រដ្ឋបាលខេត្តកំពង់ចាម​ បិទផ្លូវលែងឱ្យក្រុមហ៊ុន​មួយ ចូលដេញថ្លៃគម្រោងមូលនិធិឃុំ-សង្កាត់​ក្នុងខេត្ត​រៀងរហូត

តាមសេចក្តីសម្រេចរបស់​ចុះថ្ងៃទី២​ខែសីហា​ឆ្នាំ២០២៤កន្លងទៅនេះ​ រដ្ឋបាលខេត្តកំពង់ចាម​ សម្រេច បិទផ្លូវមិនអនុញ្ញាត្តិឲ្យក្រុមហ៊ុន​ យីម​សុកខេន​ ដែលមានប្រធានក្រុមហ៊ុន​ ឈ្មោះ​ យីម​ សុកខេន​ ចូលរួមដេញថ្លៃគម្រោងមូលនិធិឃុំ-សង្កាត់​ក្នុងភូមិសាស្ត្រខេត្តកំពង់ចាម​ជារៀងរហូត។

តាមរដ្ឋបាលខេត្ត ការបិទផ្លូវលែងឱ្យក្រុមហ៊ុនមួយនេះចូលរួមដេញថ្លៃគម្រោងមូលនិធិឃុំ-សង្កាត់ក្នុងភូមិសាស្ត្រ ខេត្តកំពង់ចាម ក៏ព្រោះក្រុមហ៊ុន​ យីម​សុកខេន​ ធ្លាប់បានបញ្ចេញឥរិយាបថមិនថ្លៃថ្នូរហាក់ដូចជាមិនពេញចិត្តនឹងចំណាត់ការក្នុងការពង្រឹងការដេញថ្លៃមូលនិធិឃុំ-សង្កាត់​ របស់រដ្ឋបាលខេត្តកំពង់ចាម​ និងមិនគោរពគណៈកម្មការលទ្ធកម្មឃុំ ហើយក្រុមហ៊ុនមួយនេះ ធ្លាប់បង្កភាពអុកឡុកក្នុងកិច្ចប្រជុំបេីកសំណេីរដេញថ្លៃគម្រោងមូលនិធិឃុំនៅស្រុកកោះសូទិន។

គួរឱ្យដឹងថា កន្លងមក​ តែងតែមានសកម្មភាពអុកឡុកបង្កភាពអនាធិបតេយ្យច្រេីនដងហេីយ​ គឺកេីតចេញពីក្រុមហ៊ុន​ ពេលមុននិងពេលដាក់សំណេីរ​ តែងតែដេីរចចារគ្នា​ជាថ្នូរមិនឲ្យដាក់សំណេីរប្រកួតប្រជែងជាមួយគេ។ ទេីបរដ្ឋបាលខេត្តកំពង់ចាម​ ចេញសេចក្តីជូនដំណឹង​ដល់ក្រុុមហ៊ុន ​និងអ្នកសារព័ត៌មាន​ ស្តីពី​ការដំណេីរការដេញថ្លៃនៅក្នុងភូមិសាស្ត្រខេត្តកំពង់ចាម​កុំឲ្យមានសកម្មភាពបែបនេះតទៅទៀត​ពោល គឺត្រូវប្រកបដោយភាពក្រមសីលធម៌​ និងតម្លាភាព៕

អត្ថបទ​​៖​ឡេក​ ចាន់ពេជ្រ​