ជីវិតកម្សាន្ដ

កាន់តែហឹរ! MGC 2023 ភឹម ស្រីនោ ប្ដូរស្ទីលតុបតែងខ្លួន ១៨០ ដឺក្រេ ក្រោយផ្ទេរមកុដ

បានផុស

២ ខែ មុន

នៅ

ថ្ងៃសុក្រ ២ សីហា ២០២៤

ដោយ

បវរកញ្ញា ភឹម ស្រីនោ ដែលជាម្ចាស់មកុដក្នុងកម្មវិធី Miss Grand Cambodia 2023 កំពុងធ្វើឲ្យទស្សនិកជន និងអ្នកគាំទ្រនៅលើបណ្តាញហ្វេសប៊ុកចាប់អារម្មណ៍ខ្លាំង ខណៈតារាស្រីរូបនេះបានបញ្ចេញរូបភាពជាច្រើនសន្លឹកតាមរយៈការប្តូរស្ទីលតុបតែងខ្លួនសិចស៊ីប្លែកភ្នែក ១៨០ដឺក្រេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ គេក៏សង្កេតឃើញមានការបន្តស៊ែចែករំលែកនៅលើបណ្តាញសង្គមបន្ទាប់ពីឃើញសកម្មភាពថតរូបបង្ហាញសម្រស់យ៉ាងទាក់ទាញនៃការលេងស្ទីលថតកាច់រាងពីសំណាក់ស្រីស្រស់ ភឹម ស្រីនោ ដែលបានសម្ញែងសាច់ខ្លីម៉ដរលោងគួរជាទីគយគន់។

កញ្ញា ភឹម ស្រីនោ បានរំលេចខ្លឹមសារថា ស្ត្រីខ្លាំង តែងតែប្រែការឈឺចាប់របស់នាងទៅជាថាមពល, យើងកំពុងរស់នៅក្នុងសង្គមដែលកាន់តែជឿនលឿន និងរីកចម្រើនស្តង់ដារនៃសម្រស់គឺ មិនត្រឹមតែខាងក្រៅនោះទេ សម្រាប់ខ្ញុំស្ថិតនៅក្នុងចិត្តនិង អាកប្បកិរិយារបស់យើង។

គេនៅចាំបានដែរថា ភឹម ស្រីនោ កាលពីថ្មីៗកន្លងទៅ នាងធ្លាប់បង្ហាញការហួសចិត្តជាខ្លាំងបន្ទាប់មានបុគ្គល ម្នាក់បានរិះគន់ទៅលើរូបសម្ផស្សរបស់នាងថា បវរកញ្ញាស្អីមានរូបរាងមិនស្អាតថែមទាំងសាច់ស្បែកដូចសត្វគីង្គក់ដូចមនុស្សមានកូន ៤ ឬ ៥ នាក់ ធាត់ក៏ធាត់ យាក៏យា។

ទោះបីធ្លាប់ឆ្លងកាត់ការរិះគន់ពីសំណាក់បុគ្គលមួយចំនួនទៅលើរូបសម្ផស្សរបស់ខ្លួននោះតែម្ចាស់មកុដ Miss Grand Cambodia2023កញ្ញា ភឹម ស្រីនោ គឺតែងតែបានចេញមកលើកទឹកចិត្តចំពោះអ្នកដែលកំពុងរងការ Bully ពីសំណាក់បុគ្គលដទៃឲ្យត្រូវស្រលាញ់ខ្លួនឯងច្រើនបំផុត៕

អត្ថបទ៖ ចាន់រ៉ា