ព័ត៌មានអន្ដរជាតិ
វៀតណាម ព្រមានកើតរញ្ជួយដីបន្តទៀត នៅខេត្ត ជាប់ព្រំដែនកម្ពុជា
ក្រោយកើតមានរញ្ជួយដីផ្ទួនៗនៅស្រុក Kon Plong នៃខេត្ត Kon Tum, លោក Nguyen Xuan Anh ប្រធានវិទ្យាស្ថានភូគព្ភសាស្ត្រ វៀតណាម បានព្រមានប្រជាជនថា នាពេលខាងមុខ ខេត្តនេះអាចជួបគ្រោះរញ្ជួយដីជាបន្តទៀត ប៉ុន្តែមិនមានកម្លាំងលើសកម្រិត ៥.៥រ៉ិចទ័រនោះទេ។
ការព្រមានរបស់លោកកើតឡើង ខណៈខេត្តវៀតណាម ស្ថិតនៅជាប់ខេត្តរតនគិរី របស់ប្រទេសកម្ពុជាមួយនេះ ជួបគ្រោះរញ្ជួយដីថ្មីចំនួន៧លើកទៀត ប៉ុន្តែមិនធ្ងន់ធ្ងរឡើយ។
ស្របពេលជាមួយគ្នានោះដែរ លោកបានណែនាំឲ្យអាជ្ញាធរមូលដ្ឋានត្រូវអនុវត្តវិធានការចាំបាច់នានា ដើម្បីវាយតម្លៃគ្រោះមហន្តរាយបង្កឡើងដោយរញ្ជួយដី និងវិធានការត្រៀមខ្លួន ចៀសវាងការបណ្តាលឲ្យមានមនុស្សស្លាប់និងរងរបួស។
មិនត្រឹមប៉ុណ្ណឹង វិទ្យាស្ថានភូគព្ភសាស្ត្ររបស់លោក ក៏បានបង្កើតបណ្តាញមួយដែលមានស្ថានីយ៍ចំនួន១០ ដើម្បីតាមដាននិងសិក្សាលើស្ថានភាពរញ្ជួយផងដែរ។
សូមបញ្ជាក់ថា ការរញ្ជួយដីថ្មីដែលមានកម្លាំងចន្លោះពី ២.៥ ទៅ ៣.៤រ៉ិចទ័រ ជាមួយជម្រៅចន្លោះពី ៨.១ ទៅ ៨.២ គីឡូម៉ែត្រ គឺបន្ថែមពីលើការរញ្ជួយសរុប៣៤លើក កាលពីថ្ងៃចន្ទនិងអាទិត្យ នៅក្នុងស្រុកដដែលនេះ។
ពាក់ព័ន្ធការរញ្ជួយញឹកញាប់នេះផងដែរ មន្ត្រីនៅមជ្ឈមណ្ឌលព្រមានការរញ្ជួយដី និងរលកយក្សស៊ូណាមិ ក្រោមវិទ្យាស្ថានភូគព្ភសាស្ត្រវៀតណាម បានបញ្ជាក់ថា ការរញ្ជួយផ្ទួនៗបែបនេះ គឺបណ្តាលមកពីសកម្មភាពកកិតរបស់ផ្ទាំងតិចតូនិក ដែលនៅស្ងៀមទ្រឹងមួយរយៈមកហើយ៕
អត្ថបទ៖ សុខ សុវណ្ណ
ចុចអាន៖ ខេត្តវៀតណាម ជាប់ព្រំដែនកម្ពុជា រញ្ជួយដីផ្ទួនៗ ៧ លើកទៀត
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានអន្ដរជាតិ១ សប្តាហ៍ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១ សប្តាហ៍ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត