ព័ត៌មានជាតិ
ឯកឧត្តម ហ៊ុន ម៉ានី គាំទ្រដែលសម្តេចធិបតី ជំរុញឱ្យប្រជាជនទៅលេងខេត្តនៅតំបន់ CLV ឱ្យបានច្រើន ដើម្បីបង្កើនសេដ្ឋកិច្ច
ឧបនាយករដ្ឋមន្ត្រី រដ្ឋមន្ត្រីក្រសួងមុខងារសារធារណៈ ឯកឧត្តម ហ៊ុន ម៉ានី បានគាំទ្រចំពោះប្រសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលជំរុញឱ្យពលរដ្ឋទៅលេងខេត្តទាំង៤ ដែលនៅតំបន់ CLV ឱ្យបានច្រើនដើម្បីជំរុញសេដ្ឋកិច្ចនៅទីនោះឱ្យបានច្រើន។
ការគាំទ្រនេះ ធ្វើឡើងនៅយប់ថ្ងៃទី២ ខែសីហា ឆ្នាំ២០២៤ លើទំព័រហ្វេសប៊ុករបស់ឯកឧត្តមផ្ទាល់តែម្តង បន្ទាប់ពីសម្តេចបានថ្លែងក្នុងពិធីសំណេះសំណាល និងពិសាអាហារសាមគ្គីជាមួយសមាគមឧកញ៉ាកម្ពុជា នៅល្ងាចថ្ងៃទី២ ខែសីហា។ ក្នុងពិធីនោះ សម្តេចធិបតី បានលើកឡើងថា ប្រសិនជាប្រជាជនកម្ពុជាស្រឡាញ់ ខ្លាចបាត់បង់ខេត្តទាំង៤ខ្លាំងណាស់ ប្រជាជនកម្ពុជា គួរតែទៅមើលផ្ទាល់ និងទៅកម្សាន្តទៅតំបន់សហប្រតិបត្តិការត្រីកោណនោះឱ្យបានច្រើន ដើម្បីជំរុញសេដ្ឋកិច្ចនៅទីនោះ មិនមែនខ្លាចបាត់បង់ ប៉ុន្តែនាំគ្នាធ្វើបាតុកម្មនោះទេ។ បន្ថែមពីនេះ សម្តេចក៏អំពាវនាវឱ្យសមាជិកសមាគមឧកញ៉ា អ្នកវិនិយោគកម្ពុជាទាំងអស់ រួមគ្នាតម្រង់ទិសអទិភាពមួយក្នុងការវិនិយោគនៅទិសឦសាន ដើម្បីឱ្យខេត្តទាំង៤កាន់តែរីកចម្រើនខ្លាំង។ សម្តេចក៏បានបញ្ជាក់ថា ការបង្កើនមនុស្សតាមរយៈ២វិធី គឺឱ្យប្រជាជននៅទីនោះបង្កើតកូនឱ្យបានច្រើន និងបង្កើតឱកាសសេដ្ឋកិច្ចនៅទីនោះផងដែរ។
បន្ទាប់ពីនាយករដ្ឋមន្ត្រីលើកឡើងបែបនេះ ឯកឧត្តម ហ៊ុន ម៉ានី បានគាំទ្រចំពោះការលើកឡើងរបស់សម្តេចឱ្យមានការទស្សនកិច្ចនៅតំបន់សហប្រតិបត្តិការត្រីកោណនោះ (កម្ពុជា ឡាវ វៀតណាម) ដោយផ្ទាល់។ ឯកឧត្តមលើកឡើងថា អ្វីដែលជាទស្សនៈ នៃការធ្វើបែបនេះ គឺចង់ឱ្យអ្នកដែលមានទឹកចិត្តស្រលាញ់ជាតិ និងទឹកដីចូលរួមជាវិជ្ជមានក្នុងការថែរក្សាការពារ តាមរយៈការធ្វើដំណើរទៅដល់ទីតាំងនោះ ដើម្បីទៅឃើញឱ្យជាក់ស្តែងពីស្ថានភាព និងទិដ្ឋភាពនៃអ្វីដែលបាន និងកំពុងតែកើតឡើង ជាជាងការគ្រាន់តែស្រែកបន្ទរតាមរលកធាតុអាកាស។ ម្យ៉ាងទៀត ការបានទៅដល់ទីនោះក៏ជាផ្នែកមួយនៃការជួយដល់សេដ្ឋកិច្ចមូលដ្ឋាន តាមរយៈវិស័យទេសចរណ៍មួយផ្នែកផងដែរ។
ឯកឧត្តម ហ៊ុន ម៉ានី អំពាវនាវថា៖ “សូមចូលរួមទាំងអស់គ្នាដើម្បីភាពត្រឹមត្រូវ និងការពិតនៅកម្ពុជា! យើងជឿជាក់លើព្រះរាជាណាចក្រកម្ពុជា និងជឿជាក់លើរាជរដ្ឋាភិបាលដែលយើងបានជ្រើសរើសតាមរយៈសន្លឹកឆ្នោតរបស់យើង!” ៕
ដោយ៖ អុន ស្រីមាន
-
សន្តិសុខសង្គម៤ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៤ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ៥ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ២ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៥ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៥ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
សេដ្ឋកិច្ច១៨ ម៉ោង ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់