ព័ត៌មានអន្ដរជាតិ

ក្រុមហ៊ុនបឺហ្គឺអាមេរិកដំណើរការនៅអូស្ត្រាលីប្រកាសបិទហាង២០ទីតាំង

បានផុស

២ ខែ មុន

នៅ

ថ្ងៃព្រហស្បតិ៍ ១ សីហា ២០២៤

ដោយ

CJ’s Group ជាក្រុមហ៊ុនផ្គត់ផ្គង់ខ្សែសង្វាក់ម្ហូបអាហាររហ័ស (បឺហ្គឺ)ដ៏ពេញនិយមរបស់អាមេរិកដែលបច្ចុប្បន្នកាន់កាប់និងដំណើរការហាង២៤នៅអូស្រា្តលី បានប្រកាសបិទហាងភាគច្រើនលើលលប់និងដាក់ឱ្យស្ថិតនៅក្រោមការគ្រប់គ្រងបណ្តោះអាសន្នដើម្បីដំណើរការលក់ឡៃឡុង ខណៈបុគ្គលិករាប់រយនាក់រងផលប៉ះពាល់។

ហាងបឺហ្គឺ Carl’s Jr នៅប្រទេសអូស្ត្រាលី។ Insidertail

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនម្ហូបអាហារដែល«បឺហ្គី»ជាផលិតផលសំខាន់របស់ខ្លួន កាលពីឆ្នាំ២០១៦ ធ្លាប់បានប្រកាសពីគម្រោងបើកដំណើរការហាងរហូតដល់៣០០ទូទាំងប្រទេសអូស្រ្តាលី បានជួបវិបត្តិនៃការលក់ ដោយសារផលិតផលរបស់ខ្លួនមានតម្លៃខ្ពស់ជាងផលិតផលរបស់ក្រុមហ៊ុនប្រកួតប្រជែង ចំពេលការកើនឡើងលើការចំណាយ។

បច្ចុប្បន្ននេះ ក្រុមហ៊ុន CJ’s Group បានកាន់កាប់ទាំងស្រុង និងដំណើរការភោជនីយដ្ឋានចំនួន២៤ ខណៈពេលដែលក្រុមហ៊ុននេះជាម្ចាស់កាន់កាប់អាជ្ញាប័ណ្ណភោជនីដ្ឋាន២៥ផ្សេងទៀតដែលជួលឱ្យភាគីទីបី។

លោក David Hardy នាយកគ្រប់គ្រងក្រុមហ៊ុន KPMG Australia ដែលផ្តល់សេវាកម្មរៀបចំហេដ្ឋារចនាសម្ព័ន្ធឡើងវិញ បានលើកឡើងនូវក្នុងសេចក្តីប្រកាសរបស់ខ្លួនថា ការផ្តោតដំបូងនឹងជា «ស្ថិរភាព» ប្រតិបត្តិការរបស់ក្រុមហ៊ុនមេ។

តាមសេចក្តីរាយការណ៍ ការងាររាប់រយត្រូវបានគេរំពឹងថានឹងរងផលប៉ះពាល់ ហើយប្រតិបត្តិការហាងភាគច្រើននៅ រដ្ឋ NSW, Queensland និង Victoria។ ហាងចំនួន៤ ត្រូវបានគេរំពឹងថានឹងនៅបន្តបើកនៅក្រោមការកាន់កាប់របស់ CJ’s Group ខណៈដែល ២០ហាងនឹងបិទភ្លាមៗ។

ការផ្សព្វផ្សាយពីការដំណើរការហាងធម្មតានៅ Queensland។ 7news

លោក David Hardy បន្តថា៖«យើងនឹងធ្វើដំណើរការលក់(ឡៃឡុង)ភ្លាមៗនៃបណ្តាញហាងនិងប្រតិបត្តិការដែលមានស្រាប់។ យើងនឹងធ្វើការជាមួយភាគីពាក់ព័ន្ធទាំងអស់ រួមទាំងនិយោជិត អ្នកផ្គត់ផ្គង់ និងម្ចាស់ដី ដើម្បីបង្កើនលទ្ធផលសម្រាប់ភាគីទាំងអស់»។ ភាគីពាក់ព័ន្ធត្រូវបានគេរំពឹងថានឹងត្រូវបានទាក់ទងក្នុងរយៈពេលប៉ុន្មានថ្ងៃទៀតនេះ ខណៈដែលកិច្ចប្រជុំម្ចាស់បំណុលត្រូវបានគ្រោងធ្វើនៅថ្ងៃទី៧ខែសីហា៕

ដោយ រ៉ាន់ រើយ