិនិកស្មានមិនដល់។ ហើយក៏ជាសេចក្តីត្រូវការយ៉ាងចាំបាច់បំផុតពីបងប្អូនប្រជាពលរដ្ឋដែលពីមុនមកជាផ្លូវពោពេញដោយភក់ជ្រាំឥឡូវបានផ្លូវថ្មីមិនចាញ់កណ្តាលរាជធានីភ្នំពេញឡើយ។
គួរបញ្ជាក់ថា ស្ពានព្រែកប្រាឆ្លងកាត់ទន្លេបាសាក់ឆ្ពោះទៅសង្កាត់ចាក់អង្រែក្រោមនេះ គឺម្ខាងស្ថិតក្នុងខណ្ឌច្បារអំពៅ និងម្ខាងទៀតក្នុងទឹកដីខណ្ឌមានជ័យរាជធានីភ្នំពេញ៕
អត្ថបទ៖ នរា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា