ព័ត៌មានអន្ដរជាតិ
ស្ថានការណ៍មិនស្រួល! អាមេរិកបញ្ជូននាវាចម្បាំងនិងកងប្រយុទ្ធទៅមជ្ឈិមបូព៌ា
សហរដ្ឋអាមេរិកកំពុងបញ្ជូននាវាផ្ទុកយន្តហោះ កងកម្លាំងប្រយុទ្ធ និងនាវាចម្បាំងបន្ថែមទៅកាន់មជ្ឈិមបូព៌ា ខណៈដែលតំបន់នេះត្រៀមខ្លួនចំពោះការសងសឹករបស់អ៊ីរ៉ង់ ក្រោយការស្លាប់មេដឹកនាំកំពូលក្រុមសកម្មប្រយុទ្ធហាម៉ាសនៅរដ្ឋធានីតេហេរ៉ង់ កាលពីដើមសប្តាហ៍។
វាគឺជាសកម្មភាពដ៏ធំមួយរបស់កងកម្លាំងអាមេរិកទៅកាន់តំបន់មជ្ឈិមបូព៌ា គិតចាប់តាំងពីការផ្ទុះឡើងនៃសង្គ្រាមក្នុងតំបន់ហ្គាហ្សា។ ពេលផ្ទះសង្គ្រាមនៅហ្គាហ្សាដំបូងៗ មន្ទីរបញ្ចកោណបានបញ្ជូននាវាផ្ទុកយន្តហោះចំនួន២គ្រឿងទៅកាន់មជ្ឈិមបូព៌ា ដើម្បីព្រមានជាសាធារណៈដល់ក្រុមសកម្មប្រយុទ្ធក្នុងតំបន់កុំឲ្យពង្រីកសកម្មភាពរបស់ពួកគេបន្ថែមទៀត។
លោក John Kirby អ្នកសម្របសម្រួលទំនាក់ទំនងយុទ្ធសាស្ត្រសម្រាប់ក្រុមប្រឹក្សាសន្តិសុខជាតិអាមេរិក បាននិយាយថា៖ «យើងបានឮមេដឹកនាំកំពូល (អ៊ីរ៉ង់) ខ្លាំងៗថា គាត់មានបំណងសងសឹកចំពោះការសម្លាប់មេដឹកនាំក្រុមហាម៉ាសនៅទីក្រុងតេហេរ៉ង់ ហើយថាពួកគេចង់ធ្វើការវាយប្រហារមួយផ្សេងទៀតលើអ៊ីស្រាអែល»។ លោក Kirby បានបន្ថែមថា៖ «យើងក៏អាចក្លាយជាជនរងគ្រោះនៃការវាយប្រហារបែបនេះដែរ ដូច្នេះយើងត្រូវតែធ្វើឲ្យប្រាកដថា យើងមានធនធាន និងសមត្ថភាពត្រឹមត្រូវនៅក្នុងតំបន់»។
កាលពីថ្ងៃសុក្រ រដ្ឋមន្ត្រីការពារជាតិអាមេរិក លោក Lloyd Austin បានបញ្ជាឲ្យក្រុមនាវាចម្បាំង USS Abraham Lincoln ចូលជំនួសនាវាចម្បាំង USS Theodore Roosevelt ដែលបច្ចុប្បន្នកំពុងឈរជើងនៅឈូងសមុទ្រអូម៉ង់នៃតំបន់មជ្ឈិមបូព៌ា។ បន្ថែមពីនេះ លោក Austin ក៏បានបញ្ជាឲ្យកងកម្លាំងប្រយុទ្ធ នាវាពិឃាត និងនាវាចម្បាំងដែលមានសមត្ថភាពស្ទាក់ចាប់មីស៊ីល ទៅកាន់មជ្ឈិមបូព៌ា និងសមុទ្រមេឌីទែរ៉ាណេផងដែរ។
សូមបញ្ជាក់ថា អ៊ីរ៉ង់បានប្ដេជ្ញាវាយប្រហារអ៊ីស្រាអែលចំពោះការធ្វើឃាតមេដឹកនាំនយោបាយក្រុមហាម៉ាស លោក Ismail Haniyeh។ យ៉ាងណាមិញ អ៊ីស្រាអែលបានបដិសេធមិនជាប់ពាក់ព័ន្ធនឹងការសម្លាប់នេះទេ។
មន្ត្រីអាមេរិក បាននិយាយថា ការវាយប្រហារសងសឹករបស់អ៊ីរ៉ង់អាចកើតឡើងនៅប៉ុន្មានថ្ងៃខាងមុខ ហើយសហរដ្ឋអាមេរិកកំពុងឃ្លាំមើលយ៉ាងដិតដល់នៅក្នុងតំបន់នេះថាតើអ៊ីរ៉ង់នឹងវាយបកក្នុងទ្រង់ទ្រាយបែបណា៕
ដោយ៖ ឈាង
មហាជនហួសចិត្តនឹងអ្នកលក់ផលិតផលម្នាក់ ក្រោយដេញពេទ្យឯកទេសរោគស្ត្រីទៅរៀនឡើងវិញ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ