ព័ត៌មានជាតិ
អាជ្ញាធរសង្កាត់ទឹកល្អក់២ បន្តផ្លាស់ប្ដូរប្រព័ន្ធលូចាស់ក្នុងមូលដ្ឋាន
អាជ្ញាធរសង្កាត់ទឹកល្អក់២ បានយកចិត្តទុកដាក់ធើ្វការផ្លាស់ប្ដូរប្រព័ន្ធលូចាស់ៗក្នុងមូលដ្ឋាន ដើម្បីរំដោះទឹកភ្លៀងក្នុងរដូវវស្សា និងបញ្ចៀសការជន់លិចទឹកដក់លើផ្លូវ។
ជាក់ស្តែង នៅថ្ងៃទី២៧ ខែកក្កដា ឆ្នាំ២០២៤ នៅត្រង់ចំណុចផ្លូវលេខ១៤៦ កែងផ្លូវ២៥៧ រហូតដល់ផ្លូវលេខ១៤៦ កែង ២៥៩ ស្ថិតក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ បានកំពុងកាយផ្លូវ ដើម្បីផ្លាស់ប្តូរប្រព័ន្ធលូចាស់ ដាក់ លូថ្មី។
លោក សូ ជា ចៅសង្កាត់ទឹកល្អក់២ បានផ្ដល់បទសម្ភាសន៍តាមទូរស័ព្ទជាមួយកម្ពុជាថ្មី ថា គម្រោងអភិវឌ្ឍន៍នេះមានប្រវែង២៥០ម៉ែត្រ។ ប៉ុន្តែកាលពីគម្រោងអភិវឌ្ឍន៍ឆ្នាំ២០២៣ ខាងសង្កាត់បានធើ្វការផ្លាស់ប្ដូររួចប្រវែង៤០ម៉ែត្រ ដោយថវិកាមានកំណត់ទើបផ្អាកការផ្លាស់ប្ដូរជាបណ្តោះអាស្នន។ រហូតដល់ឆ្នាំ២០២៤ ទើបរដ្ឋបាលសង្កាត់ទឹកល្អក់ទី២ បានទទួលកញ្ចប់ថវិកាសម្រាប់អភិវឌ្ឍន៍បន្តនូវគម្រោងដែលសេសសល់ មានប្រវែងជាង២០០ម៉ែត្រ។
លោកចៅសង្កាត់ បន្តថា ចំពោះប្រព័ន្ធលូចាស់មានទំហំតូចគ្មានស្តង់ដានោះទេ ទើបអាជ្ញាធរធ្វើការផ្លាស់ប្តូរប្រព័ន្ធលូ ដាក់ទំហំ៦តឹក ឱ្យត្រូវតាមស្តង់ដា។
លោកស្រី ណារី តំណាងពលរដ្ឋរស់នៅក្នុងមូលដ្ឋាន បានសម្តែងអារម្មណ៍ត្រេកអរនៅពេលអាជ្ញាធរយកចិត្តទុកដាក់ធ្វើការស្តារលូចាស់ៗ ដាក់ប្រព័ន្ធលូថ្មីជូនប្រជាពលរដ្ឋក្នុងមូលដ្ឋាន។ ដោយកន្លងទៅ រាល់មានភ្លៀងធ្លាក់ កំណាត់ផ្លូវ១៤៦ នេះ តែងមានដក់ទឹក អមសងខាងផ្លូវ ដែលធ្វើឱ្យអ្នករស់នៅ ក៏ដូចជាអ្នកធ្វើដំណើរពិបាកតែម្តង។
តែយ៉ាងណា អាជ្ញាធរ បានស្នើសុំទៅប្រជាពលរដ្ឋ មេត្តាយោគយល់ចំពោះការដ្ឋានកំពុងសាងសង់ និងដាក់លូដែលមានការប៉ះពាល់ ហើយក៏សំណូមពរប្រជាពលរដ្ឋ ត្រូវវេចខ្ចប់សំរាមដាក់ឱ្យបានត្រឹមត្រូវ ជៀសវាងពេលមានភ្លៀងធ្លាក់សំរាមហូរចូលក្នុងប្រព័ន្ធលូបង្កការកកស្ទះលំហូទឹក៕ អត្ថបទ៖ រដ្ឋា
-
ព័ត៌មានអន្ដរជាតិ៤ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
សន្តិសុខសង្គម២ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ
-
ព័ត៌មានជាតិ៥ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានជាតិ១ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
ព័ត៌មានអន្ដរជាតិ២២ ម៉ោង ago
រញ្ជួយដីនៅខេត្តវៀតណាមជាប់កម្ពុជា តែញ័រខ្លាំងដល់ទឹកដីប្រទេស ថៃ
-
កីឡា១ សប្តាហ៍ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
សន្តិសុខសង្គម៤ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានអន្ដរជាតិ៦ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី