ព័ត៌មានអន្ដរជាតិ
៤សំណួរ អាមេរិក មិនទាន់ឆ្លើយចេញ ករណីបាញ់ប្រហារលោក ត្រាំ
ក្រោយការប៉ងធ្វើឃាតលោក ដូណាល់ ត្រាំ មានមន្ទិលសង្ស័យជាច្រើន និងសំណួរដែលមិនទាន់មាននរណាអាចឆ្លើយបាន។ គាត់ត្រូវបានខ្មាន់កាំភ្លើងលបបាញ់ប្រហារយកជីវិតប៉ុន្តែសំណាងល្អ គាត់អាចរួចផុតពីសេចក្តីស្លាប់ ដោយត្រូវរបួសត្រឹមត្រចៀកប៉ុណ្ណោះ នោះក៏ព្រោះតែគាត់បែរមុខបន្តិចពេលគ្រាប់កាំភ្លើងហោះមក។
យ៉ាងណា គេនៅសង្ស័យនិងមានសំណួរជាច្រើនពាក់ព័ន្ធរឿងនេះ ហើយគេហទំព័រ Daily Mail បានដាក់ចេញជាសំណួរចំនួន៤ ដែលអាមេរិកមិនទាន់ឆ្លើយចេញពាក់ព័ន្ធករណីប៉ុនប៉ងធ្វើឃាតលោក ត្រាំ៖
១. តើខ្មាន់កាំភ្លើង Thomas Crooks ឡើងលើដំបូលអគារបានដោយរបៀបណា?
ក្រុមមន្ត្រីបញ្ជាក់ថា Crooks បានប្រើជណ្ដើរដើម្បីឡើងទៅលើដំបូលអគារ American Glass Research ក្នុងទីក្រុង Butler តាមបណ្តោយផ្លូវ Evans។ មកទល់ពេលនេះ មិនទាន់មានចម្លើយឡើយថា តើហេតុអ្វី គាត់កាន់កាំភ្លើងឡើងតាមជណ្តើរទៅលើដំបូលអគារដោយស្រួលៗបែបនេះ បានដោយរបៀបណាទៅ? ម្តេចក៏គ្មានកងសន្តិសុខ យាមល្បាតអ៊ីចឹង?
២. អគារនេះត្រូវបានគេកំណត់ថាជា ទីតាំងមានហានិភ័យផ្នែកសន្តិសុខ។ ចុះហេតុអ្វីបានជាវាគ្មានការរឹតបន្តឹង?
យោងតាមរបាយការណ៍ពី NBC News បានឲ្យដឹងថា អគារដែល Crooks ប្រើជាទីតាំងបើកការបាញ់ប្រហារ គឺត្រូវបានកំណត់ថាជាកន្លែងមានហានិភ័យផ្នែកសន្តិសុខ ដូច្នេះ ហេតុអ្វីបានជាទីនោះ មិនត្រូវបានរឹតបន្តឹងឲ្យបានត្រឹមត្រូវ?
អតីតភ្នាក់ងារសេវាសម្ងាត់ម្នាក់ បានប្រាប់បណ្តាញព័ត៌មានថា “គួរតែមានកងការពារ ដាក់ឈរជើងនៅលើដំបូលអគារនានា ឬនៅតាមអគារ ដើម្បីធានាថា គ្មាននរណាម្នាក់អាចឡើងលើដំបូលបាន”។
៣. ហេតុអ្វីក្រុមបាញ់ស៊ីបរបស់លោក ត្រាំ ប្រើពេលយូរម្ល៉េះ ដើម្បីបាញ់តបទៅខ្មាន់កាំភ្លើង?
សេវាសម្ងាត់នៅតែស៊ើបអង្កេត ចំពោះការឆ្លើយតបរបស់ក្រុមបាញ់ស៊ីបទៅខ្មាន់កាំភ្លើង។ ប្រភពពីសមត្ថកិច្ចបានប្រាប់ CBS ថា វាត្រូវចំណាយពេលរាប់វិនាទីឯណោះ សម្រាប់ក្រុមបាញ់ស៊ីប ដើម្បីសម្លាប់ Crooks។
ដោយឡែក តាមរយៈវីដេអូបង្ហាញឲ្យឃើញថា វាត្រូវចាយពេលដល់ទៅ៤៣វិនាទីឯណោះ ចន្លោះពេលផ្ទុះស្នូរកាំភ្លើងគ្រាប់ដំបូងនិងភ្នាក់ងារសេវាសម្ងាត់និយាយថា “អ្នកបាញ់ដួលហើយ”។
៤. ហេតុអ្វីប៉ូលិសមិនធ្វើអ្វីសោះ?
វីដេអូពីកន្លែងកើតហេតុ មុនពេលផ្ទុះការបាញ់កាំភ្លើង បានបង្ហាញបុរសម្នាក់និយាយជាមួយប៉ូលិសក្នុងតំបន់ ហើយចង្អុលទៅដំបូលអគារ ដែលជាទីតាំងរបស់ខ្មាន់កាំភ្លើង ប៉ុន្តែប៉ូលិសហាក់មិនអើពើឡើយ។
អ្នកឈរមើលផ្សេងទៀត ក៏បានប្រាប់ប៉ូលិសឲ្យឡើងទៅលើដំបូលអគារដែរ ហើយសាក្សីម្នាក់បានប្រាប់សារព័ត៌មាន KDKA ថា ការបាញ់ប្រហារបានចាប់ផ្តើមភ្លាមតែម្តង បន្ទាប់ពីគាត់ ប្រាប់ប៉ូលិសថា គាត់បានឃើញ Crooks។
យ៉ាងណាក្តី មន្ត្រីជាន់ខ្ពស់ប្រចាំតំបន់ Butler លោក Michael Slupe បានប្រាប់ CBS News ថា នៅពេលគេប្រាប់ប៉ូលិសថាឃើញ Crooks នោះ ប៉ូលិសបានចាប់ផ្តើមស្វែងរកគាត់ទៅហើយ៕
អត្ថបទ៖ សុខ សុវណ្ណ
ចុចអាន៖ លោក ត្រាំ តែងតាំងអ្នកធ្លាប់រិះគន់ខ្លួន ធ្វើជាដៃគូបោះឆ្នោតតំណែងអនុប្រធានាធិបតី
-
ព័ត៌មានជាតិ៥ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ១៣ ម៉ោង ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ២ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ១ សប្តាហ៍ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ជីវិតកម្សាន្ដ១៨ ម៉ោង ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៤ ថ្ងៃ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
សុខភាព៦ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ