កីឡា

ក្លិបអាយុជាង១០០ឆ្នាំ Bordeaux ក្ស័យធន អស់អាជ្ញាប័ណ្ណអាជីព

បានផុស

២ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

ក្លិបធំ Bordeaux នៅលីគកំពូលបារាំង បានប្រកាសបោះបង់អាជ្ញាប័ណ្ណជាក្លិបបាល់ទាត់អាជីព និងបញ្ចប់កិច្ចសន្យាកីឡាករ បុគ្គលិកទាំងអស់ បន្ទាប់ពីត្រូវបានកាត់ទៅលីគកម្រិតទី៣ ក្នុងប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ជើងឯកលីគកំពូលបារាំង៦សម័យកាល កំពុងពឹងផ្អែកលើការជួយសង្គ្រោះពីម្ចាស់ក្លិប Liverpool ក្នុងគម្រោងមូលនិធិ Fenway Sports Group (FSG ) ដែលត្រូវបានបង្កើតឡើងដោយ Henry និង Werner ដើម្បីជួយសង្រ្គោះពួកគេពីការពិន័យបន្ថែមទៀត បន្ទាប់ពីការតស៊ូផ្នែកហិរញ្ញវត្ថុប៉ុន្មានឆ្នាំចុងក្រោយទាំងវេទនា។

សេចក្តីថ្លែងការណ៍មួយកាលពីដើមសប្តាហ៍នេះ អ្នកតំណាង Fenway Sports Group (FSG) បានបរាជ័យ។ ក្លិប Bordeaux ក៏សម្រេចដកខ្លួនចេញ ក្រោយពួកគេព្រមទទួលយកការកាត់ទៅលីគលំដាប់ទី៣ ហើយបានបោះបង់អាជ្ញាប័ណ្ណជាក្លិបអាជីព បន្ទាប់ពីគេទទួលបានអាជ្ញាប័ណ្ណនេះតាំងពីឆ្នាំ១៩៣៧។

ហេតុដូច្នេះហើយ ក្នុងករណីដែលមិនមានធាតុផ្សំអ្វីថ្មីទេ ក្លិប FC Girondins de Bordeaux បានដកពាក្យបណ្តឹងតវ៉ាប្រឆាំងនឹងការសម្រេចរបស់អង្គការដែលទទួលខុសត្រូវក្នុងការត្រួតពិនិត្យ និងគណនីរបស់សមាគមបាល់ទាត់អាជីពបារាំង (DNCG) ចុះថ្ងៃទី៩ ខែកក្កដា ឆ្នាំ២០២៤។

ស្ថានភាពនេះមានផលប៉ះពាល់យ៉ាងធ្ងន់ធ្ងរដល់កីឡាករ បុគ្គលិក និងគ្រូបង្វឹកក្រោមការដឹកនាំរបស់លោក Albert Riera បន្ទាប់ពីត្រូវរំលាយកិច្ចសន្យារបស់ពួកគេ។ លើសពីនេះទៀត មជ្ឈមណ្ឌលហ្វឹកហាត់របស់ក្រុមនឹងត្រូវបិទទ្វារ ដូច្នេះទាំងថ្នាលយុវជន ក៏ត្រូវបានរំសាយ។ ប្រសិនបើពួកគេរកឃើញក្រុមថ្មី ក្លិប Bordeaux នឹងមិនទទួលបានសំណងណាមួយឡើយ។

ក្លិប Bordeaux ត្រូវបានបង្កើតឡើងតាំងពីឆ្នាំ១៩២០ ដែលរហូតដល់ពេលមានអាយុកាល១០៤ឆ្នាំ និងធ្លាប់ឈ្នះជើងឯកលីគកំពូលបារាំង៦ដង៕

ប្រែសម្រួល៖ ផា រតនា

Related Topics:កីឡាបាល់ទាត់អន្តរជាតិ