ព័ត៌មានអន្ដរជាតិ
ចូ បៃដិន ទាយទុករឿងម្យ៉ាងនឹងកើតឡើង បើ ត្រាំ ចាញ់ឆ្នោត
ប្រធានាធិបតីអាមេរិកលោក ចូ បៃដិន បានទាយទុកជាមុនថា បើសិនជាលោក ដូណាល់ ត្រាំ ចាញ់ឆ្នោតនាខែវិច្ឆិកាមែននោះ បេក្ខជនខាងគណបក្សសាធារណរដ្ឋរូបនេះ នឹងមិនព្រមឲ្យការផ្ទេរអំណាចនៅខែមករាឆ្នាំ២០២៥ ប្រព្រឹត្តទៅប្រកបដោយសន្តិវិធីនោះទេ។
ក្នុងបទសម្ភាសជាមួយពិធីករ Robert Costa របស់ទូរទស្សន៍ CBS និងជាបទសម្ភាសលើកដំបូងរបស់លោក បៃដិន ចាប់តាំងពីការដកខ្លួនមិនឈរឈ្មោះបោះឆ្នោត, ប្រធានាធិបតីអាមេរិកវ័យ៨១ឆ្នាំរូបនេះនិយាយថា «ប្រសិនបើ ត្រាំ ចាញ់! ខ្ញុំមិនជឿទាល់តែសោះថា នឹងមានការផ្ទេរអំណាចដោយសន្តិវិធី»។
លោក បៃដិន អះអាងបែបនេះ ដោយសំដៅទៅការព្រមានរបស់លោក ត្រាំ កាលពីខែមីនាដែលថា បើគាត់ចាញ់ការបោះឆ្នោតឆ្នាំ២០២៤មែន ច្បាស់ជាមានការបង្ហូរឈាមជាក់ជាមិនខានឡើយ ហើយលោក បៃដិន ចាត់ទុកថានេះជាការញុះញង់ឲ្យមានអំពើហិង្សាផ្នែកនយោបាយ។
ការលើកឡើងរបស់លោក បៃដិន នេះផងដែរ គឺកើតឡើងចំពេលបេក្ខជនគណបក្សប្រជាធិបតេយ្យ និងសាធារណរដ្ឋ កំពុងបញ្ឆេះសង្គ្រាមពាក្យសម្តីជាមួយគ្នាយ៉ាងក្តៅគគុក។ កាលពីខែមុន លោក បៃដិន បានចេញអំពាវនាវឲ្យបន្ធូរបន្ថយសីតុណ្ហភាពនៅក្នុងនយោបាយអាមេរិក ក្រោយពេលលោក ត្រាំ ត្រូវគេប៉ុនប៉ងធ្វើឃាត។
អតីតប្រធានាធិបតីអាមេរិក ប៊ិះនឹងត្រូវខ្មាន់កាំភ្លើងបាញ់សម្លាប់ នៅឯការជួបជុំជាមួយអ្នកគាំទ្រក្នុងរដ្ឋ Pennsylvania ប៉ុន្តែជាសំណាងមួយក្នុង១លានគ្រោះថ្នាក់ គ្រាប់កាំភ្លើងបែរជាហោះចំស្លឹកត្រចៀករបស់គាត់ទៅវិញ ដោយបណ្តាលឲ្យគាត់ ត្រូវរបួសស្រាលប៉ុណ្ណោះ។
រម្លឹកទៅកាលពីអាណត្តិមុន នៅពេលលោក ត្រាំ ចាញ់ការបោះឆ្នោតឆ្នាំ២០២០ ក្រោមដៃលោក បៃដិន, គាត់បានជំរុញអ្នកគាំទ្រឲ្យចេញក្បួនបាតុកម្មនៅវិមានកាពីតូល ដែលជាទី គណបក្សប្រជាធិបតេយ្យត្រូវបានប្រកាសជាអ្នកឈ្នះឆ្នោតផ្លូវការនៅថ្ងៃទី៦ខែមករាឆ្នាំ២០២១។
គេចាំមិនភ្លេចឡើយ កាលនោះ អ្នកគាំទ្រលោកត្រាំ បាននាំគ្នាបើកការវាយប្រហារដ៏ឃោរឃៅ ជាលទ្ធផល បណ្តាលឲ្យមនុស្សចំនួន៥នាក់បាត់បង់ជីវិត៕
អត្ថបទ៖ សុខ សុវណ្ណ
ចុចអាន៖ Pelosi ជាមនុស្សសំខាន់ម្នាក់ធ្វើឲ្យលោក Biden ដកបេក្ខភាពពីការបោះឆ្នោតប្រធានាធិបតី
-
ព័ត៌មានជាតិ២២ ម៉ោង ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
សេដ្ឋកិច្ច៦ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៧ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៦ ម៉ោង ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានជាតិ៧ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៥ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៣ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៤ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់