កីឡា

ក្រសួងអប់រំចេញលិខិតមិនអនុញ្ញាតឲ្យរៀបចំការប្រកួតកីឡា«Kabaddi»

បានផុស

៤ ខែ មុន

នៅ

ថ្ងៃពុធ ២៤ កក្កដា ២០២៤

ដោយ

ក្រសួងអប់រំ យុវជន និងកីឡា បានចេញលិខិតមិនគាំទ្រ និងមិនអនុញ្ញាតឲ្យរៀបចំការប្រកួតពានរង្វាន់ពិភពលោក World Cup Kabaddi នៅលើទឹកដីនៃព្រះរាជាណាចក្រកម្ពុជាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមលិខិតចុះថ្ងៃទី២២ ខែកក្កដា ឆ្នាំ២០២៤ ក្រសួងអប់រំ យុវជន និងកីឡា បានបញ្ជាក់ទៅអគ្គលេខាធិការលើកត្តា៤ចំណុច។ ១. ក្រសួងមិនគាំទ្រ និងមិនអនុញ្ញាតឲ្យមានការរៀបចំប្រកួតកីឡា World Cup Kabaddi នៅកម្ពុជាទេ ពីព្រោះប្រភេទកីឡានេះមិនទាន់បង្កើតជាសហព័ន្ធកីឡាជាតិជាផ្លូវការនៅឡើយ។ ២. បើមិនទាន់មានសហព័ន្ធកីឡាជាតិទេ ការធ្វើសកម្មភាពកីឡាណាមួយនៅកម្ពុជាគឺជាអំពើខុសច្បាប់។ ៣. គណៈកម្មាធិការជាតិអូឡាំពិកកម្ពុជា ក៏មិនគាំទ្រការរៀបចំប្រកួតនេះដែរ និង៤. រាជរដ្ឋាភិបាល ក៏មិនទាន់អនុញ្ញាតឲ្យរៀបចំការប្រកួតនៅឡើយ ដូច្នេះការត្រៀមរៀបចំការប្រកួតខាងលើ មិនស្របច្បាប់ទេ។

ការបដិសេធរបស់ ក្រសួងអប់រំ យុវជន និងកីឡា យោងទៅលើលិខិតអញ្ជើញលេខ wcx/003 ចុះថ្ងៃទី១៦ ខែកក្កដា ឆ្នាំ២០២៤ របស់លោក S.T Arsu ដែលជាអគ្គលេខាធិការរបស់ World Cup Kabaddi៕