ព័ត៌មានអន្ដរជាតិ
ការដាច់បច្ចេកវិទ្យារំខានដល់សកម្មភាពអាជីវកម្មនិងកុំព្យូទ័ររាប់លានលើសកលលោក
ការដាច់បច្ចេកវិទ្យា (Technology outage) បណ្តាលឱ្យសកម្មភាពអាជីវកម្ម និងកុំព្យូទ័ររាប់លានគ្រឿងនៅទូទាំងពិភពលោករងផលប៉ះពាល់នៅថ្ងៃទី១៩ខែកក្កដា ដែលការតំណរភ្ជាប់បច្ចេកវិទ្យាដ៏ធំនេះរំខានដល់សេវាកម្មសំខាន់ៗដែលពឹងផ្អែកបច្ចេកវិទ្យាចាំបាច់ផុត រួមមានធនាគារ ក្រុមហ៊ុនអាកាសចរណ៍ ផ្លូវរថភ្លើង ក្រុមហ៊ុនប្រព័ន្ធផ្សព្វផ្សាយ និងផ្សារទំនើប។
សេវាកម្មនៅអាកាសយានដ្ឋាន រួមមានទាំងការចុះចត និងការហោះហើរត្រូវបានពន្យាពេល។ សេវាកម្មនៅស្ថានីយរថភ្លើង ក៏រងផលប៉ះពាល់នាំឱ្យរំខានដល់ការធ្វើដំណើរ ហើយផ្សារទំនើបខ្លះក៏ត្រូវបិទជាបណ្តោះអាសន្ន ដោយសារផលប៉ះពាល់ដល់ប្រព័ន្ធបង់ប្រាក់។
ការរំខាននេះកើតចេញពីការដំឡើង (update) សូហ្វវែរ របស់ក្រុមហ៊ុនសន្តិសុខបច្ចេកវិទ្យា CrowdStrike របស់អាមេរិក សម្រាប់កុំព្យូទ័រដែលប្រើប្រាស់កម្មវិធីរបស់ Microsoft។
តាមការចុះផ្សាយរបស់សារព័ត៌មាន The Strait Times ការដាច់បច្ចេកវិទ្យានេះត្រូវបានរាយការណ៍ជាលើកដំបូងនៅក្នុងប្រទេសអូស្ត្រាលីបន្ទាប់ពីធ្វើបច្ចុប្បន្នភាពកម្មវិធីនៅលើកុំព្យូទ័រត្រូវបានរុញចេញ ដែលបណ្តាលឱ្យអ្នកប្រើប្រាស់កុំព្យូទ័រមើលឃើញ អេក្រង់កុំព្យូទ័រឡើងពណ៌ខៀវហាក់ដូចជាខូច លែងដំណើរការគួរឱ្យបារម្ភ។
តាមការចុះផ្សាយដដែល អ្នកជំនាញបាននិយាយថា វាអាចចំណាយពេលជាច្រើនថ្ងៃ មុនពេលអ្វីៗទាំងអស់ត្រលប់មកធម្មតាវិញ ដោយសារកុំព្យូទ័រត្រូវតែជួសជុលកម្មវិធីឡើងវិញ និងមិនមែនតាមរយៈការដំឡើងកម្មវិធីថ្មីតាមបច្ចេកវិទ្យាពីចម្ងាយនោះទេ។
តាមសេចក្តីរាយការណ៍នានា រួមមានទាំងបាងកកប៉ុស្តិ៍ និង New York Times ក្រុមហ៊ុននៅតាមបណ្តាអាកាសយានដ្ឋាននៅអាស៊ី ដូចជា អាកាសយានដ្ឋាន Changi របស់ប្រទេសសិង្ហបុរី អាកាសយានដ្ឋានសុវណ្ណភូមិរបស់ប្រទេសថៃ និងក្រុមហ៊ុនដែលបម្រើការដឹកជញ្ជូននៅតាមបណ្តាលអាកាសយានដ្ឋានទាំងនោះក៏រងផលប៉ះពាល់ដែរ។
-
ព័ត៌មានជាតិ៦ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៤ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៤ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ៥ ថ្ងៃ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៦ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
សេដ្ឋកិច្ច៤ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ១ សប្តាហ៍ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
ព័ត៌មានអន្ដរជាតិ៥ ថ្ងៃ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា