ព័ត៌មានជាតិ
ចេកណាំវ៉ា អាចយកធ្វើអ្វីៗ ច្រើនមុខ តែអាជីវករថា លក់មិនសូវបានថ្លៃ
ចេកណាំវ៉ា គឺជា ចេកមួយប្រភេទដែលប្រជាពលរដ្ឋខ្មែរអាចយកទៅកែច្នៃធ្វើអ្វីៗបានជាច្រើនយ៉ាងដែលខុសពីពពួកចេកផ្សេងៗទៀត ដូចជា ចេកអំបូង ចេកពងមាន់ ចេកជ្វា ចេកស្នាប់មុខ ជាដើម។
ស្ត្រីម្នាក់ ជាអាជីវកររកស៊ីលក់ចេកនៅក្នុងផ្សារបឹងឈូក កណ្ដាលក្រុងបាត់ដំបង បានបញ្ជាក់ថា នៅក្នុងចំណោមចេកជាច្រើនមុខ គឺមានតែចេកណាំវ៉ាប៉ុណ្ណោះ ដែលប្រជាពលរដ្ឋខ្មែរអាចយកទៅកែច្នៃបានច្រើនមុខ ប៉ុន្តែបើទោះបីជា ចេកណាំវ៉ាត្រូវប៉ាន់យ៉ាងណាក៏ដោយ ក៏តម្លៃនៅតែទាបធម្មតា ។
អាជីវកររូបនេះ បានបន្តថា បើនិយាយពីតម្លៃចេកណាំវ៉ា និងចេកពងមាន់ គឺមានតម្លៃប្រហាក់ប្រហែលគ្នា បើស្និតតូចអាចលក់បានពី ២.៥០០ ទៅ ៣.០០០ រៀលតែប៉ុណ្ណោះ ប៉ុន្តែបើចេកនោះថ្លោស និងមានស្និតធំ គឺអាចលក់បានតម្លៃ ៤.០០០ រៀល តែក្នុងតម្លៃនេះលុះត្រាតែយើងព្យាយាមអង្គុយលក់រាយម្ដងមួយស្និតម្ដងមួយស្និត។
ដោយឡែក ប្រជាកសិករដែលមានចំការចេកមួយចំនួនបានរៀបរាប់ថា កាលពីមុនភាគច្រើនឈ្មួញយកចេកណាំវ៉ាពីខេត្តប៉ៃលិនមកលក់នៅបាត់ដំបង ប៉ុន្តែពេលនេះចេកនៅខេត្តប៉ៃលិនហាក់ដូចជាខ្សត់ទើបឈ្មួញដើរប្រមូលទិញតាមស្រុកនានាជុំវិញខេត្ត ហើយក៏មិនសូវបានថ្លៃប៉ុន្មានដែរ គឺមួយស្និតបានត្រឹមជាង ១.០០០ រៀលប៉ុណ្ណោះ។
គួរបញ្ជាក់ដែរថា សម្រាប់ចេកណាំវ៉ា គឺមានអត្ថប្រយោជន៍ច្រើនយ៉ាង ដែលប្រជាពលរដ្ឋខ្មែរនិយមចូលចិត្តគឺ អាចយកទៅសែនព្រេន ធ្វើបង្អែមចេកខ្ទិះ នំចេកចៀន នំខៅម៉ៅថត នំបុកចេក នំបាយអាំង និងនំអន្សមចេក ជាដើម។ យ៉ាងណាមិញ ចេកណាំវ៉ានេះគេក៏ធ្លាប់សង្កេតឃើញថា សម្រាប់ពលរដ្ឋដែលរស់នៅលើផ្ទៃទឹកទន្លេ គឺឈ្មួញនាំយកទៅលក់ពេញៗកាណូត ដោយសារតែតំបន់ទឹកគេមិនអាចដាំដំណាំនេះបាន ដូច្នេះគេត្រូវការនាំយកពីដីគោកទៅកាន់តំបន់ទន្លេសាបដើម្បីជាតម្រូវការរបស់ប្រជាពលរដ្ឋពិសេសគឺប្រជានេសាទដែលរស់នៅលើផ្ទៃទឹក ៕
អត្ថបទ : សោ និយមរ័ត្ន
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា