ព័ត៌មានជាតិ
រដ្ឋមន្ត្រីសុខាភិបាល ណែនាំអ្នកប្រកបវិជ្ជាជីវៈសុខាភិបាល តម្កល់ផលប្រយោជន៍អ្នកជំងឺ និងអតិថិជន ជាអាទិភាព
លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានណែនាំដល់អ្នកប្រកបវិជ្ជាជីវៈសុខាភិបាល ត្រូវផ្តល់សេវាឱ្យបានត្រឹមត្រូវប្រកបដោយគុណភាព និងសុវត្ថិភាព ស្របតាមគរុកោសល្យ និងក្រមសីលធម៌ ដោយតម្កល់ផលប្រយោជន៍អ្នកជំងឺ និងអតិថិជន ជាអាទិភាព។
នៅក្នុងពិធីជួបសំណេះសំណាលលើកទីពីរ ជាមួយគណៈវិជ្ជាជីវៈសុខាភិបាល ទាំង ៥ រួមមាន គណៈគ្រូពេទ្យ គណៈទន្តពេទ្យ គណៈឆ្មប គណៈគិលានុបដ្ឋាក និងគណៈឱសថការី កាលពីរសៀលថ្ងៃទី ១៥ កក្កដា លោករដ្ឋមន្ត្រី បានលើកទឹកចិត្តឱ្យគណៈវិជ្ជាជីវៈសុខាភិបាលទាំងអស់ បន្តពង្រឹងកិច្ចសហការជាមួយគ្នា ផ្តោតលើការប្រតិបត្តិការងារ ឱ្យមានអនុលោមភាព និងសង្គតិភាពជាមួយច្បាប់ និងលិខិតបទដ្ឋានជាធរមាន ការចុះបង្ហាត់បង្ហាញបណ្តុះបណ្តាល និងនាំការប្រតិបត្តិក្រមសីលធម៌ ឈរលើភាពត្រឹមត្រូវ ទាំងផ្នែកបច្ចេកទេស និង ជំនាញទន់ (soft skills)។
ជាមួយគ្នានេះដែរ ត្រូវបង្កើនកិច្ចការបណ្តុះបណ្តាល អប់រំផ្សព្វផ្សាយ ទប់ស្កាត់ជាអតិបរមានូវបាតុភាពវិជ្ជាជីវៈ ការគោរពសិទ្ធអតិថិជន និងការងាររដ្ឋបាលទូទៅជាគំរូ ដើម្បីធានាថាការបម្រើសេវាត្រឹមត្រូវប្រកបដោយគុណភាព និងសុវត្ថិភាពស្របតាមគរុកោសល្យ និងក្រមសីលធម៌ ដោយតម្កល់ផលប្រយោជន៍អ្នកជំងឺ និងអតិថិជន ជាអាទិភាព គឺជាអ្វីដែលគ្រប់ៗ គ្នា ក្នុងនាមគណៈវិជ្ជាជីវៈសុខាភិបាលទាំងប្រាំ ត្រូវបន្តខិតខំគ្រប់ពេលវេលា និងគ្រប់ទីកន្លែង។
លោករដ្ឋមន្ត្រី ក៏បានបញ្ជាក់ជូនពីតួនាទីរួមរបស់គណៈវិជ្ជាជីវៈសុខាភិបាល និងភារកិច្ចស្នូលរបស់គណៈវិជ្ជាជីវៈនីមួយៗផងដែរ។ បន្ថែមលើនេះ លោករដ្ឋមន្ត្រី បានលើកទឹកចិត្តឱ្យគណៈវិជ្ជាជីវៈសុខាភិបាលទាំងអស់ រៀបចំផែនការអនុវត្តឱ្យមានលក្ខណៈគ្រប់ជ្រុងជ្រោយ និងត្រូវធ្វើការតាមដាន ត្រួតពិនិត្យ និងវាយតម្លៃជាប្រចាំ ដើម្បីសម្រេចអាទិភាពការងាររបស់ខ្លួន។
ជាការឆ្លើយតប គណៈវិជ្ជាជីវៈសុខាភិបាលទាំង ៥ បានសម្តែងនូវការពេញចិត្ត និងបញ្ជាក់ពីសារៈសំខាន់ នៃពិធីសំណេះសំណាលនេះ ពិសេសមតិណែនាំល្អរបស់ លោកសាស្ត្រាចារ្យរដ្ឋមន្ត្រី ដែលជាប្រយោជន៍សម្រាប់កែលម្អ និងអភិវឌ្ឍន៍បន្ថែមទៀតនូវការងាររបស់ខ្លួន។
លោករដ្ឋមន្ត្រី បានសំដែងនូវការកោតសរសើរចំពោះការបំពេញការងាររបស់គណៈវិជ្ជាជីវៈសុខាភិបាលកន្លងមក និងការប្ដេជ្ញាចិត្តក្នុងការបន្តបេសកកម្មដ៏ឧត្តុង្គឧត្ដមរបស់ខ្លួន។
លោកសាស្ត្រាចារ្យរដ្ឋមន្ត្រី ក៏បានបញ្ជាក់ពីការគាំទ្ររបស់ក្រសួងដល់ការអនុវត្តការងាររបស់គណៈវិជ្ជាជីវៈសុខាភិបាលទាំងអស់ និងសង្ឃឹមថា នឹងទទួលបានសមិទ្ធផលជាវិជ្ជមានល្អក្នុងការបម្រើសេវាជូនដល់ប្រជាជនកាន់តែប្រសើរ៕
អត្ថបទ ៖ សំអឿន
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
គំនូរវិចិត្រករកូរ៉េឆ្នាំ១៩៧១ ដេញថ្លៃបានលុយសុទ្ធជាង ៥.៩លានដុល្លារ លើទឹកដី ហុងកុង
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៤ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ