ព័ត៌មានជាតិ

នគរបាលបន្តផ្សព្វផ្សាយផលប៉ះពាល់គ្រឿងញៀន ច្បាប់ចរាចរណ៍ និងបញ្ហាក្មេងទំនើង ដល់សិស្សវិទ្យាល័យ ហ៊ុន សែន សំរោងជើង

បានផុស

៦ ខែ មុន

នៅ

ថ្ងៃសៅរ៍ ៣ សីហា ២០២៤

ដោយ

នគរបាលខណ្ឌព្រែកព្នៅ បន្តចុះផ្សព្វផ្សាយពីផលប៉ះពាល់ នៃការប្រើប្រាស់សារធាតុញៀន ច្បាប់ចរាចរណ៍ និងបញ្ហាក្មេងទំនើង ដល់សិស្សានុសិស្ស នៅវិទ្យាល័យ ហ៊ុន សែន សំរោងជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះផ្សព្វផ្សាយនេះធ្វើឡើងកាលពីព្រឹកថ្ងៃទី ០៣ ខែសីហា ឆ្នាំ ២០២៤ ដោយអនុវត្តតាមទិសដៅ របស់ លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាឲ្យនគរបាលទូទាំង ១៤ ខណ្ឌ ធ្វើយ៉ាងណាបញ្ជ្រាបទៅដល់សិស្សានុសិស្ស អំពីផលប៉ះពាល់ និងចៀសឆ្ងាយពីគ្រឿងញៀន។

ជាក់ស្ដែង កម្លាំងប៉ុស្តិ៍នគរបាលរដ្ឋបាលសំរោង នៃអធិការដ្ឋាននគរបាលខណ្ឌព្រែកព្នៅ បានចុះផ្សព្វផ្សាយពីផលប៉ះពាល់ នៃការប្រើប្រាស់សារធាតុញៀន បញ្ហាក្មេងទំនើង និងច្បាប់ចរាចរណ៍ ដល់សិស្សានុសិស្ស នៅវិទ្យាល័យ ហ៊ុន សែន សំរោងជើង ជាពិសេសអប់រំហាមមិនឲ្យមានការស៊ីញេ (ហ្វឺត) ឬ គូសសញ្ញាផ្សេងៗ នៅលើឯកសណ្ឋានសិស្ស។

ការផ្សព្វផ្សាយនេះដែរ គោលបំណង ដើម្បីបញ្ជ្រាបទៅដល់យុវជនតាមសាលារៀនដែលអាចផ្តល់ព័ត៌មានឲ្យពួកគាត់បានទូលំទូលាយ ខណៈការផ្សព្វផ្សាយនេះ ក្រៅពីបញ្ជ្រាបនៅតាមសាលា តាមរយៈម៉ោងសម្រាករបស់សិស្ស សមត្ថកិច្ច ក៏បានចូលអប់រំណែនាំដល់សិស្សានុសិស្ស ដើម្បីផ្តល់នូវចំណេះដឹងនានា ដើម្បីពួកគាត់ជាយុវជនបានដឹង គេចចេញឆ្ងាយ ឲ្យក្លាយជាកូនល្អក្នុងគ្រួសារ និងសង្គមជាតិ៕

អត្ថបទ ៖ រដ្ឋា