ព័ត៌មានជាតិ
ខេត្តជាប់សមុទ្រចំនួន ៤ ដាក់តំបន់ឆ្នេរប្រកួតប្រជែង គម្រោងរចនាប្លង់នគរូបនីយកម្មតំបន់ឆ្នេរសមុទ្រនៅកម្ពុជា
ខេត្តជាប់សមុទ្រចំនួន ៤ មានខេត្តកែប កំពត ព្រះសីហនុ និងកោះកុង បានដាក់តំបន់ឆ្នេរជាគោលដៅសម្រាប់ការប្រកួតប្រជែងស្នាដៃគម្រោងរចនាប្លង់នគរូបនីយកម្មតំបន់ឆ្នេរសមុទ្រនៅកម្ពុជា។
ក្រោមមូលបទ «កម្ពុជាៈ មាតុភូមិខ្ញុំ ទីក្រុងខ្ញុំ ឆ្នេរសមុទ្រខ្ញុំ» កម្មវិធីប្រកួតប្រជែងស្នាដៃរចនាគម្រោងប្លង់នគរូបនីយកម្មតំបន់ឆ្នេរសមុទ្រកម្ពុជា ផ្តួចផ្តើមដោយក្រសួងរៀបចំដែនដី នគរូបនីយកម្ម និងសំណង់ និងគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) ដែលនឹងបើកឱកាសដល់អ្នកចូលរួមមកពីគ្រប់មជ្ឈដ្ឋាន មិនថាជាសិស្សនិស្សិត វិស្វករ ស្ថាបត្យករ អ្នកជំនាញជាតិអន្តរជាតិ អាចចុះឈ្មោះចូលរួមប្រកួតប្រជែង ដើម្បីលើកកម្ពស់ការអភិវឌ្ឍសេដ្ឋកិច្ច ធុរកិច្ច ទេសចរណ៍ និងទាក់ទាញការវិនិយោគនៅតំបន់ឆ្នេរសមុទ្រប្រទេសកម្ពុជា។
ថ្លែងនៅក្នុងសិក្ខាសាលាផ្សព្វផ្សាយការប្រកួតប្រជែងស្នាដៃរចនាគម្រោងប្លង់នគរូបនីយកម្មតំបន់ឆ្នេរសមុទ្រកម្ពុជា ដែលមានការចូលរួមពីសិស្សនិស្សិតរាប់រយនាក់នៅព្រឹកមិញនេះ លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការនៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាបានគូសបញ្ជាក់ថា សិក្ខាសាលានេះធ្វើឡើងដើម្បីផ្សព្វផ្សាយ ក៏ដូចជាជាការជូនដំណឹងដល់សិស្សនិស្សិត ស្ថាបត្យករ វិស្វករ សាស្ត្រាចារ្យ អ្នកវិជ្ជាជីវៈរចនាស្ថាបត្យកម្មឬវិស្វកម្មពីគ្រប់មជ្ឈដ្ឋានទាំងនៅក្របខណ្ឌជាតិនិងអន្តរជាតិពីកម្មវិធីប្រកួតប្រជែងការរចនាគម្រោងប្លង់នគរូបនីយកម្មតំបន់ឆ្នេរសមុទ្រកម្ពុជា។
លោក ប៉ែន សុផល បានថ្លែងថា ការប្រកួតប្រជែងនេះ គឺកំណត់យកតំបន់ឆ្នេរជាអាទិភាពក្នុងខេត្តគោលដៅចំនួន ៤ ក្នុងនោះខេត្តកែបមាន ឆ្នេរអង្កោល ឆ្នេរលេងទឹកកែប ( ឆ្នេរកែប) ឆ្នេរកោងកាងអូរក្រសារ និងឆ្នេរផ្សារក្តាម។ ខេត្តកំពតមានឆ្នេរសហគមន៍នេសាទកែបថ្មី ឆ្នេរភ្នំដូង ឆ្នេរកោងកាងព្រែកត្នោត និងព្រែកកំពត។ ខេត្តព្រះសីហនុ មានចាប់ពីឆ្នេរអូរឈើទាលដល់កំពង់ផែស្វយ័តក្រុងព្រះសីហនុ ឆ្នេរទំនប់រលក និងឆ្នេរព្រែកត្រែង និងខេត្តកោះកុង មានឆ្នេរប៉ាក់ខ្លង ឆ្នេរនេសាទ និងឆ្នេរកោងកាងពាមក្រសោប។
ឆ្នេរសមុទ្រប្រទេសកម្ពុជាមានប្រវែងជាង ៤៤០ គីឡូម៉ែត្រ ជាសមាជិកពេញសិទ្ធិក្លឹបឆ្នេរសមុទ្រស្អាតបំផុតលើសកលលោក។ ដោយសារសក្ដានុពលនិងភាពទាក់ទាញខុសៗគ្នា ដូច្នេះគំនិតការឌីហ្សាញត្រូវរួមបញ្ចូលគោលគំនិតនៃការរចនាប្លង់នគរូបនីយកម្មដែលស្របតាមភូមិសាស្ត្រ និងបរិស្ថានធម្មជាតិជុំវិញនៃតំបន់នីមួយៗ។ នេះបើតាមលោក ប៉ែន សុផល។
លោក ប៉ែន សុផល ក៏បានរំលេចបន្ថែមចំណុចមិនអាចខ្វះបាននោះគឺការរចនាត្រូវបង្កប់នូវអត្តសញ្ញាណជាតិ រួមទាំងគិតគូរពីតម្លៃដែលអាចអនុវត្តបាន សម្រាប់គម្រោងប្លង់ដែលបេក្ខជនដាក់ចូលរួមប្រកួតប្រជែង។
មកដល់ពេលនេះមានបេក្ខភាពដាក់ពាក្យចូលរួមជាង ៨០ ក្រុម មកពីគ្រប់មជ្ឈដ្ឋាន ខណៈកាលបរិច្ឆេទឈប់ទទួលពាក្យគឺនៅថ្ងៃ ៣១ ខែកក្កដា ឆ្នាំ២០២៤។
គួរបញ្ជាក់ថា បើតាមគណៈកម្មការរៀបចំការប្រកួត សម្រាប់គោលការណ៍ និងលក្ខខណ្ឌនៃការប្រកួតប្រជែង បេក្ខជនអាចចូលរួមប្រកួតប្រជែងនៅក្នុងវិញ្ញាសាចំនួន ១, ២, ៣ ឬ៤ នៃវិញ្ញាសាទាំង ៤ ខាងលើ៕
ថ្ងៃនេះ កាលពី៤០ឆ្នាំមុន សម្តេចតេជោ ហ៊ុន សែន ត្រូវបានសភាបោះឆ្នោតឱ្យធ្វើជានាយករដ្ឋមន្រ្តីដឹកនាំកម្ពុជា
កម្ពុជា និងអ៊ីរ៉ង់ នឹងបង្កើនកិច្ចសហប្រតិបត្តិការលើគម្រោងការផ្លាស់ប្តូរបច្ចេកវិទ្យាវះកាត់ដោយរ៉ូបូត
ក្រសួងអប់រំនឹងចងក្រងសៀវភៅណែនាំការប្រើប្រាស់ ICT យ៉ាងទូលំទូលាយសមា្រប់វិទ្យាស្ថានអប់រំកាយ និងកីឡា
អ៊ុយក្រែន បាញ់មីស៊ីលវាយប្រហារតំបន់ព្រំដែនរុស្ស៊ី កំណត់គោលដៅរោងចក្រគីមី
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍២៤ ម៉ោង agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ