ព័ត៌មានអន្ដរជាតិ

ខេត្តជប៉ុនខ្លះសីតុណ្ហភាពឡើងជាង៤០អង្សាសេមិនធ្លាប់

បានផុស

៣ ខែ មុន

នៅ

ថ្ងៃចន្ទ ២៩ កក្កដា ២០២៤

ដោយ

ប្រព័ន្ធសម្ពាធខ្ពស់បានកំពុងនាំកម្ដៅមកកាន់ភាគខាងលិច និងខាងកើតប្រទេសជប៉ុនដែលជំរុញឱ្យសីតុណ្ហភាពក្នុងទីក្រុង Hamamatsu ខេត្ត Shizuoka កើនដល់៤០,២អង្សាសេ។ នេះបើយោងតាមការចេញផ្សាយរបស់ទូរទស្សន៍ជាតិជប៉ុន NHKនៅថ្ងៃទី២៩ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីឧតុនិយមជប៉ុនបានឲ្យដឹងថា គិតត្រឹមម៉ោង១១:៣០ ព្រឹកថ្ងៃចន្ទនេះ សីតុណ្ហភាពបានកើនឡើងដល់៣៨,៧អង្សាសេ នៅទីក្រុង Sano ខេត្ត Tochigi ៣៨,៣នៅ Hachioji ទីក្រុងTokyoនិង ៣៨,២ នៅទីក្រុង Kiryu ខេត្ត Gunma ខណៈសីតុណ្ហភាពឡើងខ្ពស់បំផុតដល់៤១អង្សាសេនៅទីក្រុង Hamamatsu ខេត្ត Shizuoka និង៤០ អង្សាសេនៅទីក្រុង Kumagaya ខេត្ត Saitama រួមទាំងទីក្រុង Kofu ខេត្ត Yamanashi និងទីក្រុង Maebashi ខេត្ត Gunma ។

កាលពីសប្ដាហ៍មុនប្រទេសជប៉ុនក៏បានចេញសេចក្តីប្រមានអំពីហានិភ័យនៃការកើតជំងឺដាច់សរសៃរឈាមខួរក្បាលសម្រាប់ខេត្តចំនួន ៣៨ក្នុងចំណោម៤៧ខេត្ត។ ប្រជាជនត្រូវបានណែនាំឱ្យចាត់វិធានការការពារឱ្យបានហ្មត់ចត់ និងត្រូវបានដាស់តឿនកុំឲ្យហាត់ប្រាណ និងចៀសវាងការចេញទៅខាងក្រៅតាមដែលអាចធ្វើទៅបាន ហើយជំនួសមកវិញដោយការប្រើម៉ាស៊ីនត្រជាក់ក្នុងផ្ទះឱ្យបានគ្រប់គ្រាន់ និងទទួលទានទឹកនិងអំបិលឱ្យបានទៀងទាត់ ជាពិសេសមនុស្សចាស់និងទារក ព្រោះពួកគេងាយរងគ្រោះនឹងជំងឺដាច់សរសៃឈាមខួរក្បាល៕