ព័ត៌មានអន្ដរជាតិ
ការវិនិយោគដោយផ្ទាល់ពីបរទេសរបស់វៀតណាម កើនឡើងដល់ ១៨ ប៊ីលានដុល្លារ ក្នុងរយៈពេល៧ខែដើមឆ្នាំ
ទិន្នន័យចុងក្រោយពីទីភ្នាក់ងារវិនិយោគបរទេសរបស់វៀតណាម បានបង្ហាញថា ចន្លោះពីខែមករា ដល់ថ្ងៃទី២០ ខែកក្កដា ឆ្នាំនេះ វៀតណាមបានទទួលការវិនិយោគដោយផ្ទាល់ពីបរទេស (FDI) ប្រមាណ ១៨ ប៊ីលានដុល្លារ ដោយស្មើនឹងកំណើន ១០ ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់កាសែត Viet Nam News។
ប្រមាណ ១២,៥៥ ប៊ីលានដុល្លារនៃទំហំ FDI សរុប ត្រូវបានបញ្ចេញប្រើ។ បើតាមទិន្នន័យជាលម្អិត ចន្លោះពីខែមករា ដល់ខែកក្កដា លំហូរ FDI ថ្មី មានចំនួនសរុប ១០,៧៦ ប៊ីលានដុល្លារ កើនឡើង ៣៥,៦ ភាគរយ ខណៈដើមទុនបន្ថែមមានចំនួន ៤,៩៧ ប៊ីលានដុល្លារ កើនឡើងជិត ២០ ភាគរយ។ ចំណែកឯការវិនិយោគពីបរទេសតាមរយៈការរួមចំណែកមូលធន និងការទិញភាគហ៊ុនវិញ បានធ្លាក់ប្រមាណ ៤៥,២ ភាគរយ មកនៅត្រឹម ២,២៧ ប៊ីលានដុល្លារ។
ទិន្នន័យដដែលបង្ហាញថា ឧស្សាហកម្មកែច្នៃ និងផលិត នាំមុខគេ ដោយគ្របដណ្ដប់លើទំហំ ១២,៦៥ ប៊ីលានដុល្លារ ឬ ៧០,៣ ភាគរយ នៃ FDI ដែលបានចុះបញ្ជី។ វិស័យអចលនៈទ្រព្យ បានឈរនៅចំណាត់ថ្នាក់លេខ ២ ដោយរួមចំណែកការវិនិយោគសរុបប្រមាណ ២,៨៧ ប៊ីលានដុល្លារ។
ក្នុងចំណោមប្រទេស និងដែនដីចំនួន ៩១ ដែលវិនិយោគនៅវៀតណាម សិង្ហបុរីគឺជាអ្នកវិនិយោគធំជាងគេ ដោយបានចុះបញ្ជីវិនិយោគជិត ៦,៥២ ប៊ីលានដុល្លារនៅវៀតណាម កើនឡើងជិត ៨០ ភាគរយ។ ហុងកុង គឺជាអ្នកវិនិយោគធំទី២ ក្នុងទំហំសរុប ២,១៩ ប៊ីលានដុល្លារ ពោលគឺកើនច្រើនទ្វេដង បើធៀបនឹងរយៈពេលដូចគ្នាកាលពីឆ្នាំមុន។
អ្នកជំនាញមើលឃើញថា វៀតណាមមានភាពទាក់ទាញជាច្រើនសម្រាប់ក្រុមហ៊ុនវិនិយោគពីបរទេស ដោយក្នុងនោះរួមមានទាំងគោលនយោបាយផ្តល់ជូននូវពន្ធសាជីវកម្មក្នុងអត្រាប្រកួតប្រជែង និងលើកទឹកចិត្តសម្រាប់ក្រុមហ៊ុនផលិតផ្សេងៗ។ លើសពីនេះ វៀតណាមមានការវិនិយោគយ៉ាងសំខាន់ក្នុងវិស័យហេដ្ឋារចនាសម្ព័ន្ធដែលមានចំនួន ៥,៧ ភាគរយនៃ GDP សរុបរបស់ប្រទេស ដែលនេះជាចំនួនខ្ពស់បំផុតនៅអាស៊ីអាគ្នេយ៍។
ការណ៍ទាំងនេះហើយ ធ្វើឱ្យទំហំ FDI របស់វៀតណាម កើនឡើងជាលំដាប់ ជាពិសេសក្នុងកាលៈទេសៈដែលក្រុមហ៊ុនជាច្រើនផ្លាស់ប្ដូរមូលដ្ឋានរោងចក្ររបស់ពួកគេ ដោយសារតែរបត់នៃភូមិសាស្រ្តនយោបាយរវាងចិន និងលោកខាងលិចជាពិសេសសហរដ្ឋអាមេរិក៕
-
ព័ត៌មានអន្ដរជាតិ៤ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
សន្តិសុខសង្គម២ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ
-
ព័ត៌មានជាតិ៥ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានជាតិ១ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
ព័ត៌មានអន្ដរជាតិ២០ ម៉ោង ago
រញ្ជួយដីនៅខេត្តវៀតណាមជាប់កម្ពុជា តែញ័រខ្លាំងដល់ទឹកដីប្រទេស ថៃ
-
កីឡា៧ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
សន្តិសុខសង្គម៤ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានអន្ដរជាតិ៦ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី