ព័ត៌មានអន្ដរជាតិ
កងទ័ពថៃ គ្រោងទិញអាវុធច្រើនប្រភេទថែមទៀត ទុកការពារជាតិ ៣ឆ្នាំខាងមុខ
កងទ័ពថៃ បានដាក់ចេញនូវសំណើសម្រាប់ឆ្នាំ២០២៤ ដោយក្នុងនោះ មានការអំពាវនាវសុំទិញអាវុធជាច្រើនប្រភេទ រួមទាំងយន្តហោះគ្មានមនុស្សបើកប្រដាប់អាវុធផងដែរ ដើម្បីដោះស្រាយបញ្ហាប្រឈមផ្នែកសន្តិសុខរបស់ប្រទេស ក្នុងរយៈពេល៣ឆ្នាំខាងមុខ។
តាមការចុះផ្សាយរបស់ Bangkok Post កាលពីថ្ងៃអាទិត្យទី២៨ខែកក្កដាឆ្នាំ២០២៤ សំណើនេះបានគូសបញ្ជាក់ថា កងទ័ពត្រូវការអាវុធដើម្បីការពារជាតិ ពីការគំរាមកំហែងគ្រប់ប្រភេទ។
ត្បិតតែសំណើខាងលើបានបង្ហាញពីប្រភេទអាវុធនិងឧបករណ៍ពាក់ព័ន្ធក៏ពិតមែន ប៉ុន្តែវាមិនបញ្ចូលព័ត៌មានលម្អិតខ្លាំងណាស់ណាពេកទេ។
យ៉ាងណាក្តី គេមើលឃើញថា ក្រៅពីយន្តហោះគ្មានមនុស្សបើក និងឧទ្ធម្ភាគចក្រវាយប្រហារ, សំណើនេះបានបញ្ជាក់ថា កងទ័ពក៏ត្រូវការរថក្រោះ រថពាសដែក ឧទ្ធម្ភាគចក្រល្បាត យន្តហោះដឹកជញ្ជូន ប្រព័ន្ធរ៉ាដាការពារ ប្រព័ន្ធត្រួតពិនិត្យដែនដី និងឧបករណ៍ស៊ើបការណ៍និងទំនាក់ទំនង ដែលមានសមត្ថភាពល្អជាងមុនផងដែរ។
ពាក់ព័ន្ធបញ្ហានេះ អគ្គមេបញ្ជាការកងទ័ព លោកឧត្តមសេនីយ៍ Charoenchai Hinthao និយាយថា សំណើត្រូវបានផ្សព្វផ្សាយ ដើម្បីឲ្យសាធារណជនទូទៅ ទទួលស្គាល់និងយល់ឲ្យកាន់តែច្បាស់ពីតួនាទីរបស់កងទ័ព និងក្របខ័ណ្ឌអភិវឌ្ឍរបស់ខ្លួន ហើយបញ្ជីអាវុធនេះទៀតសោត គឺផ្អែកលើបញ្ហាប្រឈមដែលអាចកើតមានចាប់ពីពេលបច្ចុប្បន្នដល់ឆ្នាំ២០២៧។
សូមបញ្ជាក់ថា ក្នុងឆ្នាំ២០២៣ កញ្ចប់ថវិកាការពារជាតិរបស់ប្រទេសថៃ មានចំនួន ៥.៨៩ ពាន់លានដុល្លារអាមេរិក, ថយចុះបន្តិចបើធៀបនឹងឆ្នាំ២០២២ ដែលមានប្រហែល ៦.០៦ពាន់លានដុល្លារអាមេរិក ហើយកញ្ចប់ថវិកា ត្រូវគេព្យាករថានឹង កើនឡើងបន្តិចវិញក្នុងឆ្នាំ២០២៤នេះ ពោលអាចឈានដល់ប្រហែល ៦.០១ពាន់លានដុល្លារអាមេរិក៕
អត្ថបទ៖ សុខ សុវណ្ណ
ចុចអាន៖ ថៃ នៅតែជាប្រភពចម្បងនាំគ្រឿងញៀនចូលទឹកដីកូរ៉េខាងត្បូង
-
ព័ត៌មានជាតិ៤ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៤ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១៩ ម៉ោង ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់