ព័ត៌មានជាតិ
កែច្នៃកាកអំពៅ ចេញជាអុសបរិស្ថាន កាត់បន្ថយការកាប់បំផ្លាញព្រៃឈើ
ក្រុមហ៊ុនមួយ ប្រមូលកាកអំពៅ និងកម្ទេចកម្ទីឈើ តាមមូលដ្ឋានរបស់ប្រជាពលរដ្ឋជុំវិញក្រុងសៀមរាប មកកែច្នៃចេញជាអុសបរិស្ថាន ជួយដល់សុខភាពមនុស្ស និងកាត់បន្ថយការកាប់បំផ្លាញព្រៃឈើ។
លោក សែម ចាន់វាសនា ប្រធានផ្នែកទីផ្សារនៃក្រុមហ៊ុន ACE Energy Cambodia ខេត្តសៀមរាប បានប្រាប់ឱ្យ កម្ពុជាថ្មី ដឹងថា ក្រុមហ៊ុនផលិតផលិតអុសបរិស្ថានរបស់លោក បានបើកដំណើរការតាំងពីឆ្នាំ ២០២០ មកម្ល៉េះ ប៉ុន្ដែកាលនោះគ្រាន់តែជាការសាកល្បងលើកដំបូង ដោយការផលិតដោយដៃតែប៉ុណ្ណោះ។
លោកបន្តថា បន្ទាប់មកចូលមកឆ្នាំ ២០២២ ទើបក្រុមហ៊ុនបានបើកដំណើរការជាផ្លូវការ ដោយមានម៉ាស៊ីនទំនើប ក្នុងការកែច្នៃកាកអំពៅ និងកម្ទេចកម្ទីឈើផ្សេងៗ ដែលប្រមូលមកពីអាជីវករ និងតំបន់នានា ក្នុងខេត្តសៀមរាប ផលិតចេញជាអុសអនាម័យ សម្រាប់ចែកចាយទៅកាន់អ្នកប្រើប្រាស់ទូទាំង២៥ខេត្ត-ក្រុង ក្នុងប្រទេសកម្ពុជា។
លោក សែម ចាន់វាសនា បន្ថែមទៀតថា សម្រាប់ពេលបច្ចុប្បន្ន ក្រុមហ៊ុនរបស់លោក បានប្រមូលកាកអំពៅ និងកម្ទេចកម្ទីឈើ បានប្រមាណជាង ៥០០គីឡូក្រាម និងអាចមានសមត្ថភាពផលិតអុសបរិស្ថាន បានប្រមាណជាង ៤០០គីឡូក្រាម ផងដែរ។
លោក សែម ចាន់វាសនា បានឱ្យដឹងទៀតថា ក្រុមហ៊ុនរបស់លោក បានមើលឃើញថា នាពេលបច្ចុប្បន្ន ការប្រើប្រាស់ហ្គាស និងចង្គ្រានអគ្គិសនី វាអាចមានផលប៉ះពាល់ និងហានិភ័យខ្ពស់ ទើបក្រុមហ៊ុន បានសម្រេចផលិតចង្ក្រានបរិស្ថាន និងអុសបរិស្ថាន ដើម្បីជួយដល់សុខភាពមនុស្សជាតិ និងចូលរួមកាត់បន្ថយការកាប់ព្រៃឈើ។
លោក សែម ចាន់ វាសនា បញ្ជាក់ទៀតថា សម្រាប់អុសបរិស្ថានដែលកែច្នៃបាន កំពុងទទួលបានការគាំទ្រយ៉ាងខ្លាំងពីសំណាក់អតិថិជនខ្មែរ ទូទាំងប្រទេស ដែលតម្លៃអុស ១៥គីឡូក្រាម តម្លៃ៦ដុល្លារ តែប្រសិនបើ អតិថិជនជាអ្នកប្រើប្រាស់ចង្ក្រានបរិស្ថានរបស់ក្រុមហ៊ុន អុសបរិស្ថាន ១៥គីឡូក្រាម តម្លៃត្រឹមតែ ៣ដុល្លារ តែប៉ុណ្ណោះ។
ក្រុមហ៊ុនផលិតចង្រ្គាន និងអុសបរិស្ថាន ACE Energy Cambodia ជាក្រុមហ៊ុនមួយដែលបង្កើតឡើងដោយស្ថាបនិកជនជាតិហូឡង់ កាលពីឆ្នាំ២០២០ ដែលមានសម្ថភាពអាចផលិតចង្ក្រាន និងអុសបរិស្ថាន សម្រាប់ចែកចាយដល់អតិថិជនទាំង២៥ខេត្ត-ក្រុង ក្នុងប្រទេសកម្ពុជា៕
អត្ថបទ៖ សួស សិត
-
ព័ត៌មានអន្ដរជាតិ៤ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ១ ម៉ោង ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
សន្តិសុខសង្គម២ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ
-
ព័ត៌មានជាតិ៥ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានជាតិ១ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
ព័ត៌មានជាតិ៤ ម៉ោង ago
Breaking News: រកឃើញហើយ! ឧទ្ធម្ភាគចក្រយោធាដែលបាត់កាលពី១៧ ថ្ងៃមុន
-
ព័ត៌មានអន្ដរជាតិ១ ថ្ងៃ ago
រញ្ជួយដីនៅខេត្តវៀតណាមជាប់កម្ពុជា តែញ័រខ្លាំងដល់ទឹកដីប្រទេស ថៃ
-
កីឡា១ សប្តាហ៍ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ