ជីវិតកម្សាន្ដ

ជាង ២០ឆ្នាំហើយ! នេះជាលើកទី១ ដែល Son Ye Jin បើកទំនាក់ទំនងស្នេហាជាសាធារណៈ

បានផុស

៤ years មុន

នៅ

ថ្ងៃពុធ ៣ មីនា ២០២១

ដោយ

ប្រិយមិត្តពិតជាសម្គាល់បានដឹងថា ថ្មីៗនេះតារាសម្ដែងស្រី Son Ye Jin បានប្រកាសពីទំនាក់ទំនងជាសាធារណៈលើកដំបូងជាមួយតារាសម្តែង Hyun Bin កាលពីដើមឆ្នាំនេះហើយអ្នកគាំទ្របានសម្ដែងក្តីត្រេកអរយ៉ាងខ្លាំង នៅពេលដែលតារាសណព្វចិត្តរបស់ពួកគេតែងគាំទ្រ បានក្លាយជាគូស្នេហ៍នឹងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែបើនិយាយអំពីកាលពីឆ្នាំ ២០០៧ វិញទៅកាន់អតីតកាលដែលតារាស្រីរូបនេះ ប្រាប់អំពីមូលហេតុដែលនាងមិនមានគូណាត់ទាក់ទង និងបង្ហាញនៅលើអ៊ីនធឺណេតឡើយ។

ជាក់ស្ដែងដូចជានៅក្នុងបទសម្ភាសន៍មួយជាមួយទូរទស្សន៍ KBS ក្នុងឆ្នាំ ២០០៧ តារាស្រីរូបនេះ ត្រូវបានគេសួរថា «ហេតុអ្វីបានជា នាងនៅលីវ» រួចបន្តថា «នាងស្អាតណាស់។ ហេតុអ្វីបានជាមិនមានមិត្តប្រុស?» ហើយចម្លើយរបស់នាង ពិតជាធ្វើឲ្យអ្នកគាំទ្របានស្តាប់ហើយមានការភ្ញាក់ផ្អើលយ៉ាងខ្លាំងនោះ «ព្រោះខ្ញុំជាមនុស្សមានស្តង់ដាខ្ពស់ ហើយគឺខ្ញុំស្អាត» ប៉ុន្តែនេះជាការឆ្លើយតបបែបកំប្លែងលេងសើចប៉ុណ្ណោះ ។

វីដេអូឃ្លីបនេះ ធ្វើឲ្យអ្នកគាំទ្រងឿងឆ្ងល់ថាតើ Hyun Bin គឺជាស្នេហាដំបូង ដែលជាបុរសមានស្ដង់ដាខ្ពស់របស់នាងពិតប្រាកដមែនទេ តាំងពីចូលសិល្បៈដំបូងជាង ២០ឆ្នាំ។

ទោះយ៉ាងណាក្រោយមកនៅឆ្នាំ ២០១៨ តារាសម្ដែងស្រីរូបនេះបាននិយាយនៅកម្មវិធីជជែកកម្សាន្តផងដែរ។ នាងបានបញ្ជាក់ថា «នាងមិនដែលណាត់ជួបគូណាត់នោះទេ ព្រោះនាងមិនទាន់ត្រៀមចិត្តបាន»។ វាមិនមែនជារឿងងាយស្រួលទេ ហើយកាន់តែពិបាកនៅពេលដែលខ្លួនកាន់តែមានវ័យចាស់»។