កីឡា
លោក Félix Dalmás ៖«សូមបន្តគាំទ្រ ជឿជាក់លើក្រុមកម្ពុជា»
លោក Félix Dalmás គ្រូបង្វឹកក្រុមបាល់ទាត់ជម្រើសជាតិកម្ពុជាស្នើដល់អ្នកគាំទ្រឲ្យបន្តជឿជាក់លើក្រុមការងារគ្រូបង្វឹក និងក្រុមបាល់ទាត់ជម្រើសជាតិកម្ពុជាសម្រាប់ការប្រកួតអន្តរជាតិនាពេលខាងមុខ។
ក្នុងសម្ភាសជាមួយសារព័ត៌មាន«កម្ពុជាថ្មី» លោក Félix Dalmás បានលើកឡើងពីអ្នកគាំទ្រដែលបានទស្សនាការប្រកួតមិត្តភាពអន្តរជាតិជាមួយម៉ុងហ្គោលីកាលពីខែមិថុនាថា នៅកន្លែងណា ក៏ដូចកន្លែងណា អ្នកគាំទ្រតែងតែមាននិន្នាការគាំទ្រទៅតាមប្រភេទកីឡាពេញនិយម ឬក៏កំពុងមានប្រិយភាព។ ទោះបីជាយ៉ាងណា អ្នកគាំទ្រពិតប្រាកដនៅតែបន្តគាំទ្រចំពោះកីឡាដែលខ្លួនស្រឡាញ់ ទោះបីជាស្ថិតនៅក្នុងកាលៈទេសៈណាក៏ដោយ។
លោក Félix Dalmás មានប្រសាសន៍ថា ៖«សម្រាប់អារម្មណ៍របស់ខ្ញុំគឺប្រជាជន (អ្នកគាំទ្រកម្ពុជា) នៅទីនេះគឺជាអ្នកគាំទ្រពិតប្រាកដ។ ពួកគាត់មិនមែនជាអ្នកគាំទ្រតែតាមអនឡាញនោះទេ។ អ្នកគាំទ្រពិតប្រាកដគឺបានបង្ហាញពីការគាំទ្រដល់ក្រុមជម្រើសជាតិ ទោះក្នុងកាលៈទេសៈណាក៏ដោយ។ អ្នកគាំទ្រទាំងនោះគឺជាកម្លាំងថាមពលសម្រាប់ក្រុមកម្ពុជា។ ពួកគាត់គាំទ្រដោយបេះដូងដ៏ស្មោះស្ម័គ្រ និងជាអ្នកជួយជំរុញបាល់ទាត់»។
លោកបានបន្តថា ៖«វាពិតជាអស្ចារ្យណាស់សម្រាប់យើងខ្ញុំ។ ពួកគាត់បានធ្វើឲ្យពួកយើងរំភើបយ៉ាងខ្លាំងនៅពេលឃើញទឹកមុខអ្នកគាំទ្រនៅទីលាន។ ព្រះអើយ! មេឃចាប់ផ្តើមភ្លៀង ប្រហែលជាគ្មានមនុស្សច្រើនទេ ប៉ុន្តែបន្ទាប់មក យើងឃើញអ្នកគាំទ្រកាន់តែច្រើន មេឃភ្លៀងកាន់តែខ្លាំង អ្នកគាំទ្រនៅតែតស៊ូមើល។ វាជាបទពិសោធដ៏អស្ចារ្យ! មិនដឹងថា គួរនិយាយពីអារម្មណ៍បែបណាទេ។ ការគាំទ្ររបស់ពួកគាត់បានផ្តល់ឲ្យយើងមានកម្លាំងចិត្តក្នុងការប្រយុទ្ធនៅលើទីលាន»។
បន្ទាប់ពីធ្លាក់ចេញពីជម្រុះជើងឯកពិភពលោក World Cup តាំងពីជុំបឋម ក្រុមជម្រើសជាតិកម្ពុជាត្រូវស្តាមុខមាត់ឡើងវិញសម្រាប់វគ្គជម្រុះ AFC Asian Cup ជាមួយជម្រើសជាតិស្រីលង្កា នាខែកញ្ញា ឆ្នាំ២០២៤។
លោកគ្រូបង្វឹកជម្រើសជាតិកម្ពុជាបានស្នើឲ្យអ្នកគាំទ្រជឿជាក់ និងបន្តគាំទ្រក្រុមជម្រើសជាតិកម្ពុជាសម្រាប់ការប្រកួតជម្រុះជាមួយស្រីលង្កា។ លោកបានលើកឡើងថា ៖«ខ្ញុំសូមអរគុណប្រជាជនកម្ពុជាចេញពីបេះដូងដ៏បរិសុទ្ធរបស់ខ្ញុំ ពីក្រុមការងារគ្រូបង្វឹក ពីកីឡាករទាំងអស់គ្នា។ សូមជឿជាក់លើយើងខ្ញុំសម្រាប់ការប្រកួតបន្ទាប់។ សូមបន្តគាំទ្រទៀត ពីព្រោះក្រុមទាំងមូលមិនអាចខ្វះអ្នកគាំទ្របានទេ»។
សូមបញ្ជាក់ថា កម្ពុជានឹងធ្វើដំណើរទៅប្រកួតជាមួយស្រីលង្កា នៅថ្ងៃទី៥ ខែកញ្ញា សម្រាប់ជើងទី១ វគ្គជម្រុះ AFC Asian Cup 2027 មុនពេលបើកទ្វារពហុកីឡដ្ឋានជាតិដើម្បីទទួលស្រីលង្កា ជើងទី២ នៅថ្ងៃទី១០ ខែកញ្ញា។ ក្រុមដែលទទួលបានជ័យជម្នះនឹងឡើងទៅកាន់វគ្គសន្សំពិន្ទុក្នុងពូលដែលត្រូវចាប់ឆ្នោតនៅថ្ងៃទី១៩ ខែធ្នូ ឆ្នាំ២០២៤៕
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម១ សប្តាហ៍ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ២ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ២១ ម៉ោង ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានជាតិ២ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
សេដ្ឋកិច្ច១៣ ម៉ោង ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានជាតិ៤ ថ្ងៃ ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម១ សប្តាហ៍ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព