ជីវិតកម្សាន្ដ

ភឹម ស្រីនោ លើកទឹកចិត្តអ្នករងការ Bully ត្រូវស្រលាញ់ខ្លួនឯងច្រើនបំផុត

បានផុស

២៩ វិនាទី មុន

នៅ

ថ្ងៃចន្ទ ១៥ កក្កដា ២០២៤

ដោយ

ធ្លាប់រងការរិះគន់ពីសំណាក់បុគ្គលមួយចំនួនទៅលើរូបសម្ផស្សរបស់ខ្លួន ម្ចាស់មកុដ Miss Grand Cambodia ២០២៣ កញ្ញា ភឹម ស្រីនោ បានចេញមកលើកទឹកចិត្តចំពោះអ្នកដែលកំពុងរងការ Bully ពីសំណាក់បុគ្គលដទៃត្រូវចេះស្រលាញ់ខ្លួនឯងឱ្យបានច្រើនបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំបានថា កញ្ញា ភឹម ស្រីនោ កាលពីថ្មីៗកន្លងទៅ នាងធ្លាប់បង្ហាញការហួសចិត្តជាខ្លាំងបន្ទាប់មានបុគ្គលម្នាក់បានធ្វើការរិះគន់លើរូបសម្ផស្សរបស់នាងថា បវរកញ្ញាស្អីមានរូបរាងមិនស្អាត ថែមទាំងសាច់ស្បែកដូចសត្វគីង្គក់ ដូចមនុស្សមានកូន ៤ ឬ ៥ នាក់ ធាត់ ក៏ធាត់ យា ក៏យា។

ដោយឡែកពេលនេះកញ្ញា ភឹម ស្រីនោ បានលើកឡើងថា “សម្រាប់អ្នកដែលរងការ Bully ដូចជារូបនាងខ្ញុំ
នាងខ្ញុំក៏ចង់លើកទឹកចិត្តទៅកាន់ពួកគាត់ថា ត្រូវស្រឡាញ់ខ្លួនឯងឱ្យបានច្រើន ព្រោះអ្នកដែលរស់នៅជាមួយយើងរហូតដល់ថ្ងៃស្លាប់ គឺមានតែខ្លួនយើងនោះទេ យើងមិនអាចបញ្ឈប់មាត់ ឬគំនិតនរណាបានទេ”។

កញ្ញា ភឹម ស្រីនោ និយាយទៀតថា រៀនដោះលែងវាដោយខ្លួនឯងតម្លៃរបស់ខ្លួនស្ថិតនៅលើខ្លួនយើង មិនមែនស្ថិតនៅលើមាត់អ្នកដទៃ ពាក្យណាដែលគេរិះគន់គឺជារឿងពិត យើងគួរតែកែប្រែ ពាក្យណាមិនពិតគឺ យើងមើលរំលងកុំយកមកគិត ឬយកចិត្តទុកដាក់។

សូមបញ្ជាក់ដែរថា មកដល់ពេលនេះ កញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា ខណៈដែលកន្លងទៅនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ របស់ប្រទេសកម្ពុជា៕

អត្ថបទ៖ ចាន់រ៉ា