ព័ត៌មានអន្ដរជាតិ

ផលិតកម្មរថយន្តជាសកលរបស់ Toyota ធ្លាក់ចុះ ជំរុញដោយការដាំក្បាលចុះនៅចិន និងជប៉ុន

បានផុស

៦ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

ផលិតកម្មរថយន្តជាសកលរបស់ក្រុមហ៊ុនយក្សជប៉ុន តូយ៉ូតា (Toyota) បានធ្លាក់ចុះ៥ខែជាប់ៗគ្នាដោយបន្តក្នុងខែមិថុនា ដោយសារតែផលប៉ះពាល់ពីរឿងអាស្រូវជុំវិញពាក្យស្នើសុំវិញ្ញាបនប័ត្រសុវត្ថិភាពរថយន្តក្នុងស្រុករបស់ជប៉ុន និងសង្រ្គាមបញ្ចុះតម្លៃដ៏ក្ដៅគគុកនៅក្នុងប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ទិន្នផលផលិតកម្មទូទាំងពិភពលោករបស់តូយ៉ូតា បានធ្លាក់ចុះ ១២,៩ ភាគរយ មកនៅត្រឹម ៧៩៥ ៨៦២ គ្រឿង ដែលនេះជាការធ្លាក់ចុះយ៉ាងគំហុក រាប់តាំងពីខែធ្នូ ឆ្នាំ ២០២២។ វាជាការបន្តពីការធ្លាក់ចុះ ៤ ភាគរយកាលពីខែឧសភា បើធៀបនឹងរយៈពេលដូចគ្នាកាលពីឆ្នាំមុន។

ការលក់នៅទូទាំងពិភពលោករបស់ក្រុមហ៊ុនតូយ៉ូតាបានធ្លាក់ចុះ៥,១% ក្នុងអំឡុងពេលខែមិថុនា ដែលរងការឈឺចាប់ដោយការធ្លាក់ចុះនៅក្នុងប្រទេសជប៉ុន និងប្រទេសចិន។

នៅជប៉ុន ទិន្នផលផលិតកម្មប្រចាំខែមិថុនាដដែល បានធ្លាក់ចុះ ១៨,៨ ភាគរយ ក្រោយក្រសួងដឹកជញ្ជូនរបស់ប្រទេស បានរកឃើញភាពមិនប្រក្រតីនៅក្នុងពាក្យស្នើសុំបញ្ជាក់សុវត្ថិភាពរថយន្តរបស់ Toyota និងក្រុមហ៊ុនផលិតរថយន្តផ្សេងៗទៀត។

ក្នុងប្រទេសចិន ផលិតកម្មបានធ្លាក់ចុះ ២១,៧ ភាគរយ ដែលនេះជាការធ្លាក់ចុះលើស ២០ ភាគរយចំនួន ៥ ខែជាប់គ្នាៗ ដែលបណ្ដាលមកពីសង្រ្គាមតម្លៃ ខណៈការប្រកួតប្រជែងក្នុងស្រុកចិនក៏កាន់តែកើនកម្ដៅ ដោយក្រុមហ៊ុនផលិតរថយន្តអគ្គិសនីក្នុងស្រុកដូចជា BYD ដណ្ដើមយកចំណែកទីផ្សារយ៉ាងឆាប់រហ័សនោះ។

ផលិតកម្មនៅអាមេរិកខាងជើង បានធ្លាក់ចុះ ៦,២ ភាគរយ ខណៈនៅអឺរ៉ុបវិញ បានធ្លាក់ចុះ ៦,៦ ភាគរយ ដោយសារតែចំនួនថ្ងៃផលិតកម្ម តិចជាងបើធៀបនឹងរយៈពេលដូចគ្នាកាលពីឆ្នាំមុន។

ទន្ទឹមនឹងការធ្លាក់ចុះនៃផលិតកម្មនេះ ការលក់នៅទូទាំងពិភពលោករបស់ក្រុមហ៊ុនតូយ៉ូតា ក៏បានធ្លាក់ចុះ ៥,១ ភាគរយផងដែរ នៅខែមិថុនាដដែល ដែលជំរុញដោយការដាំក្បាលចុះនៅជប៉ុន និងចិន៕

Related Topics:ក្រុមហ៊ុន Toyota