ព័ត៌មានអន្ដរជាតិ
ជប៉ុន ថានឹងសហការជាមួយអាមេរិក ដើម្បីការពារសន្តិភាពតៃវ៉ាន់ ដោយមិនខ្វល់អ្នកណាជាប់ឆ្នោត
អ្នកនាំពាក្យរដ្ឋាភិបាលជប៉ុន លោក Yoshimasa Hayashi បានប្រាប់ទីភ្នាក់ងារព័ត៌មាន Reuters ថា រដ្ឋាភិបាលក្រុងតូក្យូនឹងបន្តធ្វើការជាមួយរដ្ឋធានីវ៉ាស៊ីតោន ដើម្បីសន្តិភាពនៅលើច្រកសមុទ្រតៃវ៉ាន់ ដោយមិនខ្វល់ខ្វាយថា នរណាជាប់ការបោះឆ្នោតប្រធានាធិបតីនៅសហរដ្ឋអាមេរិកនាខែវិច្ឆិកាខាងមុខនោះទេ។
ការអត្ថាធិប្បាយនេះ ធ្វើឡើងបន្ទាប់ពីបេក្ខជនប្រធានាធិបតីមកពីគណបក្សសាធារណរដ្ឋ លោក ដូណាល់ ត្រាំ បាននិយាយថា តៃវ៉ាន់គួរតែបង់ប្រាក់ឲ្យសហរដ្ឋអាមេរិកសម្រាប់ការការពារខ្លួន ដែលនេះត្រូវគេមើលថាជាការបង្កើនក្ដីព្រួយបារម្ភអំពីការគាំទ្ររបស់អាមេរិកទៅលើដែនកោះមួយនេះ ប្រសិនបើអតីតប្រធានាធិបតីវ័យ៧៨ឆ្នាំបានជាប់ឆ្នោតសាជាថ្មីម្ដងទៀត។
ពេលត្រូវសួរនាំថាតើការជាប់ឆ្នោតរបស់លោក ត្រាំ អាចផ្ដល់ផលប៉ះពាល់លើការប្តេជ្ញាចិត្តរបស់អាមេរិកនៅលើឥណ្ឌូប៉ាស៊ីហ្វិកដែរឬទេ លោក Hayashi បានឆ្លើយថា “សន្តិភាព និងស្ថិរភាព (នៅច្រកសមុទ្រតៃវ៉ាន់) គឺមានសារៈសំខាន់យ៉ាងខ្លាំង មិនត្រឹមតែសម្រាប់សន្តិសុខផ្ទាល់ខ្លួនរបស់យើងប៉ុណ្ណោះទេ ប៉ុន្តែសម្រាប់សហគមន៍អន្តរជាតិទាំងមូល”។ លោកបានបន្ថែមថា ដោយសារសហរដ្ឋអាមេរិក និងជប៉ុន សុទ្ធតែជឿជាក់លើសារៈសំខាន់នៃការដោះស្រាយបញ្ហាច្រកសមុទ្រដោយសន្តិវិធី ជប៉ុននឹងនៅតែបន្តកិច្ចខិតខំប្រឹងប្រែងការទូតទាំងនេះ ព្រោះវាមានសារៈសំខាន់ណាស់ក្នុងការពង្រឹងមូលដ្ឋានរួម ដែលមានអាមេរិកនិងជប៉ុនជាសម្ព័ន្ធមិត្ត។
ប្រទេសចិន រមែងចាត់ទុកតៃវ៉ាន់ជាដែនអធិបតេយ្យភាពរបស់ខ្លួន ហើយរដ្ឋាភិបាលក្រុងប៉េកាំងក៏មិនបានច្រានចោលនូវការប្រើប្រាស់កងកម្លាំង ដើម្បីយកដែនកោះមួយនេះទៅគ្រប់គ្រងវិញនោះឡើយ។
អាមេរិកមិនធ្លាប់មានកិច្ចព្រមព្រៀងផ្លូវការណាមួយ ដើម្បីការពារតៃវ៉ាន់នោះទេ ប៉ុន្តែមានការកំណត់ច្បាប់ ដែលអនុញ្ញាតឲ្យអាមេរិកអាចផ្ដល់ជាមធ្យោបាយការពារខ្លួនឲ្យតៃវ៉ាន់បាន។ ប្រការនេះហើយទើបលោក ដូណាល់ ត្រាំ បានសម្ដែងការមិនពេញចិត្ត ហើយនិយាយថា តៃវ៉ាន់មិនបានផ្ដល់អ្វីត្រឡប់មកឲ្យអាមេរិកជាការតបស្នងវិញទេ។
សូមបញ្ជាក់ថា លោក J.D Vance សមាជិកព្រឹទ្ធសភាអាមេរិក និងជាសមាជិកបក្សសាធារណរដ្ឋរបស់លោក ត្រាំ ធ្លាប់បានបង្ហើបកាលពីសប្ដាហ៍មុនថា គោលនយោបាយបក្សរបស់លោកនៅឥណ្ឌូប៉ាស៊ីហ្វិក ផ្ដោតសំខាន់លើប្រទេសចិន ដែលជា “ការគំរាមកំហែងដ៏ធំបំផុត” របស់សហរដ្ឋអាមេរិក។ ចំណែកលោក ត្រាំ កាលពីដើមឆ្នាំ២០២៤ បានប្រកាសថា បើលោកជាប់ឆ្នោត នោះវានឹងអាចមានសង្គ្រាមពាណិជ្ជកម្មមួយទៀតរវាងចិន និងអាមេរិក បន្ទាប់ពីលោកបានគំរាមដំឡើងពន្ធចំនួន៦០% លើការនាំចូលផលិតផលចិន៕
ដោយ៖ ឈាង
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
លោក Yoon ទំនងគ្មានវាសនាវិលកាន់អំណាចវិញទេ ខណៈសំណុំរឿងចាក់ស្រេះកាន់តែខ្លាំង
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ១ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានជាតិ១២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ៣ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក