សន្តិសុខសង្គម
ការស្ថាបនាផ្លូវបេតុងថ្មី លើអតីតផ្លូវរថភ្លើងឬស្សីកែវ សម្រេចបាន៩០ភាគរយ
ផ្លូវបេតុងថ្មីមួយខ្សែប្រវែង៤៤០០ម៉ែត្រ ស្ថាបនាលើអតីតផ្លូវរថភ្លើងឬស្សីកែវ បានសម្រេចរួចរាល់៩០ភាគរយហើយ និងកំពុងពន្លឿនការស្ថាបនាឱ្យបានរួចរាល់១០០ភាគរយក្នុងពេលឆាប់ៗខាងមុខនេះ។ នេះបើតាមការបញ្ជាក់ឱ្យដឹងពីមន្រ្តីជំនាញនៃមន្ទីរសាធារណៈការរាជធានីភ្នំពេញ។
តាមការបញ្ជាក់បានឱ្យដឹងថា ផ្លូវបេតុងថ្មីមួយខ្សែនេះ មានទទឹង ១៦,៥ម៉ែត្រថ្មី មានសួនច្បារកណ្តាល២,៥ម៉ែត្រ ដាក់ឆ្អឹងដែក១២លី ក្រាលថ្មមុិចកម្រាស់២ទឹក។ ផ្លូវបេតុងថ្មីមួយខ្សែនេះ គឺជាផ្លូវយុទ្ធសាស្ត្រសំខាន់ក្នុងការជួយរំដោះចរាចរណ៍ តំបន់បឹងកក តំបន់ទួលសង្កែ តំបន់ច្រាំងចំរេះទី១ និងទី២ តំបន់គីឡូម៉ែតលេខ៦ ដល់កែងផ្លូវជាតិលេខ៥ ខណ្ឌប្ញស្សីកែវ ជាដើម ។
ប្រជាពលរដ្ឋរស់នៅប្របសងខាងផ្លូវខាងលើនេះ បានបង្ហាញអារម្មណ៍សប្បាយរីករាយ និងមានក្តីរំភើបនៅពេលផ្លូវបេតុងថ្មីដ៏ធំមួយខ្សែដែលសាងសង់ជិតរួចរាល់នៅលើគន្លងអតីតផ្លូវរថភ្លើង ដែលអាចផ្តល់ជាអត្ថប្រយោជន៍សំខាន់ច្រើន ដល់ការរស់នៅ និងការធ្វើដំណើរសម្រាប់ពលរដ្ឋទាំងនៅក្នុងតំបន់ និងក្រៅតំបន់ ពិសេសនោះ អាចជួយកាត់បន្ថយនូវការកកស្ទះបានច្រើននៅតំបន់នោះផងដែរ។
ថ្វីត្បិតមិនទាន់រួចរាល់ក៏ដោយ ប៉ុន្តែប្រជាពលរដ្ឋដែលមានរស់នៅអមសងខាងផ្លូវបេតុងនោះពេញចិត្ត ចំពោះសម្មិទ្ធិផលថ្មីមួយនេះ ដែលជាផ្លូវដ៏ធំស្អាតល្វឹងល្វើយ ងាយអោយពួកគាត់រស់នៅស្រួល និងងាយប្រកបមុខរបរអាជីវកម្មតូចធំផ្សេងៗបាន ព្រោះនៅពេលដែលមានផ្លូវធំងាយស្រួលធ្វើដំណើរ គឺប្រាកដជាមានមនុស្សឆ្លងកាត់ច្រើន ដូចនេះហើយងាយអោយពួកគាត់ដែលរស់នៅក្នុងតំបន់អាចប្រកបរបរផ្សេងចិញ្ចឹមជីវិតបាន ជាជាងកាលដែលផ្លូវនៅលំបាក។
គម្រោងថ្មីនេះ គឺសាងសង់នៅលើអតីតផ្លូវរថភ្លើងឬស្សីកែវ ដែលស្ថិតក្នុងភូមិសាស្ត្រសង្កាត់ចំនួន០៣ជាប់គ្នា គឺសង្កាត់ទួលសង្កែ១ សង្កាត់ឬស្សីកែវ និងសង្កាត់គីឡូម៉ែត្រលេខ៦ ។ ផ្លូវថ្មីមួយខ្សែនេះ តភ្ជាប់ពីផ្លូវលេខ៧០ ( ផ្លូវទំនប់ទួលគោក ) ភ្ជាប់ទៅកាន់ផ្លូវជាតិលេខ០៥ ឬស្សីកែវ ។
គួររំលឹកផងដែរថា ក្នុងការអភិវឌ្ឍន៍ផ្លូវមួយខ្សែខាងលើនេះដែរ អាជ្ញាធររាជធានីភ្នំពេញ បានដោះស្រាយផលប៉ះពាល់ជាមួយពលរដ្ឋក្នុងតំបន់សរុប៣២០គ្រួសារ ដោយដោះដូរជូនពលរដ្ឋវិញ ជាការផ្តល់អោយដីរដ្ឋម្នាក់មួយប្លង់ មានទំហំ០៤ម៉ែត្រ គុណ១៥ម៉ែត្រ ដោយដីដែលត្រូវដោះដូនជូននោះ គឺនៅមិនឆ្ងាយពីលំនៅឋានចាស់ៗរបស់ពួកគាត់ឡើយ ពោលគឺនៅខាងក្រោយវត្តទួលអស់លោក ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ៕
អត្ថបទ៖ សុភា
-
ជីវិតកម្សាន្ដ៧ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ២២ ម៉ោង ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៥ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម៣ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៧ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍១ ថ្ងៃ ago
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់