ព័ត៌មានអន្ដរជាតិ
ឥណ្ឌូណេស៊ីទទួលភ្ញៀវទេសចរបរទេសជាង ៦ លាននាក់ក្នុងឆមាសទី១ ខ្ពស់បំផុតរាប់តាំងពី ២០២០
ប្រទេសឥណ្ឌូណេស៊ីបានទទួលស្វាគមភ្ញៀវទេសចរបរទេសប្រមាណ ៦,៤ លាននាក់ ក្នុងឆមាសទី១ឆ្នាំនេះ ដែលវាជាចំនួនខ្ពស់បំផុតបើធៀបនឹងរយៈពេលដូចគ្នា រាប់ចាប់ពីឆ្នាំ ២០២០ ពោលគឺពេលដែលវិបត្តិជំងឺរាតត្បាតកូវីដ១៩បានផ្ទុះឡើង។ នេះបើតាមការចុះផ្សាយរបស់កាសែត Jakarta Globe កាលពីម្សិលមិញ។
តាមការប្រកាសរបស់ទីភ្នាក់ងារស្ថិតិកណ្តាល (BPS) របស់ឥណ្ឌូណេស៊ី ចំនួនដដែលបង្ហាញពីកំណើនប្រមាណ ២១ ភាគរយ បើធៀបនឹងរយៈពេល៦ខែដើមឆ្នាំដូចគ្នា កាលពីឆ្នាំមុន។ លោកស្រី Amalia Adininggar Widyasanti ប្រធានស្តីទីនៃ BPS បានប្រាប់សារព័ត៌មានយ៉ាងដូច្នេះថា៖ «នេះគឺជាចំនួនភ្ញៀវទេសចរអន្តរជាតិខ្ពស់បំផុត ដែលប្រទេសឥណ្ឌូណេស៊ីបានកត់ត្រាក្នុងឆមាសទី១ ចាប់តាំងពីឆ្នាំ ២០២០»។
គួរគូសបញ្ជាក់ថា ឥណ្ឌូណេស៊ីបានទទួលភ្ញៀវទេសចរបរទេសប្រមាណ ៣,១ លាននាក់ក្នុងឆមាសទី១ ឆ្នាំ ២០២០ ហើយចំនួននេះបានធ្លាក់ជាគំហុកដល់ ៧៣១ ៣១៥ នាក់ ក្នុងឆមាសដដែលនៅឆ្នាំ ២០២១។ ចំនួនភ្ញៀវបានកើនឡើងមកវិញត្រឹម ១,៥ លាននាក់នៅឆមាសទី ១ ឆ្នាំ ២០២២ មុនឡើងជិត ៥,៣ លាននាក់ ក្នុងឆមាសដដែលឆ្នាំ ២០២៣។
ទោះបីជាឆមាសទី១ឆ្នាំនេះ ឥណ្ឌូណេស៊ីបានកត់ត្រាពីកំណើនគួរឱ្យកត់សម្គាល់ក៏ដោយ ក៏ចំនួន ៦,៤ លាននាក់ បង្ហាញពីភាពត្រដាបត្រដួសដែលប្រទេសនេះជួបប្រទះ ដើម្បីសម្រេចបានគោលដៅទទួលភ្ញៀវទេសចរអន្តរជាតិប្រមាណ ១៧ លាននាក់ក្នុងឆ្នាំ ២០២៤ ទាំងមូល។
បើតាមលោកស្រី Amalia ប្រភពភ្ញៀវទេសចរធំៗបំផុតរបស់ឥណ្ឌូណេស៊ី រួមមានម៉ាឡេស៊ី សិង្ហបុរី និងអូស្រ្តាលី។
គេមើលឃើញថា ដូចគ្នានឹងបណ្ដាប្រទេសផ្សេងៗទៀតក្នុងតំបន់អាស៊ីអាគ្នេយ៍ដែរ រដ្ឋាភិបាលឥណ្ឌូណេស៊ីបានចេញគោលនយោបាយ និងយុទ្ធសាស្រ្តផ្សេងៗយ៉ាងសស្រាក់សស្រាំ រួមទាំងគោលនយោបាយលើកលែងទិដ្ឋាការលើភ្ញៀវទេសចរបរទេសប្រមាណពី ១៦៩ ប្រទេស។
ការលើកលែងទិដ្ឋាការ បានក្លាយជាគោលនយោបាយបែបប្រកួតប្រជែងដ៏ធំក្នុងតំបន់អាស៊ាន ដើម្បីទាក់ទាញភ្ញៀវទេសចរក្រោយវិបត្តិកូវីដ១៩ ខណៈបច្ចុប្បន្ន ថៃ និងម៉ាឡេស៊ី កំពុងបន្តនាំមុខគេលើចំណូលទេសចរក្រៅពីក្រៅស្រុក ដោយឆ្ពោះទៅរកគោលដៅប្រចាំឆ្នាំរាប់សិបលាននាក់៕
អភិបាលខេត្តបាត់ដំបង ចុះពិនិត្យស្ថានភាពបង្កបង្កើនស្រូវកសិករនៅស្រុកចំនួន ៣ ក្នុងខេត្តបាត់ដំបង
ខេត្តក្រចេះ ត្រៀមកម្លាំងប្រមាណ ៤០០ នាក់ ការពារសន្តិសុខសណ្ដាប់ធ្នាប់ អំឡុងពិធីបុណ្យចូលឆ្នាំចិន
នាយឧត្តមសេនីយ៍ មាស វិរិទ្ធ ៖ ការសម្អាតចក ឬយកចកចេញពីបឹងគឺផ្តើមចេញពីការចូលរួមរបស់អាជ្ញាធរមូលដ្ឋាននិងប្រជាពលរដ្ឋ និងApp NoDrugគីជាមធ្យោបាយរាយការណ៍ប្រសិទ្ធភាព
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
កិច្ចប្រជុំលើកទី១ នៃគណៈប្រឹក្សាភិបាល កម្មវិធីមុខរបរនិងការងារសមរម្យរបស់យុវជននៅកម្ពុជា ដំណាក់កាលទី៣ (DEY III)
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១៦ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់