ព័ត៌មានជាតិ

ព្រលានយន្តហោះនៅបារាំងបិទ និងជម្លៀសមនុស្សចេញ ដោយសារដំណឹងនៃការបង្កៃគ្រាប់បែក

បានផុស

៥ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

អ្នកដំណើរនៅព្រលានយន្តហោះ Basel-Mulhouse EuroAirport នៅក្បែរព្រំដែនស្វីស-បារាំងត្រូវបានជម្លៀសចេញយ៉ាងប្រញាប់ប្រញាល់ ក្រោយមានការជូនដំណឹងពីការបង្កៃគ្រាប់បែក។

ហេតុការណ៍នេះ កើតឡើងតែប៉ុន្មានម៉ោងប៉ុណ្ណោះ ក្រោយមានការបំផ្លិចបំផ្លាញខ្សែរថភ្លើងតភ្ជាប់ទីក្រុងជាច្រើនប៉ះពាល់អ្នកដំណើរប្រមាណ៨០ម៉ឺននាក់ នៅប្រទេសបារាំង មុនពេលដែលប្រទេសបារាំងរៀបចំបើកព្រឹត្តិការណ៍កីឡាអូឡាំពិកនៅថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានីយអ្នកដំណើរនៃអាកាសយានដ្ឋាន Basel-Mulhouse ត្រូវបានជម្លៀសចេញនៅព្រឹកថ្ងៃសុក្រ ហើយជើងហោះហើរទាំងអស់ត្រូវបានផ្អាក។ គេហទំព័ររបស់អាកាសយានដ្ឋាន Basel-Mulhouse EuroAirport បានបង្ហោះព័ត៌មានដែលមានខ្លឹមសារថា៖«សម្រាប់ហេតុផលសុវត្ថិភាព ស្ថានីយអ្នកដំណើរត្រូវតែជម្លៀសចេញ ហើយបច្ចុប្បន្នត្រូវបានបិទ»។

ទោះបីយ៉ាងណា គេហទំព័រអាកាសយានដ្ឋានដដែល បានបង្ហោះសារឡើងវិញ ដោយអះអាងពីការបើកដំណើរការឡើងវិញ។

ហេតុការណ៍នេះកើតឡើងចំពេលមានភាពចលាចលនៃការប្រកួតកីឡាអូឡាំពិក បន្ទាប់ពីកាលពីយប់មិញ ដោយនៅសល់តែប៉ុន្មានម៉ោងទៀតប៉ុណ្ណោះ មុនពេលការដង្ហែរបើកកីឡាអូឡាំពិកនៅលើដងទន្លេ Seine៕