គន្លឹះថែស្បែកឲ្យភ្លឺរលោង គ្មានស្នាមជ្រីវជ្រួញក្នុងវ័យ៦០ឆ្នាំ របស់ភរិយាសេដ្ឋីឥណ្ឌា Ambani

កាលពីថ្មីៗនេះ ក្រុមគ្រួសាររបស់មហាសេដ្ឋីមានបំផុតនៅអាស៊ី Mukesh Ambani បានក្លាយជាចំណុចចាប់អារម្មណ៍របស់ប្រព័ន្ធផ្សព្វផ្សាយ នៅពេលដែលពិធីមង្គលការដ៏ប្រណីតបំផុតក្នុងឆ្នាំ ២០២៤ របស់កូនប្រុសពៅឈ្មោះ Anant Ambani បានកើតឡើង។ ដូច្នេះ សមាជិក​នៃ​គ្រួសារ​ដ៏​ល្បី​នេះ​ត្រូវ​បាន​សារព័ត៌មាន​ស្វែង​រក​យ៉ាង​ខ្លាំងលើបណ្ដាញអ៉ិនធើណេត។

ក្នុងចំណោមនោះ អ្នកដែលលេចធ្លោជាងគេគឺលោកស្រី Nita Ambani ភរិយារបស់មហាសេដ្ឋីមានបំផុតនៅអាស៊ី ដែលប្រជាជនឥណ្ឌាគោរពថាជាមហាក្សត្រី ឬស្ត្រីទីមួយ ដោយសារតែជីវិតដ៏ប្រណិត និងចរិតថ្លៃថ្នូររបស់គាត់តែងតែបង្ហាញជាសាធារណៈ។

Nita Ambani គឺជាពាណិជ្ជករម្នាក់ដែលជាអ្នកត្រួសត្រាយផ្លូវក្នុងសប្បុរសធម៌ ស្ថាបនិកសាលាអន្តរជាតិ Dhirubhai Ambani និងជានាយកនៃក្រុមហ៊ុន Reliance Industries។ ស្ត្រីជាច្រើននៅក្នុងប្រទេសឥណ្ឌា​ចាត់ទុកមហាសេដ្ឋីស្រីរូបនេះជាគំរូដ៏ល្អរបស់ពួកគេ ដោយសារតែ Nita មានការរួមបញ្ចូលគ្នាដ៏ល្អឥតខ្ចោះនៃទេពកោសល្យ និងសម្រស់ដ៏ទាក់ទាញ។

ទោះបីជាគាត់មានអាយុលើសពី ៦០ ឆ្នាំក៏ដោយ ក៏ស្ត្រីអ្នកជំនួញរូបនេះ នៅតែរក្សាបាននូវតុល្យភាព រាងស្វែល និងស្បែករលោង។ អាថ៌កំបាំងមួយក្នុងការជួយភរិយារបស់មហាសេដ្ឋីឥណ្ឌាឲ្យនៅក្មេង និងស្រស់ស្អាតសម្រាប់អាយុរបស់នាង គឺនាងរក្សារបបអាហារបែបវិទ្យាសាស្ត្រ។ យោងតាមសារព័ត៌មានឥណ្ឌា លោកស្រីតែងតែមានទម្លាប់ញ៉ាំបន្លែស្ងោរជាអាហារថ្ងៃត្រង់ ដើម្បីផ្តល់វីតាមីន និងជាតិសរសៃច្រើន ដែលជួយគ្រប់គ្រងទម្ងន់ និងពន្យឺតភាពចាស់។

ជាពិសេស ស្ត្រីអ្នកជំនួញដ៏ល្បីរូបនេះ បានចែករំលែកក្នុងបទសម្ភាសន៍មួយថា គាត់បានផឹកទឹក beetroot ឬឆៃថាវក្រហមជារៀងរាល់ថ្ងៃ ដើម្បីនាំមកនូវអត្ថប្រយោជន៍ជាច្រើនដល់សុខភាព ដោយសារតែសារធាតុចិញ្ចឹមរបស់វា។ ភេសជ្ជៈនេះងាយស្រួលធ្វើណាស់ ហើយគ្រឿងផ្សំគឺជារឿងធម្មតាដោយមិនពិបាករកទិញទេ ដូច្នេះនារីៗអាចធ្វើតាមបានយ៉ាងពិតប្រាកដ។

តើទឹក beetroot ល្អប៉ុណ្ណា ដែលភរិយាមហាសេដ្ឋីនិយមទទួលទានជារឿយៗ?

ទឹកប្រភេទនេះធ្វើឲ្យស្បែកស្រស់ស្អាតដោយមិនខ្លួន អ្នកជំនាញអាហារូបត្ថម្ភ Jo Williams មកពីសហរដ្ឋអាមេរិក បានធ្វើការនៅក្នុងកម្មវិធីថែទាំសុខភាពជាច្រើន ហើយបាននិយាយថា ផ្លែឆៃថាវក្រហមសម្បូរទៅដោយសារធាតុចិញ្ចឹមដូចជា ជាតិសរសៃ ប៉ូតាស្យូម ហ្វូឡាត កាបូអ៊ីដ្រាត បន្លែប្រឆាំងអុកស៊ីតកម្មដ៏មានឥទ្ធិពលបំផុតចំនួន ១០ ដែលជួយកែលម្អសុខភាពស្បែក។

សម្រាប់អ្នកចង់ស្រកទម្ងន់ មាតិកាអាហារូបត្ថម្ភនៅក្នុងឆៃថាវក្រហមជួយគ្រប់គ្រងទម្ងន់។ បរិមាណកាឡូរីនៅក្នុងមើមនេះគឺត្រឹមតែ ៤៤ kcal ក្នុង១០០ ក្រាមឆ្អិន។ ជាតិសរសៃ និងប្រូតេអ៊ីននៅក្នុងឆៃថាវក្រហមអាចធ្វើឲ្យអ្នកមានអារម្មណ៍ឆ្អែត ដោយកំណត់ការទទួលទានអាហារផ្សេងទៀត។ ដូច្នេះហើយ មើមថោកនេះបានក្លាយជាអាហារដែលមិនអាចខ្វះបានក្នុងរបបអាហារ និងការសម្រកទម្ងន់។

ល្អសម្រាប់សាច់ដុំ​ ម្ចាស់មេដាយមាសប៉ារ៉ាឡាំពិក David Weir ធ្លាប់បង្ហើបថា អាថ៌កំបាំងនៃភាពជោគជ័យរបស់គាត់ គឺការប្រើទឹកឆៃថាវក្រហមជាប្រចាំ។ ព័ត៌មាន​នេះ​បាន​ធ្វើ​ឲ្យ​សហគមន៍​អ្នក​ស្រឡាញ់​កីឡា​រំជួល​ចិត្ត​និង​តាម​ដាន​ភ្លាមៗ។ សារធាតុ nitrates នៅក្នុងឆៃថាវក្រហមមានសមត្ថភាពនាំយកអុកស៊ីហ្សែនកាន់តែច្រើន​ទៅកោសិកាសាច់ដុំ ជំរុញឲ្យមានការស្តារឡើងវិញប្រកបដោយប្រសិទ្ធភាព។

បង្កើនការស៊ូទ្រាំ ការសិក្សា​មួយ​បាន​រក​ឃើញ​ថា លក្ខណៈសម្បត្តិ​នៃ​ការ​បង្កើន​ការ​ស៊ូទ្រាំ​នៃ​ការ​ផឹក​ទឹកឆៃថាវក្រហម ពិត​ជា​អាច​ជួយ​ឲ្យអ្នក​ហាត់ប្រាណ​បាន​យូរ​រហូត​ដល់​ទៅ ១៦% ។ មហាសេដ្ឋីស្រី Nita Ambani ក៏ចូលចិត្តការហាត់ប្រាណដូចជាហែលទឹក ជិះកង់ ការផឹកភេសជ្ជៈប្រភេទនេះ ជួយឲ្យគាត់ងាយស្រួលបង្កើនការស៊ូទ្រាំអំឡុងពេលហាត់ប្រាណ ជួយរក្សារាងឲ្យល្អបំផុត។

បន្សាបជាតិពុលក្នុងថ្លើម​ ការផឹកទឹកមើមនេះជាប្រចាំនឹងបង្កើនបរិមាណអង់ស៊ីមបន្សាបជាតិពុលក្នុងថ្លើមយ៉ាងមានប្រសិទ្ធភាព។ ឆៃថាវក្រហមក៏មានប្រយោជន៍សម្រាប់ស្ត្រីមានផ្ទៃពោះ ជួយកាត់បន្ថយរោគសញ្ញានៃជំងឺរ៉ាំរ៉ៃដូចជា ទឹកនោមផ្អែម ជំងឺវង្វេង ល្អសម្រាប់ប្រព័ន្ធរំលាយអាហារ ការពារការទល់លាមក។

ទោះយ៉ាងណាក៏ដោយ ដ្បិតថាឆៃថាវក្រហមនាំមកនូវអត្ថប្រយោជន៍ជាច្រើនចំពោះសុខភាព ប៉ុន្តែមិនមែនគ្រប់គ្នាអាចប្រើវាបាននោះទេ។ យោងតាមអ្នកជំនាញ Jo Williams បញ្ចាក់ថា អ្នកដែលមានគ្រួសក្នុងតម្រងនោម ឬមានប្រវត្តិគ្រួសក្នុងតម្រងនោម គួរកំណត់ការប្រើប្រាស់។ វាក៏មិនស័ក្តិសមសម្រាប់កុមារអាយុក្រោម ៦ ខែដូចគ្នា។ ជាពិសេស វាក៏មិនឆបគ្នាជាមួយទឹកដោះគោ និងអាចបណ្តាលឲ្យពុល ដូច្នេះអ្នកគួរតែចៀសវាងការផ្សំទាំងពីរជាមួយគ្នា។ សម្រាប់អ្នកដែលមានបញ្ហាសុខភាព គួរតែទៅពិគ្រោះជាមួយគ្រូពេទ្យគ្រួសារ ឬអ្នកជំនាញអាហារូបត្ថម្ភ ដើម្បីធានាថាពួកគេអាចប្រើប្រាស់ឆៃថាក្រហមប្រកបដោយសុវត្ថិភាព និងមានប្រសិទ្ធភាព៕

អត្ថបទ៖ សាង ស្រីល័ក្ខ

ចុចអាន៖មិនត្រឹមជាពិធីមង្គលការចាយប្រាក់ខ្ជះខ្ជាយលើលោកទេ Anant ក៏ស្រោចគ្រឿងអលង្ការពេញខ្លួនដែរ