ព័ត៌មានអន្ដរជាតិ

ជនចំណាកស្រុករាប់ពាន់នាក់សម្រុកចូលទឹកដីអាមេរិកឲ្យបានមុនការបោះឆ្នោត

បានផុស

២ ខែ មុន

នៅ

ថ្ងៃចន្ទ ២២ កក្កដា ២០២៤

ដោយ

ជនចំណាកស្រុករាប់រយនាក់ចម្រុះជាតិសាសន៍បានចាកចេញពីព្រំដែនភាគខាងត្បូងប្រទេសម៉ិកស៊ិកដោយថ្មើរជើងកាលពីថ្ងៃអាទិត្យឆ្ពោះទៅកាន់ព្រំដែនសហរដ្ឋអាមេរិកឲ្យបានមុនការបោះឆ្នោតខែវិច្ឆិកា ខណៈដែលជនចំណាកស្រុកទាំងនោះបារម្ភខ្លាចថាលោក ត្រាំ ឈ្នះឆ្នោត។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២២ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកមួយចំនួននៃក្រុមជនចំណាកស្រុកបានឲ្យដឹងថា ពួកគេសង្ឃឹមថានឹងទៅដល់ព្រំដែនសហរដ្ឋអាមេរិក មុនពេលការបោះឆ្នោតដែលនឹងធ្វើឡើងក្នុងខែវិច្ឆិកា ពីព្រោះពួកគេបារម្ភថា ប្រសិនបើលោក ដូណាល់ ត្រាំ ឈ្នះឆ្នោត លោកត្រាំនឹងធ្វើតាមការសន្យាដោយបិទព្រំដែនសម្រាប់អ្នកស្វែងរកសិទ្ធិជ្រកកោន។

ប្រការនេះអាចបញ្ឈប់ការផ្តល់ការប្រមូលផ្ដុំជនចំណាកស្រុកតាមរយៈកម្មវិធី CBP One ដែលជាកម្មវិធីត្រូវបានប្រើដោយអ្នកស្វែងរកសិទ្ធិជ្រកកោនដើម្បីចូលសហរដ្ឋអាមេរិកដោយស្របច្បាប់ ខណៈកម្មវិធីនេះដំណើរការតែនៅពេលដែលជនចំណាកស្រុកទៅដល់ប្រទេសម៉ិកស៊ិក ឬរដ្ឋនៅភាគខាងជើងម៉ិកស៊ិកប៉ុណ្ណោះ។

ជនចំណាកស្រុកដែលព្យាយាមឆ្លងកាត់ប្រទេសម៉ិកស៊ិកក្នុងប៉ុន្មានឆ្នាំថ្មីៗនេះបានរៀបចំក្រុមធំដើម្បីព្យាយាមកាត់បន្ថយហានិភ័យបណ្តាលមកពីការវាយប្រហារដោយក្រុមក្មេងទំនើង ឬបញ្ឈប់ដោយមន្ត្រីអន្តោប្រវេសន៍ម៉ិកស៊ិកនៅពេលពួកគេធ្វើដំណើរ។

ថ្មីៗនេះ ប្រទេសម៉ិកស៊ិកក៏បានបង្កការលំបាកបន្ថែមទៀតដល់ជនចំណាកស្រុកក្នុងការទៅដល់ព្រំដែនសហរដ្ឋអាមេរិកផងដែរ ដោយលិខិតអនុញ្ញាតធ្វើដំណើរកម្រត្រូវបានផ្តល់ជូនដល់ជនចំណាកស្រុកដែលចូលប្រទេសដោយគ្មានទិដ្ឋាការ ។ លើសពីនេះជនចំណាកស្រុករាប់ពាន់នាក់ត្រូវបានឃុំខ្លួនដោយមន្ត្រីអន្តោប្រវេសន៍នៅប៉ុស្តិ៍ត្រួតពិនិត្យនៅកណ្តាល និងភាគខាងជើងនៃប្រទេសម៉ិកស៊ិក និងត្រូវបានរថយន្តក្រុងបញ្ជូនត្រឡប់ទៅទីក្រុងនៅភាគខាងត្បូងវិញ។

ជាមួយគ្នានេះដែរយោងតាមជនចំណាកស្រុកម្នាក់លោក Oswaldo Reyna ជនចំណាកស្រុកគុយបាអាយុ ៥៥ឆ្នាំបានឆ្លងពីហ្គាតេម៉ាឡាទៅម៉ិកស៊ិកកាលពី៤៥ថ្ងៃមុនបានរិះគន់ការអត្ថាធិប្បាយថ្មីៗរបស់លោក ត្រាំ អំពីជនចំណាកស្រុក និងរបៀបដែលជនចំណាកស្រុកព្យាយាមឆ្លងព្រំដែនថាជាការ «ឈ្លានពាន» សហរដ្ឋអាមេរិក។

ឆ្លើយតបនឹងការអត្ថធិប្បាយតរបស់លោកត្រាំលោកថា៖«ជនចំណាកស្រុកមិនមែនជាជនខិលខូចទេ ពួកយើងជាមនុស្សឧស្សាហ៍ព្យាយាមដែលបានចាកចេញពីប្រទេសរបស់យើងដើម្បីទៅស្វែងរកជីវិតថ្មីព្រោះនៅប្រទេសយើងកំពុងរងនូវការខ្វះខាតនឹងតម្រូវការជាច្រើន»៕